قولي ياأختي

المهم يابنات ياحلوين صارت هاالحرمة تصلي وتدعي وإذا صار فيه محاضرة في المسجد لأن المسجد كبير وكان كل 3أيام محاضره برمضان لشيخ كبير أو داعية المهم وهي تصر تجلس تسمع الدرس وتدعي وأنت تعرفون بالتـأكيد إن الدعاء عند مجالس الذكر مجاب ،،،،،، وصارت تدعي وأنا أقول في نفسي وش تقول ذي في سجودها بالله ماتتعب هذا غير العشر الآواخر وليلة القدر إلي واصلت جلوسها في المسجد وقالت ماني طالعة يعني بين الصلاتين التراويح والتهجد جلست وأنا رحت ورجعت للتهجد وهي في المسجد تدعي وتبكي وتشكي حالها على عالم السر وأخفى صاحب كل نجوى سامع كل شكوى سبحانه وتعالى ..........
جاء العيد والرجال في ضلاله القديم والضره ضرررررررررررررررررررررررررررررررررره
وجاء ذو القعدة وبعده ذو الحجه وش صار ؟؟؟؟؟؟؟؟؟؟؟؟
صار إن هذي الضرة صار بينها وبين شغالتها مشكلة كبيرة قالت الشغالة بحج قالت مانتي حاجة وكلمه من الشغالة وكلمه من الضرة والشغالة طبعا أندونيسية وأنت تعرفون سحورهم وطبوبهم المهم الضرة مدت يدها على هذي الساحرة وضربتها وشدتها من شعرها وكفختها كفخ بقولهم أنا والله ماشفت بس يقولون،،،،،،
المهم الشغالة سوت سحر أسود يارب مايجوز عليكم ولا يجيكم سحر والعياذ بالله قلب حياة هذي الضرة من جنة إلى جحيم لايطاق وكانت حاطته لها في عصير كوكتيل وشربته هذي الضرة ومن بعدها ياعالم حالها يصعب على الكافر (اللهم لاشماته) صارت كل الليل نزيف وتوجع وآلام في كل أنحاء جسمها هذا غير إنها صارت ماتنوم الليل من الخوف والوحشة صارت تتخيل قطط سوداء وتتخيل عقارب وثعابين تنومت في مستشفى مشهور في ألمانيا بعد ماعجزت مستشفيات السعودية عنها وش قالو الألمان قالو إكتئاب حاد قد يؤدي إلى الفصام أي فصام والله إنه طب الساحرة حسبي الله عليها عطوها الألمان علاج إكتئاب يخدرها يخليها في فراشها متدري عن الدنيا لازوج ولاعيال ولا أهل ولا وظيفة ولاصلاة لاحول ولا قوة إلابالله العلي العظيم المهم صارت تضرب نفسها وتكلم روحها وطلبت من زوجها يطلقها ولا يطلعها من بيتها لبيت ثاني غير الرجال البيت مرتين وتعرفون الرجال ماأسرع مايملون ياناس أمها وخواتها ملوا مو بس ولد الناس وهي إلى هذي اللحظة في حالة مايعلمها إلا الله وراحت لشيخ كبير يرقي بالقرآن الكريم وقال لها هذا سحر أسود شربتيه وكان إذا قرى عليها تجلس الله يكرمكم تستفرغ شئ أسود مثل الشعر المعقود (الله يشفيها) أسأل كل وحده تقرى كلامي تدعي لها تراها مسلمة من أمة محمد مهما كانت خاصة إنها مازالت في كرب عظيم مايعلمه إلا الله صحيح خفت الحالة عن الإستمرار معها بس صارت تجيها على شكل نوبات مفاجئة والشيخ قال لها ترى السحرة غرضهم موتك عشان كذا يتكرب عليك الأمر هذا ماكان من الزوجة......... طيب أخينا بالله وش صار عليه (لولاإسلام 2004)كان ماطولت عليكم وخليتها حلقة ثانية بس تستاهل إسلام نشوف وش صار !!!!!!
