شاركوني همي.. معاملة أهل زوجي الغريبة لي

السلام عليكم ...
انا مشكلتيي مع اهل زوجي واسلوبهم الغريب
وانا ساكنه بالجبيل واهلي بنجران
مشكلتي اول ماتزوجت طبعاً زوجي الحمد لله معي مثل العسل الله يخليه لي ولا يحرمني منه يارب
لاكن اهل زوجي معاملتهم غريبه معي يعني ابي كل وحه تقرا موضوعي تحط نفسه مكاني وتقول رايه بصراحه
اول شي جيت عروس على بيت زوجي وكنت متخيله إن اهل زوجي بينبسطون مثل ماكنت اشوف حواليني يعني خوالي لما يتزوجون اشوف الإهتمام قبل الزواج وبعده من خالاتي وجدي وجدتي بخالي وزوجته والهدايا والفرحه عليهم وكل اللي اعرفهم يفرحون بأخوهم لما يتزوج
طبعاً انا إجتمع علي كنت صغيره واهلي بعيدين عني واهل زوجي مو ملقينن إهتمام
جيت على بيت زوجي عروس وكنت متخيله ابلقى الهدايا تنتظرني بغرفتي طبعاً ماشفت غير المعمول اللي يبخرون فيه البيت فقط فقط
طبعاً زوجي ماقصر قدملي هديه بليلة زواجيطقم وجوال الطقم يقول من امي بس ماأدري يمكن هو اللي جايبلي الطقم على اساس امه اللي جايبتلي إياه
المهم عدت ليلة الدخله ومن بكرا بالليل لبست فستاني على اساس بيجون اهل زوجي يشوفوني مبسوطين قعدت انتظر وانتظر ((طبعاً بيت اهل زوجي قبالي على طول)) المهم مع طول الإنتظار جتني خالتي ام زوجي قعدت دقيقتين بعدين راحت وكنت اسأله وين البنات ليش ماجو معك وكنت متحمسه اتعرف عليهن وراحت خالتي بعد كم دقيقه دق الجرس ورحت افتح الباب ولقيت خوات زوجي اللي ماتزوجن يعني وحده كبري او اكبر مني بسنه والثانيه كبيره مواللي متزوجه ماجت
انا شفتهن انصدمت يعني ماالبسن جايات بقمصان وعليهن العبات ومامعهن اي شي يجبر بخاطري طبعاً مع العلم ماديتهم جداً ممتازه وماعليهم
المهم قعدت انا آخذ واعطي معهن يعني اتعرف عليهن وكنت متحمسه نكون مثل الخوات او الصديقات وطول القعده اللي ماأخذت دقيقه وحده وهن يطالعن بالبيت يعني حسيت إنهن ماشافن البيت من قبل ابداً وراحن وهن يركضن تقل مخفخفات
انا قلت بيني وبين نفسي شكلهن مايكشخن وماعمرهن اكشخن وبعدين انصدمت إن ملابسهن من الرياض من برج الفيصليه وبرج المملكه ومايشترن إلا اغلا الملابس
بعدين بعد يومين رحت لهم من نفسي لبيت اهل زوجي واستقبلتن خالتي والبنات ماشفتهن وفيه وحده ماعرفت عنه إلا يوم زرتهم ماسلمت علي دخلت لخالتي تعلمه بشي وطلعت وماكأني موجوده المهم انا اسكت وخليت المركب يمشي وكان واضح الإسحقار بس قلت خليني ساكته المهم قعد لين جابت لي خالتي ام زوجي عشا بصحن صغير وقالت لي هذا حق الغدا مسخنه عليه طبعاً كسرت خاطر نفسي كأني جايه اشحذ وطلعت منهم مكسوره وذليله ورحت بيتي واسكت ماقلت شي لزوجي سافرنا انا وزوجي ورجعنا وزرت اهلي وقالي زوجي ابحط عزيمه بالبيت يعني ببيتي ابعزم اهلك وخالتي واهلي ووافقت قلت اوك
وسوا العزيمه وعزم خالته واهلي واهله بس خوات زوجي سافرن قبل العزيمه تقريباً بيومين ويوم العزيمه الكل يسأل خالتي عن بناتها وينهن قالت إنهن بالطريق جايين من سفر اللي جت اخت زوجي اللي متزوجه فقط واللي ماتزوجن كانن متعمدات مايجن العزيمه وعدت العزيمه
