السلام عليكم ورحمة الله وبركاته
اليوم جبتلكم طريقه سينبون وربي انه مايفرق عن الجاهز ابد ويمكن الذ بعد وغير كذا كفايه انك انت مسويته بالبيت وضامنه نظافته ...اخليكم مع الصور بالأول ثم الطريقه واتمنى يكون يعجبكم وتجربونه لاني جربت كذت طريقه لكن مثل هاذي ماقد ذقت ،،، يالله كل وحده تجرب وتقول وش صار معها ولاتنساني من دعوه حلوه من قلبها.....
معليش بنات مارتبت الصحن طالع الشكل مش ولابد كنت مستعجله ومامداني اخذ كم صوره
وهاذي صوره ثانيه للتعذييييييييييييييييييييييب شايفين العجينه كيف كنها قطن والسر راح اذكره بالطريقه لاني احبكم ومثل اخواتي وماتتصورون قد ايش استفدت منكم
المقاديرالعجينه اولاً:
اربع او خمس كاسات دقيق مطاحن الكويتيه او على حسب حجم العجينه انا بصراحه احط اربع كاسات
ملعقتين كبيره خميره
علبه زبادي
ملعقه كبيره سكر وملعقه صغيره ملح
نص كاس زيت ويفضل سمن لانه اطعم بالعجينه وخاصه عجينه السنبون
كاسين مويه دافيه للعجين لاززززم دافيه
ملعقه كبيره بكينج بودر
اربع ملاعق حليب بودره
الطريقه :
تخلطين المواد كلها في صحن عميق وتحركينها جيدا ثم تنخلين الدقيق والبكنج بودر وتحطينهم على شكل دفعات واعجني وكل ماعجنتي اكثر صارت النتيجه افضل اعجني اقل شي مده عشر دقايق واذا حسيتي العجينه تلزق معك زيدي شويه دقيق وبالأخير خليها تتخمر لساعه او ساعتين غطي الصحن بفوطه او كيسه ودخليها مكان دافي الفرن او الميكروويف واذا تخمرت افرديها بشكل مستطيل ..على فكره السرفي ليونه العجينه كثر العجين والزبادي
مقادير الحشوه :
اذا فردتي العجينه ادهنيها بربع زبده ثم رشي سكر اسمر اوابيض وقرفه وكثري من القرفه ثم لفيها على شكل رول ثم قطعيها بشكل متساوي وصفيها بصينيه جمب بعض وطبعاً تكونين مولعه الفرن سابقا عشان العجينه ودخليها وولعي عليها من تحت فقط وراح تاخذ معك مده قصيره حوالي ربع او اقل شيكي عليها لاتحترق
بعد ماتنضج غطي الصينيه بفوطه عشان ماتيبس.
مقادير الصوص:
الصوص الابيض :في الخلاط جبن كيري ونستله وملعقتين حليب وشويه قشطه نص علبه او كامله واحتفظي بالصوص لاحقاً
الصوص التوفي :كاس سكرعلى النار حركيه بسرعه واذا بدا يتكتل حطي القشطه على طول وحركي وزيدي عليهم ملعقه كبيره قرفه وكاكوا وبالعاااااااااااافييييييييه عليكم
بنات لاتنسوني من ردودكم :39:
هافة على نفسي هاليومين