باك رجعت لكم
كتبت القصة كاملة بعدين انمسح كل شي
المهم رحت لهم العصر انا ومامي موديني اخوي لان زوجي مسافر جيت للطواريء(طبعا انا معطيه الكل هنا خبر اني ولدت بمسشفى السعد وفرحانه اني مشتركه بالباكج حقهم)باكج النصب
لما جينا الطواريء اخوي قال للي بالاستقبال وكان ممرض انها حالة ولادة قال ادفع 300 ريال رفض اخوي لانه عندنا بكج قال خلاص اجل لو ماطلعت ولاده تدفع الف ريال قبل تطلع تعاملهم جدا مادي وكلمة ادفع عندهم قبل سلامتك
دخلوني انتظار الولاده وجتني دكتوره فلبينيه مناوبه تكش وقالت لي الرحم مفتوح 2 سم قلت لها اجل يمديني اروح البيت وارجع بعدين قالت لا الطلق مره منتظم وقوي واحتمال يفتح الرحم بسرعه
جا المغرب وزادت الطلوق وصار الالم يجي اسرع بس محتمل وتعبت وانا اقول للمرضات دقوا على دكتورتي لان هي قالت لي كذا اذا جيت الولاده يكلمونها كلهم كانو خايفين يقولون ممنوع نكلمها اذا مو مناوبتها انا انقهرت منهم ومنها شلون تدري انه ممنوع وماتقول لي قالت لي الفلبينيه انقلوها لغرفة الولاده خلاص طلقها حامي
ودوني لغرفة الولاده والله لايوريكم الاجهزة اللي ركبوها كل شوي وانا افكك فيها
اهم شي خدمة الممرضات فوق الممتازة كانوا بيشيلوني من الارض حتى الاكل يحطونه بفمي بس الخدمات الغير طبية عندهم ززززززززززززززفت
وكان فيه دكتوره لبنانيه اسمها يمنى نفسها بخشمها ومالها خلقي وانا طفشتها كل شوي اقول اطلبي لي دكتورتي لواء وشكلها انقهرت جتني الساعه عشر قالت اطلبي ابرة الظهر احسن لك الرحم لسه ماانفتح والطلق حامي وحقرتها
وجلست الين الساعه 12الطلوق موتتني الم بالظهر والبطن منتظم كل اقل من خمس دقايق بس الرحم مفتوح 5 سم
جت الساعه 12 وقالوا لي كذا وانا من لام اللي فيني طلبت ابرة الظهر وجابوا لي واحد يسولف عنها ومخاطرها ووافقت عليها وطلبت مره تسويها لي عشان الستر بس خفت من الكفاءة وربي عطاني على نيتي جتني استشارية ورئيسة هالاثنين حقة ابرة الظهر وحطتها لي وماحسيت فيها من خف يدها وكانت تجنن فكتني من الالم وعطوني اياها واناااام الين الفجر واصحى والا الطلوق حاميه بس مافيه فايده
جتني قابله لبنانيه واللي قبلها هنديه وكلهم كانوا زي العسل والغرفه بعد كانت رايقه وكنت فاتحه التلفزيون فيها على قناة المجد قران وانصح الهنديه تدخل الاسلام(شفتوا الفضاوة من بعد هالابرة وانا رادة لي الحياة حتى رجعت اسولف مع امي)
مليت من الانتظار وجتني الدكتورة بولين حبيقة وارتحت لها لانها صديقة دكتورة لواء وكانت حنوووونه مره وكشفت علي الساعه عشر الصباح لقت الرحم مفتوح تسعه سم امي من الفرحه قامت تصلي نا جتني الصيحه اخيرا بولد والقابله رانيا راحت تجهز طاولة الدكتورة حقة المقصات والعدة للبيبي وبدوا يقولون لي ادفعي لما انفتح عشرة سم
وانا كل دقيقتين ادفع واشد لما يقولون لي لاني ماادري عن الطلق مااحس فيه بس يقولون لي عنه اذا جت الطلقه عشان ادفع اونا اشد بقوه س مافيه فايده الين ثنتين الظهر قامت امي تهاوشهم قالت ماصارت شوفوا لها حل شفايفها صارت بيضا من الشد ومانزل البيبي جابوا دكتور استشارياسمه عارف الخالدي يسحب البيبي بالجفت بس تخيلوا شصار
انكسرت الة الشفط بيده سبحان الله البيبي رفض يطلع راسه ولما جا يطلعه جلس يفر براسه ثلاث مرات مره طلع لهم وجهه بدال راسه ومره اذنه وبعدين فر نفسه جهة الورك الدكتور انجن وانا كل شوي اقول له بحاول مره بعد قبل القيصريه بس عصب علي قال انا مااحاول الا مرتين وانتي حاولنا معك اربع مرات والطفل بخطر لانه بينزل بس بينحنق ولاهو راضي يطلع وامي عصبت علي ياحبيلها قالت ودها غصبا عنها للعمليات اللي جاها كفاها
ودخلوني غرفة العملياتوطلعت بعد ساعه مبنجه وميته من البرد
وصدمتني امي لما قالت لي انهم وسعوا لي من تحت وجلست ابكي لاني بكذا جربت الولادتين الطبيعي والقيصري وتندمت اني ماوافقت على القيصريه من بدري
والحمدلله على كل حال
خلص مشهد الولاده بكمل لكم بعدين مشهد البيبي وش صار له والتعب اللي حاه من هالولاده وتعاملهم الزفت معاه
الولاده عدت على خير وماانسى لهم انهم حاولوا بالطبيعي ومانفع وانقذوني بالقيصري والدكتوره بولين حليوه بس حنيتها خلت قراري وانا ماافهم اقوى منها المفروض ضغطت علي وقررت قيصريه بدون ماتحاول معي
عموما دعيت لكل الللي بالمنتدى الحوامل تتسهل ولادتهم ومايصير لهم اللي صار لي والله يرزق البنات والمطلقات واللي يبون الاطفال يارب والله يستجيب لي وييسر للكل وبكمل لكم بعد شوي شصار للبيبي اللي اليوم عمره 18 يوم وسميته حمودي
بروح تعشى الحين (عشا نفاس ياربي لك الحمد على النعمه بس)

مااحب حركات الفاصل ونواصل

الحمدلله على سلامتك والف مبروك حمودي لاكن اتوقع لو ماحاولوا معك طبيعي وولدوك قيصري كان زعلتي وقلتي ما عطوني فرصه كل الحريم اللي يولدون قيصري يقولون ماعطونا فرصه لاكن الحمدلله على السلامه المره الجايه اختاري قيصري على طول خليك مثلي هههههههههههه

الحمد لله على سلامتك وسلامة حمودي

يالله الله يعظم اجرك
والحمدلله على سلامتك ومبروك حمودي