البورسلان لمعه هذي اكبر غلطه ولله من التعب

سلام بنات

اشكر صاحبة الموضوع لانه مفيد جدا.. و اشكر كل البنات اللي قدموا نصايحهم

في الحقيقة انا مو قاعدة ابني و لا راح ابدا ابني في المستقبل القريب.. يعني بعدني مطولة خخخخ

بس سبحان الله لفت انتباهي من فترة طويلة وااايد حتى من قبل لا اتزوج انه ناس كثير اعرفهم بنوا بيوتهم و ندموا على اشياء كثيرة فيها.. فقررت اني ابدا اخطط حق بيتي بفترة تسبق فترة البناء و التنفيذ بوااايد.. و مو فارقة معاي حتى لو امتدت الفترة من بين 5 الى 10 سنوات قبل البناء.. عشان ما اغلط نفس غلطات معظم الناس..

شدتني في الموضوع بعض النقاط و حابة اني استفسر عنها و يا ليت اللي عندها رد تفيدني و اعرفكم ما راح تقصرون :)

اول شيء يا بنات انا ترى مو من السعودية و بلادنا ما فيها صحاري و غبار و رمل وايد خخخ.. بس تكثر فيها الجبال و السهول.. <-- اظن عرفتوها خخخ

ابدا بالتصميم الخارجي... ما اعرف ليش الكثير من البنات ما نصحوا بوجود مساحة خارجية كبيرة.. اللي هي الحوش او الحديقة.. حبيت اعرف ليش؟؟ انا حابة انه يكون عندي في بيتي المستقبلي حديقة متوسطة نوعا ما و حابة اني اقسمها بحيث اني اسوي منطقة للقعدة و مكان للعب و تكون مزروعة بالحشيش الاخضر.. و تمتد ورا البيت و على جانب واحد منه.. و مو حابة ابني سور مرتفع جدا.. يمكن ابني سور صغير و السلام.. يعني نفس الاجانب..

حابة اني اقسم بيتي من ناحية التصميم الداخلي الى 3 اقسام في الطابق السفلي.. اول شيء قسم الضيوف.. هذا يكون اول شيء بعد المدخل.. و هو باب يندخل منه على مجلس استقبال الضيوف و حابة انه يكون واسع مع توفير مساحة (افصلها عن المجلس بفاصل جداري) احط فيها طاولة الطعام للضيوف.. و طبعا حمام الضيوف.. و حابة اني اعمل ممر بسيط من المجلس بالنفس يوصل لجناح الضيوف (في حال حد حب يبات عندنا).. غرفتين نوم حجمهم متوسط مع حمام..

القسم الثاني هو قسم معيشة اهل البيت.. و هي مساحة وحدة مساحتها واسعة نوعا ما و حابة اني اشمل فيها المطبخ و قعدة العيلة و مكان الاكل و مكان للكمبيوتر و حمام صغير لاستخدام اهل البيت.. طبعا كله مفتوح على بعضه مع استخدام فواصل جدارية صغيرة من الاسمنت و الخشب (ما عدا الحمام طبعا خخ).. و مو ناوية احط مطبخ ثاني و لا شيء.. و حابة اني احط فتحة جدارية تربط لي ما بين غرفة طعام الضيوف في غرفة الاستقبال و المطبخ عشان يسهل نقل الاكل بين المكانين.. و في المطبخ بالنفس باحط مستودع متوسط .. و كنت ناوية احط غرفة الغسيل و الكوي تبع المطبخ بس عقب ما قريت آراء معظم البنات القيمة.. اقتنعت اكثر انه افضل لو احطها في الطابق الثاني مع غرف النوم.. و على فكرة حابة انه منطقة المعيشة كلها تكون مفتوحة على الحديقة الخارجية..

استغربت انه معظم الاراء كانت ضد المسبح..:( عاد انا خاطري احط مسبح في بيتي.. لكن مو مسبح خارجي.. حابة احط مسبحي داخلي مغلق في منطقة القبو..و يكون بكل ملحقاته من حمامات و شاورات ..ما ادري اشرايكم؟؟؟ هل راح اواجه مشاكل في هالحالة؟؟ يعني حتى لو عندي اطفال..؟؟ خاصة انها بتكون منطقة معزولة و مغلقة في حال عدم استخدامها.. و حابة ابني في نفس المكان غرفة صغيرة تكون يا سينما منزلية او غرفة العاب رياضية صغيرة.. يا ريت البنات اللي جربوا يسوون مثل هالغرف يفيدوني لو كان منها فايدة او كانت مضيعة مساحة و فلوس؟؟؟

الحين بما انه قسم استقبال الضيوف بيكون في مقدمة البيت و قسم المعيشة الداخلي و الخارجي (الحديقة) بيكونون في المنطقة الخلفية و الجانبية للبيت.. حبيت انه المنطقة المتوسطة تكون منطقة التوزيع.. اللي منها ادخل على غرفة المعيشة في خلفية المنزل و غرفة استقبال الضيوف في مقدمة المنزل و اللي اصعد منها للطابق الثاني.. طبعا حابة الدرج يكون دائري او ملتوي و انه هالمنطقة كلها تكون مفتوحة على الطابق الثاني.. و الطابق الثاني يطل على منطقة التوزيع في الطابق السفلي مثل البلكونة.. حبيت اسأل البنات اللي ذموا الدرج الدائري.. و اللي ذموا انه ينفتح الدور الاول مباشرة على سقف الدور الثاني.. هل وجود الدرج فقط في هالقسم راح يسبب مشكلة؟؟ و الا انتو مشكلتكم انكم بنيتوه في الصالة او منطقة القعدة و خذ منكم مساحة و بس؟؟ و اللي ذموا انه الطابق الاول ينفتح مباشرة على سقف الطابق الثاني.. هل الازعاج و سهولة انتقال الصوت هما المشكلة الوحيدة معاكم؟؟ و الا التصميم بالنفس مو مريح؟؟

ادري صجيتكم بالاسئلة و هذا انا بعدني ما راح ابني الا عقب دهر خخخخ

بس حبيت تفيدوني و لكم الاجر :)

انا مثلك ندمت ان مافي مستودع

:27::27::27:موضوع ممتاز:27::27: