شاسوي

الله العظيم تعبت والله انا اكتب وانا حاسة اني بموت من القهر والدمعه بعيوني حاسه اني باختنق في هالدوام الي كل يوم قاعد يحطمني اكثر واكثر
ليش درست خمس سنين ليش تعبت نفسي اذا في النهايه الهنود يقعدون يتأمرون علينا شلون بحصل خبره اذا بلادنا الي اهيه بلادنا مو قاعده توثق فينا حراااااام والله حراااام قال مهندسه قال والناس مغتره مهندسه قد الدنيا احسن دراسه الهندسه والله ما شفت الا الظلم والقهر والله حسبي الله ونعم الوكيل حسبي الله ونعم الوكيل فيهم
ادري انكم مافهمتوا شي اسفه بس لان ماعندي احد اطلع له الحره الي في قلبي بس اتصلت حق امي وقلتلها بس ليحين مابردت الحره ليحين متضايقه وايد
باقولكم شصار اهوه موقف تافه لكن قمت احس اني افقد احترامي حق نفسي يوم ورا يوم
انا اداوم في شركه قطاع خاص عندها مشاريع هندسه وايد مشهوره وكبيره في جزر سياحيه وانا البحرينيه الوحيده انا وفيه سكرتيره بحرينيه بس والبقيه اجانب وهنود
دوامي من 8 الصبح لحد الساعه 6 المغرب تخيلوا صار لي 4 شهور اشتغل لحد الحين ماعندي شي اسويه اروح الدوام واقعد مثل المزهريه
طبعا موظفيني عشان ايبون اجانب عشان احنا قانون العمل عندنا ان لازم يوظفون مواطن عشان ايبون اجانب زود على الموجودين يوم اداوم كان المكتب فيه بس 4 بريطانيين وانا والسكرتيره
تخيلوا يوم وظفوني يابوا 10 هنوووود و5 بريطانيين طبعا القانون في صفهم
تعبت يابنات والله تعبت فقدت حماسي انا الي كنت طموحه ومااخلي نشاط ومااخلي جمعيه شبابيه مااشترك فيها صارت حياتي مأساه دوام يضيع فيه وقتي طول اليوم وارجع هلكانه المغرب انام على طول
ومااقدر اترك الشغل عشان ماابي اخرب فرحة اهلي فيني وعشان حتى لو اشتغلت مكان ثاني يبون خبره وانا ماعندي خبره توني مشتغله فلازم على الاقل اثبت في وظيفتي سنه عشان الاقي وظيفه احسن منها (قانون الهندسهعندنا عشان افتح مكتب هندسي خاص لازم يكون عندي خبره 4 سنوات ولازم اخذ هالخبره عشان ابوي وعدني يفتح لي مكتب )

لكن بنات تخيلوا احين واحد هندي ويانا يابلي ورقه قالي قصيها وكأني انا خدامته والا اشتغل عنده والله انقهرت عقب خمس سنين دراسه حاطيني اقص اوراق
آآآآآآآآآآآآآآآآآآآآآآآآه يالقهر انا كل مره اسكت كل مره هالمره ماقدرت قلتله هذي مو شغلي ماادري شلون طلعت الكلمه مني مع ان صوتي ما ينسمع حتى اصلا اشك انهم يدرون اني معاهم عشان على طول في حالي ولا اكلمهم ولكننننننننننننننننننن في النهايه يقولي قصي لي ورقه
يوم قلتله مو شغلي راح حق المدير وقاله تخيلوا
ناداني المدير قالي انتي مشغوله قلتله ايييييييه اعتذر مني ورحت وانا احين الدموع في عيوني احس باختنق
حسبي الله ونعم الوكيل
ثقه مافي وسكتنا شغل يعطوني اشاياء يسكتوني فيها وتافهه وسكت احين اييني واحد ويقولي قصيلي ورقه

بنات ماابيكم تفهموني غلط انا مو عن اني احتقره عشان هندي لا انا متضايقه عشان احس اني فقدت احترامي لنفسي عشان كل فلتان وعلان صار اييني ويتأمر علي كأني خدامه موو موظفه مثلي مثلهم:44: :( :( :(