شتاء الرياض

دقيتي عالوتر
ماعندنا غير الاسواق
ولا المنتزهات الي تضيق الصدر
الله يعين

مااحلى طلعات البر في شتاء الريااااض روووووووووعه ..:)

مافي احلى من الاستراحات اللي فيها خيمه وشبة نار ووناسه (بالذات اذا معاكم ناااس )
....استاجروها من يوم الاربعاء واقعدوا فيها الين الخميس اذا بغيتوا...
تترواح اسعارها في غير المواسم مابين 300 ريال الى الالف ريال في الليله على حسب الاستراحه وجمالها وموقعها ..
لكن الرحلة حلوة ولا مثلها ابد ..... وناسه ..

بالنسبه لمنتزهات ثمامه فيها قعدات حلوه مخيمات تقدروا تقعدوا فيها الين الساعه 3 بالليل .. حلوة مرررره
اسعارها تترواح مابين 50 ريال الى 150 ريال وماحواليها مطاعم شعبيه ومطاعم من كل شكل ونوع ..وجدا روعه فيها كل طبخات الرز السعوديه (مثلوثه .مظبي , مندي ,مشخول. بخاري ,سليق ,مشويات .باللحم والدجاج وذبائح كمان ...وبيتزا وسندويشتات شاورمر...وهمبورغر ووووووووووووالخ وكل ماتشتيها النفس والحمدلله بلدنا بخير ونعمه ...

وبعدين بالنسبه لي انا بالشتاء....
اذا بغينا نتمشى انا وعيالي والله ياحبيبه........
من بدري اجهز من الليل.. واتبل كم حبة دجاج ببهارات الشوي واجهز ادوات الشوي وكل شيء من خبز وخلافه ...واخذ معي سندوتشات وعصيرات للاولاد عشان يتصبروا بيها قبل الشوي ,,ومخيم صغير او تيزار او مايسمى رواق جدا رائع يصد عنكم الشمس والهواء والكشف ...
ومن الساعه 10 صباحا نتحرك ..
ونروح للبراري الحلوة يم ثمامه ومن خلف قصر ومزرعة العاذريه جدا اماكن هناك روعه وعالم وشباب وتطعيس
وحركات والله فرجه وشيء وناسه بصراحه ...

وبعدين قعدوا ورزوا هالخيمه وهالرواق وافرشوا وجهزوا كل شيء ..
وبعد صلاة الظهر ..
شبوا النار...... طبعا احنا نستخدم الحطب فقط للشوي صحيا افضل ..
وبعد ذلك بعد مايستوي الحطب ويصير جمر ...
نضبط الشبك على النار وهات يارص بهاالدجاج المتببببل ممممممم مااروعه والذه وانتي بالبر ..
وعلى مازوجك يشوي انتي جهزي السفره وخلافه ...
وعلى ماتتغدون وتخلصون يكون العصر قرب ..
بعد صلاة العصر ..يلعبوا الاولاد دبابات وخيول في ناس ياجروها ...وش كثرهم ..
وهات يالعب بالكورة والرمل ...لاحد المغرب وبعدين خلاص على البيت .. بررررررد:) وراح خلاص تتعبوا وتبون ترتاحون وتبون النوووم .. على البيت تسبيح ونوووم ورحلة سعيده ..

انا عن نفسي احب العب بالرمل واسوي اشكال وحركات :o
سويناها هذه الرحله البارح الخميس ..
والله وناااسه مررررررررررررره
وراح يحبونها عيالك ..
وخلي لبسهم كله رياضه وجكيتات برد فقط ..
والرمل نظيف مايوسخ ..
لاتشيلين هم ..


بالعكس بالرياض كل شيء متوفر وموجود بس يبي لها واحد متعود على هذه الشغلات ...
لكن جربوها هذه الطريقه وشوفي ...
واذا انتي شايله هم الشوي وحوسته ...ورغم انه هو الاساسي بالرحله ,, لكن في طريقه ثانيه ..
اطبخي بالبيت وخذيه معك بقدره وبكل شيء ..
وعلى اقرب بر حلو افرشوا فرشتكم وتغدوا وعاينوا خير وتدفؤ بالشمس والعبوا الين قرب المغرب وخلاص ..

اذا تبون الليل يبغى لكم الصراحه حجز في احدى الاستراحات او المنتزهات ..
وشكرا ورحلة سعيده لكل اهالي الرياض بها الشتاء الرائع :) الله لايغير علينا يارب ..

مع التحيه ..

اجل مارحتي للمهرجان فااتك الجمعه آخر يوم ترا
وحسب ماقالوا انهم بيرجعون يفتحون خمس ايام العيد الاولى
مطاعم اشكال وانواع عينات من كل دوله
ومحلات من كل البلدان العربيه والعاب اطفال واماكن جلسات والعاب بهلوانيه خطيره ونستنا

وماشاء الله زحمه البارح الخميس زحمه عوائل انبسطنا وشرينا من هالجلابيات الحلوه ومن هالفرشات وتحف الروعه
خاصة الركن الايراني والمصري فضيعات ,, وماشاء الله الفروع كثيره عجزنا وحنا نفرفر فيها كلها :o

وعندك بعد مثل ماقالت اختنـ غيم الثمامه محد مايروح لها بشتاء تجنن

وبالتوفيق يائمر :26:

..

.

هلا إختِ المتغلية...

وشو هذا المهرجان ؟

أقصد مكانه وين ؟ و هل أكيد يبون يفتحونه أيام العيد ؟

هلاوين اختيـ saudi girl
المهرجان جنب متحف الامير سلطان بضبط بين مخرج 8 و9
وحسب كلام البائعين بركن الايراني انهم بيرجعون يفتحون اول خمس ايام من العيد

واليوم الجمعه آخر يوم :(

..

.