ومرت الأيام وكل مارحت عند اهل زوجي ماأشوف خوات زوجي احياناً يجن يسلمن ويطلعن ويتصرفن بالبيت عادي وكأني مو موجوه
ومره من المرات قعدت اصيح وقلت لزوجي ليش خواتك مايبنن ليش يتنحشن مني وتضايق زوجي معي بس مايقدر يسوي شي لي لأنهن شخصيتهن قويه بالبيت وخالتي طيبه وبس ساكته لأن بناته قويات شخصيه عليه
مرت الشهور وحملت ببنتي ولما كبر بطني شوي زاروني اهلي والحمد لله صار شي ماتوقعته دقت خالتي ونادتني انا واهلي ورحنا وشفت حفاوتهم بأهلي استانست لكن ماكل شي يدوم
ولد وجبت بنتي ولا كأنهم موجودين ومادقو علي ولا باركو لي يعني اللي سمعته إنهم لما سمعو الخبر استانسوا لأنه او حفيده لهم بس انا مادقو علي ولا رساله ولا شي زارتني خالتي وماشفت شي لا هدايا ولا شي ولما رجعت البيت قالت خالتي البنات بيجن يشوفن البنت وشافن البنت وهن واقفات وراحن انا ماحبيت اقول شي او افرض عليهن شي لأني شفت معاملتهم لي او ماشفتهم
طبعاً حاولت إني اكسبهم لأكن مافيه اي جدوى حاولت وقلت لهم مره ابخلي يوم بالأسبوع اجيكم وشفتهم مالقو لي إهتمام وتركتهم وحاولت بجميع الطرق لين ذبلت وصرت اخاف منهم واحس برهبه إذا شفتهم بمكان وصرت اخاف اسولف صارت الكلمه إذا طلعت مو متوازنه
تغيرت معاملته صارو يعني يسولفون معي صارن خوات زجي يشوفنن إذا زرتهم طبعاً زياراتي لهم اصبحت بالسنه مره او بعد كم شهر مره لي مع مرور السنين بس انكسر شي داخلي كنت ورده وذبلت
لين تزوج الثاني وشفت إهتمامهم له واستقبالاتهم له وحفاوتهم وسوو إحتفال له ليله العرس ببيتهم طبعاً ذبلت زياده طبعاً هواللي مااشوفه ابد إذا جيتهم صارن تطلع لحرمة اخو زوجي طبعاً والبنات يحبون اخو زوجي اكثر من زوجي يطلعن معه ويسافرن معه لاكن زوجي لا غير السياره مايركبن معه ولا يجيبن طاريه
وانا يوم شفت زوجت اخو زوجي ومعاملت خوات زوجي له وياخذون ويعطون معه بسلالسه ويضحكون مع بعض قارنت نفسي به كثير
هي صارت به ثقه بنفسه
وانا ذبلت وانكسرت
هي حست بقيمته نفسه
وانا حسيت بقيمتي
بوجوده هي كلامه موزون لأنهم عطوه قيمته اللي هي تبيه
وبوجودي كلامي مو موزون بسبب الخوف اللي زرعوه فيني
هي حاسه نفسه كأنه اميره
وانا حاسه نفسي ولا شي
هي مافيه شي تتذكره يحزنها يوم زواجها او يكسرها
انا ذكرياتي مع اهل زوجي كئيبه وإنكساري ماراح يجبر
هي تحس بنظرتهم له ويعزز ثقته بنفسه
وانا احس بنظرتهم لي وتنعدم ثقتي بنفس كل مره نجتمع عندهم
يعني مشكلتي قلت يمكن يجي يوم وتنحل بس من عقب ماتزوج اخو زوجي وشفت الفرق قلت خلاص مشكلتي ماله حل
ومضطره إني اروح لهم وطول قعدتي اكون ساكته وهي ماشاء الله عليه طلقه بالكلام وكلامه موزون وتشيل القعده
لاكن انا صار عندي خوف وصرت مااتكلم وإذا تكلمت ماأحد يلقين وجه لين حسيت نفسي متفشلين مني مع العلم إنهم هم السبب بحالتي ذي
اول ماتزوجت كنت طلقه معهم بالكلام لاكن الظروف كانت اقوا مني والحين انا حاسه بالهزيمه
طولت عليكم بس مقهوره من داخلي وقلت ابي احد يشاركني همي لأن احياناً إن شكيتي همك لأحد تعرفينه بتكون صعبه شوي واخاف يوصل لأهل زوجي الكلام وتصير مشاكل
تقبلوا موضوعي وابي كل من يقرا موضوعي يشاركني همي وتدعيلي إن الله يصلح حالي ويبارك لي بعيالي وزوجي