احمدي ربك واشكريه

..صباح الخير ..


ما شاء الله .. هذا الرجال الي صدق ينحط على الجرح يبرى ..!
فاهم وظيفته كـ زوج وأب بشكل ممتاز ..!
الله يخليه لك ولا يحرمك منّه أن شاء الله ..!
وبـ النسبه لـ وضعك معه فما فيه أي مشكله .. فيه ناس طبعهم كذا ..
أنا أبوي دايم يعطي وعمره ما خذا .. حتى يوم طاح مريض ..ّ!

×


دايم يفكر وش يعطينا مع ان حنا مرتاحين وما علينا .. بس دايم يعطي ..خيره سابق دايم ..!
وأحسه في حياته اعطى الكثير .. الكثير .. الكثير .. بدون ما ياخذ منا نحن ي أسرته أي مقابل ..!
الله يوفقك ويخلي لك رجلك يارب وأطفالك ..!


..ركب الأغراب..

انا فاهمه انك تبغين تسعدينه تبغين تعطينه


زوجك شخصيته بسسيطه ابسط مما تتخيلين


تدرين كيف


هو يسوي لك الشي والمردود اللي يبغى يشوفه هو الثناء منك والمدح

وفرحتك بالشي وسعادتك

يعني هو لما كتب الارض بأسمك واسمه كان مكتفي بردة فعل تحسسه بفرحتك فيه بشخصيته الجميله النادره

فهمتي والا انا ماعرفت اوصل لك


هذي الشخصيه تستمد قوتها من رداة الفعل

يعطيك مايحب ياخذ منك لانه يكتفي يشوف الفرحه بعينك والراحه بداخلك معه فهمتي

لما تمدحينه وكذا هذي اكبر هديه عطيتيه اياها

اثني عليه دايم وامدحيه دايما بينك وبينه عطيه من الكلام الحلو هذا الشي يحسسه بالسعاده

اما بالنسبه للهدايا اهديه ومالك دخل بردة فعله

انتي تنتظرين تكون ردة فعله بالشي مثل ردة فعلك لما يجيب لك شي


ترا هو مبسسسسوط بداخله بس مايعرف يعبر ...انتبهي لهالنقطه


يعني دايما اهديه وقولي هالشي شفته وماقدرت اقاومه مره يناسبك وبيطلع يجنن عليك


مب لازم يطمر ويعطيك نظره فيها دموع .. ومب لازم يقولك شكرااا وتسلمين ..لأن هالنوع مايعرف يعبر


ماتشوفينه اذا مرض مايقوول ..لاانه مايعرف يعبر.. كيف يجي يقولك انا مريض !! يحس انها سخافه وحركات اطفال فهمتيني

عطيه الشي المعنوي

امتنااان كبير

امدحي كرمه امدحي اخلاقه حسسيه انه نعمه ربي انعمها عليك

دايما قولي الله لايحرمني منك الله يخليك لي , انت احسن رجال بالدنيا


بكذا انتي عطيتيه الكثثثثثثير شي ماتتخيلين انه افضل من الهدايا حتى



طبعا المرض اقعدي معه وقولي له اذا مرضت وانا مادري اتضايق

انت كل شي بحياتي شلون تمرض وماتعلمني

اذا بتسويها بزعل منك


ياختي مره مرتين بيتعود

صحيح هي شخصيته لكن بيحرص انك ماتزعلين منه


طبعا مب تزعلين تروح بيت اهلك لا .. ولاتخربين بيتك بس اقصد الزعل الحلال .. الزعل الجميل


حسسيه بالذنب يعني


وبس اتمنى اكون وفقت بتعبيري او شرحي لان انا اخووي كذا


يمرض ولايعلم احد ويحتاج ولايقوول لاحد

واذا درينا يقول ماله داعي تسوون لي انا اسوي لنفسي


بس ترا بداخله يحب الدلع

اذا شاف امي قامت وسوت وفعلت واكلته بيدها ينبسسط لايغرك سكوته

اذا هو اب خلاص حولي شخصيتك لطفله متطلبه وعيشي حياتك


وقولي الحمدلله انا اشوفها نعمة

نفس شخصية حبيبي زوجي
بس  ما كنت اعرف انها شخصيه ابويه 
اول مره اعرف انه اسمها كذا 




وهي مو مشكله كبيره هي مشكله صغونه 
وممكن تكون ميزه وحاجه نادره بس لاازم نتعود عليها ونعرف نتعامل معها












اعطيكم مثال عشان تقتنعون 
طلعت انا وصديقاتي للسوق واخذو صديقاتي كل وحده نقت لزوجها هديه 
واصرو علي اخذ قلت لهم وربي احس زوجي يتضايق لما اعطيه شي 
ما صدقوني وقالو بلا بخل فرحي زوجك بهديه يا بنت 
قلت اوكيه واخذ له عطر هو يحبه 
ولما جيت اعطيه بكل حماس 
اخذ العطر وحطه ع جنب وقال لي شوفي انا لما اعطيك فلوس ابيك تاخذين كل الي تحتاجين ونفسك فيه ما ابي هدايا 
انا لو ابي انا اخذ لنفسي 
ندمت والله وتوبت اجيب له هدايا 
وبالمقابل لما اجتمعنا انا وصديقاتي وكل وحده تسولف عن ردة فعل زوجها 
كلهم قالو ازواجنا انبسطوا 
الا انا زوجي تضايق 




وقبل فتره مرض وحالته حاله 
 وانا كنت عند اهلي ولا قالي اسمع صوته تعبان اقوله انت تعبان يقول لا ما فيني شي 
طيب وش فيها لو قال ايه تعبان
وكمان همومه مشاكله مستحيل يشتكي او يفضفض 




نظرته لي اني صغيره وعاطفيه وانه مسؤل عني 
ومهتم جدا فيني 
وعن كل شي يسالني 
عن اكلي .. طلعاتي ... 








يرفض رفض قوي انه ياخذ مني لو ريال واحد  حتى حافز لما كان ينزل لي يسحبه من الصراف ويجي يعطيني وهو اصلا الي سجلني ويحدث لي ومع هذا يقولي انا ملزوم بمصروفك واي شي تبغبينه المهم لعبت بحافز ولا زال عندي مبلغ منه 




وهو في اول الثلاثينات بس ماشاء الله عااااقل 




ربي يحميه ويحفظه ويخليه لي 








(دلوووعه )