شتقت لك امي

في غربتي ..وحين التفت هنا وهنا ولم اجد يدا حانية ..
يحدوني الشوق لامي كثيرا
وعندها تفجرت كوامني بكلمات بريئة وددت لو تشاركوني في قرائتها
مع التماس العذر لبساطتها:
........................................
واشتقت
صحيت يمه على صوتك تصحيني
وفزيت فرحه..
ولقيتها احلام؟
ودي احاكيك يايمه
وتحاكيني
حسبي على هالزمن
جاير وهالايام
يمه دفا هالناس
ماعاد يكفيني؟؟؟
ابي دفاك اللي
ترويه الاقلام .
يمه قلوب الناس
تآكل رحى فيني ؟؟
يمه تراهي حقيقة
ماقلت اوهام.
ابي تشوفين حالي
وش حصل فيني
يمه على هالحال..
انلام
وانلام..
يمه سمعت الصوت
لا..لاتخليني
يمه ارحمي خاطري
المكسور له اعوام
كل من احاكيه
مايرضى يحاكيني
وكل من الفته يوم
يغدر علي اعوام؟؟
انا افقدك يمه
وهذا الخبر فيني
عيت احكي به
بس باحت الاقلام
يارب بصبر
على مافيه تبليني
ولابدون الصبر
ماعاشت اقوام
يارب قدرني
وارحم
وداويني ..
وافتح لي ابوابي
يارب قدام..
......................................
قولوا آمين