سيناريو ولادتي 00الحمدلله عل كل حال

بسم الله الرحمن الرحيم
حبايبي واخاوتي بمنتدى عالم حواء الغاليات جزى الله كل خير كل وحده دعت لي او لاخت لها بالمنتدى بتسهيل الولاده
يوم ولادتي والله كنت اقرا ردودكم وانا ابكي من التاثر والالم برضه لان الطلوق كانت معي حاميه
نبدا القصة
رحت لموعدي وهو اخر يوم لي في التاسع يوم الاربعاء وكشفت علي الدكتوره وكنت هذاك اليوم الصباح باديه معي طلوق من الصباح بس لاني بكريه ماكنت اعرف وشهو الالم وتوقعته البيبي يتحرك بقوه بس هو كان طلق وطنشته طول اليوم
لما رحت الموعد الدكتوره كشفت على كل شي وقالت اوكي بس بتسوي لي تحريض ولاده زوجي كان معارض وانا قلت له طفشت وخلها تسوي اللي تبي بس الحق بس على نص رمضان شوفوا وين كان تفكيري بس
سوت التحريض وكان :icon33:تعذيب وبعدين قالت الالم اللي حسيتي فيه الحين هذا طلقه قلت لها انا من اليوم الصبح كذا قالت اجل قربتي
طلعت من عندها ورحت للبيت وانا مو حاسه بشي ولما جا الفجر يوم الخميس ويبدا معي نفس الم يوم الاربعا الصبح الم في الظهر والبطن وكان يجي كل عشرين دقيقه في البدايه والدكتوره قالت لاصار كل خمس دقايق تعالي الطواريء
جلست الين عشر الصبح بعدين دقيت عليها بالعياده وقلت لها عن الالم قالت العصر تجين الطواري اذا الالم منتظم
وجلست اقرا بالادعيه واقرا قران وفتحت المنتدى وقلت لكم عن الطلق الين الظهر لما جت ثلاث العصر كان الالم كل عشر دقايق لبست ورحت لهم
اكمل لكم بعدين عشان البيبي يبكي