الرجال مل من علاج زوجته الثانية له ألحين 6سنوات وهو ماخلى شيخ ولا مستشفى ولا بر ولابحر بعدين مل منها وصار يجي للأولى ويتأسف منها ويترجاها تسامحه وصار يطلب منها تسامحه وترضى عنه ، وصارحها عن خذلان كبير صار له بعد ماظلمها وإنه خسر في البيوت إلي شراها وإنه خسر في تجارته وإنه يشعر بالضيق ولا هو مرتاح وإنه يحس بتأنيب الضمير وإن الي صار في زوجته عقاب ممكن يطوله لولا لطف الله به سبحانه وبحمده ،،،،، هي تقول سامحته وصار يدخل ويطلع علينا ويسأل عن بناته المعاقات وصاريتمنى لهذي الزوجة الرضى بس ترضى ،،،، وطلب منها تخلي أولاد زوجته الثانية عندها ورفضت قالت أخاف الله إني أظلمهم ، وهم صاروا بين بيت أبوهم وبيت جدتهم أم أمهم والله سبحانه غالب على أمره ولكن أكثر الناس لايعلمون سبحانك اللهم وبحمدك أستغفرك وأتوب إليك
(إسلام في الردود القادمة قصة صاحبة سورة البقرة بإذن الله اخاف من الإطالة يجي الإملال)

اختي قمرية الوادي جزاك الله خيرا على القصة الرائعة وكلها مواعظ وعبر افديتنا بها
ونتتظر قصتك القادمة بكل شوق

قصص حلوه .. قمرية الوادي كملي القصص عن سورة البقره

إختي حب نجد ، الفووعه ، إسلام 2004 شكرا لكم وهذي قصة صديقتي الثانية تبع سورة البقرة :26:
صديقتي هذي يابنات عايشة حياة عادية بين أمها وأبوها بس عائلتهم كبيرة بالمرة يعني أبوها معدد وعنده زوجات غير أمها وعندها خوان وأخوات كثير وفيه منهم 6ذكور متزوجين و8 بنات متزوجات المهم صاحبتي هذي طيبة بالحيل وحنونة على والديها خاصة على الأب الذي أصيب بمر ض عضال في كبده (تليف ) لازمه المستشفى فترة ليست بالقصيرة وكان على كثرة أولاده ماينام عنده ويلازمه في المستشفى إلا صاحبتي وهي إسمها (هند) المهم كان باقي عياله الذكور مشغولين بحياتهم والبنات أشغل عنه على إنهم عائلة مرتاحة ماديا بشكل كبير جدا جدا بس والله عقوا أبوهم ولا وقفوا معاه في أيامه الأخيرة وماكان معاه إلاهند ووالدتها تقريبا حتى إنها كانت منقطعة عن الناس من عملها إلى البيت تأكل لقمة وركض على المستشفى تقريبا إلى ساعة متأخره من الليل ترجع بعده مهدودة تعبانة وكل يوم على هذي الحالة لمدة 3 سنوات تقريبا إلين جاء اليوم إلي كلمتني صديقة مشتركة وقالت لي
تدرين أبو هند مات الله يرحمه :( :( (: كان تقريبا عمر صديقتي 26سنة تأثرت على أبوها كثير وبعدين تقدم لها شخص من أسرتها من بعيد وتم الزواج زواج تقليدي وراحت بيت العدل - طبعا في فترة مرض أبوها كانت تقريبا لسى متخرجة من الجامعة وتوظفت على طول لأنها من حملت بكلريوس حاسب آلي وتوظفت في مكان مرموق ودخلها من راتبها حلو بالإضافة إلى ورثها من أبوها كان ماشاء الله ،،، المهم زوجها هذا كان عنّين يعني لايقرب النساء حتى أنه حاول أن يباشرها بطريقة بشعة أبكتني عندما أخبرتني بها ولا حول ولا قوة إلا بالله ،،، إستمر زواجها مايقارب سنتين دون أدنى فائدة وكانت تقريبا في بيت والدتها معظم الوقت وعندما طالبته بالطلاق قال خليك روحي المحكمة وتعذبي أول ونشوف والله ماأطلقك إلا بمبلغ وقدره ... المهم تدخل أناس من أقاربهم وبعض أخوتها وتم الطلاق بعد معاناة وبكاء وعذاب ،،، وكانت صاحبتي هذي عادية ليست من المتمسكين بالدين بشكل تام بل كانت مقصرة وكلنا مقصرين وكانت تستمع الأغاني وليست متمسكة بالحجاب بشكل يرضي الله على إنها كانت ذات أخلاق عالية وكانت بارة بوالديها ،،، وبعد طلاقها بفترة 3سنوات كان يتقدم لها فيها أناس أشكال وألوان على قولتها مافيهم الصاحي كل مايسألون يلقون بلى وانتم عارفين