منقول

موضوعي بيكون مميز
الله يسلمكم انا كملت 25 وما عرست وطبعاً كبيره وايد على العرس مقارنه بخواتي وبنات العايله
المهم كانت يدتي اتقول استغفري ما سمعتي قصة الحرمه اللي اشتكت حق الرسول صلى الله عليه وسلم انها ما عرست قاله الرسول عليه الصلاة والسلام استغفري
ويلست تستغفر لين ياه الريل وعقب الله ما رزقهم اعيال لمده طويله ردت اشتكت للرسول صلى الله عليه وسلم رد قالها استغفري ويلست تستغفر لين الله رزقهم الذريه وعقب فتره صابهم الفقر وردت اشتكت وكان الجواب نفس الشي استغفري
والله رزقهم من نعيمه
وطبعاً هاي القصه كل ما اجوف يدتي اسمعها
وما شي فادني الا الرحمن ثم الاستغفار وياني نصيبي ولله الحمد
و والله ما اطيح في مشكله الا الاستغفار ايي على بالي والله على طول الحل اشوفه جدام عيني حتى بابسط الامور

منقول
من سمعت سالفة أبن حنبل والخباز وقصة مع الأستغفار ... وانا استغفر لكن الحق يقال مب دايم ( الله يهدينا)
المهم سبحان الله ......
والله كذا سالفة تحصلي سبحان الله غريبة .....
الأولى .......... طلبت من زوجى طلب ورفض بالمرة وقال لا وطلع وخلانى ..... والله قلت بنفسي
والله لااخليك تجى وتقول موافق
جلست استغفر ربي تقريبا ساعة او اقل مااذكر لكن والله يااختى انه جاء عندى وفتح الموضوع من نفسة وقال الى طلبتية موافق عليه ( قلت غصب عليك وانا اضحك قال غصب
قلت غصب ربي الى جابك من الأستغفار) ومع انى قلت له غصب سبحاااان الله ماتراجع عن مطلبي
الثانية .... طللعنا وكان عندة مشوار يبي يحول فلوس ..... وزحمة مرة وحنا جينا متأخرين
لكن نزل زوجى وجلست استغفر الله وبقلبي نيه انه يطلع بسرعة
وسبحاااااااااااااااااااااااااا اااان الله ماتأخر
ويوم ركب السيارة قالي غريبة قلت ايش صار قال البنك مزحوم والعالم واقفة بالدور
الا واحد من الموظفين يأشر لي ويطلب انى اتعدى السيرا وقدمنى بالأول وخلص شغلي
يقول احسبة مشبه على ....
قلت له من طلعت وانا استغفر بنية انك ترجع بسرعة
سبحااااااااان الله ومواقف لزوجى بفضل الله ثم الأستغفار .....

منقول

منقول

قصة أخرى : :

انا تاخرت في الحمل .. فقريت في شي من المنتديات .. عن الاستغفار .. فالتزمت الاستغفار 1000 مره في اليوم الحمدلله الله رزقني بالحمل ..

و صرت انصح الكل بالاستغفار

منقول
قصة أخرى : :


انا بغيت اتكلم عن تجربتي
انا تخرجت من الجامعة و يلست سنتين و نص ادور على وظيفة و ما خليت مكان ما قدمت فيه و سويت وااااااااااايد مقابلات بس للاسف انه ما فيه نصيب رغم اني انا عندي دورات و مؤهلات و شهادات الخ
ودائما كنت اقول في نفسي انه بيي اليوم اللي بشتغل فيه و بساعد اهلي و كان عندي امل كبير في الله و تميت كل يوم استغفر 100 مرة في اليوم و احيانا اكثر و دايما ادعي ربي و الح بالدعاء ..و اردد ادعية الرزق ... و خلال هذه الفترة انعرض علي اني اشتغل في بنك ربوي و انا علي بس اطرش سيرتي الذاتيةو الوظيفة مضمونة دام تعرفين حد يشتغل عندهم ممكن يتوسط لج و على طول تشتغلين .. المهم كنت على وشك اني اقبل بالعرض هذا بس تميت يوم كامل افكر من ناحية الحلال و الحرام و انه هذه فلوس حرام و ما يسوى اني اغضب ربي عشان الفلوس و اخيرا اقتنعت و ما طرشت سيرتي الذاتية و لا سألت .. بعد حوالي 3 اشهر من هذه السالفة الله رزقني بوظيفة ما كنت احلم فيها و براتب الحمد لله ..
سبحان الله الي يصبر يحصل و الله عوضني بالرزق الحلال و الحمد لله ...

منقول
اعرف و حده كانوا بيفصلونها من الجامعه لانه معدلها نازل و طبعنا هالنوع من القرارات جامعتنا لا يمكن تتنازل عنه تقول بدات استغفر و سبحان الله ما تنفذ فيهم هالقرار مع انه من سابع المستحيلات في جامعتنا انهم يبقونهم والحمدلله تمت البنت و ما نطردت
سبحان الله اهم شي الواحد يستغفر و يدعي و قلبه حاضر و موقن بان الله لن يضيعه و ما يستعجل الاجابه وينسى نظرته للامور وحكمه عليها خير او شر لانه احيانا الناس تشوف الشي شر ومصيبه و هو عند العليم خير ا كثيرا ولو علم الانسان ما في الغيب ما رضى الا بالواقع