تعافيت ولله الحمد والسبب ...
شوفوا يابنات انا ابحكي لكم وش صار معي وشوفوا المعجزه الألهيه
انا كنت اراجع الدكتوره علشان الحمل ولما سوت لي اشاعه قالت عندك كيس دهني فوق المبيض لازم نشيله بعمليه لاكن انا ابعيد لك الأشاعه في قسم الطواري علشان نحدد حجم الكيس لأن عندهم الجهاز هناك اوضح
طبعا انا لما سمعت هالكلام جن جنوني وقمت اصيح على طول واصابتني حاله حزن وخوف ما تتخيلون كيف تعبت نفسيا لأني ماابغى العمليه وخايفه منها وكان موعد الأشاعه بعد شهر وصرت اقوم الليل واصلي وادعي ربي انه يشافيني ويعافيني وما تكتب لي هالعمليه وانا ولله الحمد اصلا لي اكثر من خمس شهور وانا اقوم الليل واصلي وادعي ربي ييسر لي اموري ......
وفي يوم الأشاعه دخلت للدكتوره وانا ارتجف انتظر النتيجه اللي كنت متوقعتها
(طبعا ضننت بالله خيرا فكان ضني في محله ) فقالت لي الدكتوره ( انتي ما فيك شي ابداسليمه ولله الحمد ) قلت متأكده يادكتوره قالت والله مافيك حتى اثر للكيس
طلعت من عندها وفي داخلي شي عظيم احساس لايوصف من السعاده حمدت الله حمدا كثيرا واثنيت عليه وخرجت الى زوجي واخبرته فقال ان الله لايخيب من دعاه
فنصيحه الى كل الأخوات الجأي الى الله في كل امورك ولا تيأسي ان طالت الأجابه
واعلمي ان الله عز شانه لايضيع اجر المؤمنين
حبيت احكي لكم قصتي علشان يكون اول شي تلجأين لله في محنتك
ودمتم سالمين
اعذريني يالغاليه والله توني ادخل النت من يومين وقصتي هذي كتبتها في هالقسم قبل كذا تحت عنوان (( تعافيت ولله الحمد والسبب ))

الدعاء عند السجود وعند نزول المطر ووقت الافطار بين الاذان ةالاقامه ويوم الجمعه وقت استجابه الدعاء والثلث الاخير من الليل ودعاء المظلوم

أنا عندي مواقف كثيرة ...بعضها تنقال وبعضها أحب أحتفظ فيه لنفسي


انا بصراحة أعاني مشاكل مع أهل زوجي ..لكن أحاول قدر إمكاني إني أنهيها عشان ماتكبر وأحاول أنساها وأبدأ صفحة جديدة

لأني والله أبي أكون إيجابية ....لكن أحيانا أحس بالظلم والكيد ..وهذي أشياء ماتعودت عليها ولا أعرف أتعامل معاها ...فألجأ لله وأدعي ...
مشكلتي إن أم زوجي عندها أطفال بعمر أطفالي وكانو متسلطين جدا...بدرجه خيالية
والكل شايف هالشي مو بس أنا ..يضربون بسبب وبدون سبب..وأمهم ما ترضى عليهم فلما يبكي أحد أطفالي ...يقولون مجور ..ولما يهاوشهم زوجي ..يقولون يهاوش إخوانه عشان عياله ...يستعطفون الناس ..ويتشكوون عند الناس
وأنا ما أقدر أفتح فمي بكلمة ....فدعيت عليهم دعيت إن عيالها يضربونها ..عشان تحس ..بقوة ضربهم ..ودعيت إنهم يتهاوشون بينهم ..ويلتهون عن عيالي ..

وكلها كم يوم ..إلا وهي تشكيلي من ضرب بنتها الصغيرة حتى وهي نايمة

وبعدها شكو من هواشهم مع بعض ..وقالو إن كل واحد ذبح الثاني بالضرب ..

وقتها إرتحت وأقول بقلبي شوفو نتيجة تربيتكم

وحمدت ربي وحسيت إنها دعوة مظلوم

واسفه على الإطالة

ويحصل لي مثل هالموقف كثييير

والله بنات فرحتوني بمشاركاتكم واتمنى ان الموضوع يتثبت استمروا يابنات والله يعطينا ان شاء اللهالي نتمناه.

موضوع جدا حلو ويجدد الامل صراحه

نبي تفاعل من الاخوات.....

بالنسبه لي مازلت أدعي وانتظر الفرج من رب العالمين ..... خصوصا اني أدعي ربي مظلومه بسبب ناس كانوا السبب االرئيسي في حرماني من وظيفتي اللي كنت انتظرها سنين... وهم مازالوا في وظايفهم .... لكن الله كريم وشايف وعارف

من جد مقهووووووره بس الفرج من ربي وانتظاره بعد حلو

حسبي الله ونعم الوكيل فيهم ربي مايحللهم الى يوم الدين