المطلقة في مجتمعنا الله ينظرهن بعين رحمته ويهب لهن من حثيات كرمه إنه سميع مجيب ،،، تقول إلي يبي يتزوج على زوجته وإلي يبي يجرب يجيب عيال ولا لا لأنه ماأنجب من زوجته الأولى وغيرهم أشكال سبحان الله ،، المهم أختنا بالله بعد هالسنوات الثلاث تقدم لها شخص كامل والكامل وجه الله كان طبيب في المستشفى الذي كان والدها منوم فيه وقال لها أنه كان مفكر فيها من قبل زواجها الأول بس تردد لأنه قبيلي وهي لا وخاف من أهله وكلام الناس إلين سمع إنها تزوجت صرف نظر وتزوج لكنه لم يتوفق في زواجه وطلق زوجته بعد فترة من زواجه وبعدين سمع إن هند تطلقت فتقدم لها ولم يبالي بأهله ولا بالمجتمع المتخلف والأفكار الضلامية على قولته ومادرى إن الوقت أقوى منه بكثير وإن سلطة المجتمع أحيانا تذهب إلى أبعد مدى :06: تزوجت الرجال على إن أحد إخوانها وكان دكتور جامعي نصحها من العواقب لكن رفضت وتزوجت الدكتور القبيلي وعاشت معاه 5سنوات لم يكدر صفوها إلا عدم إنجابها خلال هذي السنوات وإن أهل زوجها كانو عليها حرب لاهوادة فيها بل لم يحضروزواج إبنهم ولم يباركو له وقد دخل في زوبعة مشاكل مع أبيه وإخوانه ووالدته وعمه لايعلمها إلا الله وكان يقول ياهند مادمتي معي فلن يهمني إلا الله ماعليك منهم وطلب نقل إلى مستشفى في جدة لأنهم كانو في الرياض وهو لايريد أن تستمر المشاكل بينه وبين أهله وفكر مرة يروح كندا يدرس لكن مشيئة الله كانت أقوى من الجميع وكانوفي الرياض سنة وفي جدة جلسوا 4سنوات تجي هند تسلم على والدتها وأهلها والزوج في جدة مايفكر يجي ومادام هند معاه فهو مطنش أهله والناس اجمعين ،، بعدين وش صار تعبت ام الدكتور وأصيبت بمرض في القلب وطلبت تشوف ولدها خافت تموت وهي ماشافته راحو إخوانه له في جده وترجوه يروح معهم وراح حّن على أمه وراح معاهم وجلس عند أمه في الرياض 3شهور كان ملازمها وهي تبكي وتقول بموت ماشفت عيالك وش هذي البلوى ياولدي فضحتنا انا أبغى أشوف بحضنك وحده تليق فيك طلقها ياابوي وتزوج خلني أشوف عيالك من وحدة من ثوبك وكانت تبكي وتتعب وهو ياعرضي من أرضي زوجتي قرة عيني إلي ماشفت منها إلا كل خير وحبيتها كل الحب وإلا أمي وأبوي وأهلي وكان أبوه كل مايجي يزور الأم في المستشفى مايدخل وولده هذا عند أمه مايبي يشوفه وبعدين توفت الأم الله يرحمها على كل حال ورجع الولد لجده ماقدر ياخذ فيها العزى خوفا من أبوه (حسبي الله ونعم الوكيل ) تقول صديقتي آآآآآآآآآآآآآآآآآآآآآآآآآآآآآآآآآآآآآآآآآآآآآآآآه وش صارت حياتي من يوم ماتت الأم جاه مثل الحالة النفسية وصار يغضب لأتفه الأسباب ويقول أنا تورطت فيك وش الله بلاني أنا ليش ماطعت أمي أمي ماتت بحسرتها يالله ،،،،،، تقول وأنا أحاول أرضيه بأي شئ وأقول له لو تخليني أموت ولا أذبح نفسي حررررررررررررام عليك أنا أحبك ،،،، تقول وكان يبكي أحيانا ويقول أنا بنجن إذا صار لأبوي شئ وهو زعلان علي وكان الأب الله يسامحه قاسسسسسسسسسسسسسسي بل كلمت متحجر القلب قليلة في حقه (أعرابي جلف) سامحه الله :mad:
بعدين فجأة قال لها أنا بروح عمرة أنا ودي أستخير تقول من قال أستخير قلبي طااااااااااااااااار ولا وقع قلت بروح معاك مكة قريبة قال لالالا أنا محتاج أستخير أنا عندي موضوع مهم تقول قلت في دراستك قال إلي تبين ، تقول بعدها تقريبا بعشرة أيام وهو كان مايرد على موبايله وأنا قلبي مولع وحالي مايعلمها إلا الله جاني أخوي الدكتور الجامعي معاه ظرف أصفر ماأنساه تدرون وش هو الظرف ....
في الرد القادم أقول لكم وراي الصلاة >>>>>>> راجعه بحول الله