الله يعطيك عافيه وتسلمييييييييييييييييييييييين

ممكن طريقة الفطير المشلتت أسمع عنه بس ما أدري كيف طعمه

تسلمين رنا وجزاك خير

ابا ابي طريقه الكشري

وشكراا لكي ياعسل

سم الله الرحمن الرحيم
اليكى حبيبه قلبى


طريقه الكشرى


اولا المطلوبات بالنصف كيلو
نصف كيلو رز مصرى
نصف كيش عدس اسود
نصف كيلو شعريه
4الى5بصلات كبار
خل
5فصوص توم
بهارات مصرى (حتلاقيها عند العطار المصرى اقوليله بهارات)هو حيفهم
حوالى نصف علبه صلصه
و5فصوص توم
كمون ملح

نبداء على بركه الله
اولا يا ستى قطعى البصل حلقات رفيعه وحمريها فى الزيت
وانشليها من الزيت وحطى حوالى 4 اكواب ميه على الزيت والملح والفلفل شعره بس لا تكترى
وبعدين سيبيهم يغلوا اول ما يغلوا حطى ابهارات ثم العدس المغسول والذى سبق نقعه
وسيبيه حوالى 15 دقيقه
او لحد ما تلاقى الميه نقصت شويه وبداء يستوى
عقبال ما يستوى حمرى الشعريه
وبعدين حطى على العدس الرز
وعقبال ما يستوى
حطى الصلصه على النار وخفيفها بكوبين ماء
وحطى عليهم شويه زيت الثوم المدقوق
والملح والفلفل الاسمر برده مش كتير
وسبيهم يغلوا

كده الكشرى استوى طبعا الريحه لا تقاوم
شامين
دلوقتى تغرفى الكشرى وعليه او جنبه الصلصه


الدقه بتاعه الكشرى
عباره عن 4فصوص توم مدقوقين
وعليهم شويه خل حوالى معلتين تلاته
ربع كوب ماء فلفل اسود شعره وملح
ومعلتين تلاته كمون
وبالف هنااااااااااااااا
بجد مظبوط
اختكم فى الله

بسم الله الرحمن الرحيم
المسقعه ليهم طريقتين
الطرقه الاولى التقليديه
االمقادير
نصف كيلو باذنجان
نصف كيلو بطاطس
راس ثوم
ربع كيلو لحمه او اكثر
مكعبين مرقه
كوبين صلصه طماطم
ملح فلفل اسود
كمون
الطريقه
يقشر الباذنجان والبطاطس ويتركوا فى ملح
ويقطعوا بالطريقه المحببه لكى
نسخن الزيت
ونحمر الباذجان والبطاطس ربع تحميره
ملحوظه
لا يتغير لونهما
وبعدين
نحمر التوم فى السمن ونرش عليه رشه فلفل
ونحط اللحمه المفرومه ونقلب الى ان يتغير لونها
ثم ننشلها
ونحط الصلصه والملح ولما يغلوا نحط البطاطس والباذنجان
ركن بطاطس والاخر باذنجان
طبقه بازنجان وجنبها طبقه بطاطس وعليهم شويه لحمه
وههكذا حتى اخر الكميه
ثم نضيف مرقه الدجاج الفوريه واحده فقط
ونسبهم شويه على النار
لما الصلصه تبداء تنقص
نحط الصينيه فى الفرن
وعليها رشه الكمون صغيره
ونغطيها لما تبداء تستوى والصلصه تقل
نحط الكيس التانى للمرقه الفوريه ورشه صغيره كمون
وشويه زبده
ونشيل الغطا
ولما تستوى تقدم
وحسبوا على صوابعكم بجد
الطريقه التانيه
نفس المقدير
بس باختلاف
البطاطس اقل وفلفله ملونه حلوه
وبصلتين
نعمل مكبات المرقه شوربه ومحتاجين لكوب ونصف صلصه
نقطع الباذنجان نصفين
ونشيل اللب بمعنى تكون النصف مجوف من الداخل
ونحمره
ونقطع البصل مربعات صغيره
ونحط عليه اللحمه
ونسبها تستوى
وبعد نضجها نحط فص الى فصين توم عليها
نرص الباذنجان فى صينيه الفرن
ونحط فى تجوف الباذنجان اللحمه
وعليها شرائح الفلفل والبطاطس
ونحط الصلصه وانتبهى للحمه تقع
والشوربه
ونحطها فى الفرن وعند تمام النضج رشه خفيفه كمون
وشويه زبده صغيرين
وبالف هنا
وادعيلى

كمان


الكبده الاسكندرانى والسجق
اكله شعبيه تجدونها فى مصر على عربات
ولكن من ايديدى بشهاده الجميع احلى

نبداء نصف كيلو كبده مقطعه قطع صغيره
نصف كيلو سجق مقطع
نصف كيلو فلفل اخضر
سمن
ملح فلفل اسود
وراس توم مصحون

ونبداء على بركه الله وبسم الله
يا هادى يا رب
نقطع الفلفل الاخضر قطع صغيره
نحمر التوم فى حوالى معلقتين كبار سمن ورشه فلفل اسود كبيره حوالى نصف معلقه شاى
لا يستبدل بالزيت
وعندما يبداء فى الذبول نضيف الفلفل الاخضر
ونقلب
ونتركه الى ان يذبل
ثم نضع الكبده ونقلب حتى يتغير لونها
ونضيف كوبين ماء ونتركها
ومن وقت للتانى نشوفها نتركها حتى يكاد الماء يختفى

نيجى للسجق
نحمر حوالى 7الى 8 فصوص توم
فى معلقه سمن
ثم نرش رشه فلفل اسود
ثم نضيف السجق
ونصف الكوب ماء
ونتركه حتى النضح

طريقه تانيه للسجق
محتاجين لكوب صلصه طماطم
نحمر التوم ثم نضيف الفلفل الاسود ثم نضيف الصلصه
وحين الغليان نضيف السجق ونتركه
حتى النضج

وبالله انا مجرباها الف مره وكل ما اقول لزوجى حنعمل كبده
بيبقى طاير من الفرحه

ملحوظه مهمه
للحصول على افضل طعم يفضل عمل الكبده قبل اكلها بيوم وتركها
حتى تانى يوم بيبقى طعمها افضل بكتير

ولا تنسونى من دعواتكم
اختكم فى الله