شريت ديك و دجاجة وغراب ( جدا مشوق خخخخ)

سلام عليكن
مساتسن الله بالخير يا حريم
وش علومكن
انشا الله طيبايه

عندي اليوم سالفيه حلويه صارت لي شخصيا :23:

قبل رمضان شرى زوجي ثلاث دجاجات وديكين ( يا حليلهن )
وحطيناهن بالحوش وراء بيتنا بشبك صغير

وحدة من الدجاجات لونها أسود غامق كأنها غراب ( سماالله علينا )
والثانيه لونه بني ( والظاهر انها كانت وجعانه )
والثالثة صغيرة مرة لونها ابيض منقش باسود
وديكين واحد خواف ( رخمة ) سميناه مبارك انا وبناتي
والثاني خبيث لونه أحمر والظاهر انه شيطاني ( سميناه عواد )

الوكاد ما بقي من الدجاج الا الدجاجة الصغيرة والديك الرخمة
والباقيات الله يستر عليهن الدجاجة الي لونها اسود كأنها غراب طارت (وما تصدقن وشلون طارت ) بناتي الله يصلحهن كانوا يلعبون معهم ويطردونهم والظاهر من الخوف الشديد طارت الدجاجة السوداء على السور وطاحت خلف البيت ( الله يستر عليها الظاهر انها صارت عشا للبساس )
والدجاجة الثانيه الي كنها وجعانه لعبت معاها بنتي ( بقشيه الله يصلحها ) والظاهر انها فغصتها الوكاد انها ماتت الله يرحمها
والديك الي اسمه عواد طاح ببيت جارتي المصرقعيه الله يسلمها
ما بقي الا الدجاجة الصغيرة الي صارت ضحيه للديك المتغطرس الي سميناه انا وبناتي ( عواد ) لانه ما عود بالخير

كل يوم ونا اسمع الدجاجةالصغيرة تصيح(واق واق واق)واجي اركض احسب البسة كلتها
والقا الديك عواد ينقر راسها ( الله لا يوفقه)
وافرقهم وارمي عليه النعله ( الشبشب ) وينحاش وكل يوم كذا

نسيت اقول لكم وش اطعمهم
تصدق بنات وش ياكلن
بقشيه الله يصلحه كل يوم اذا بقي من الفطور شي تطعمهن وتدرن وش تطعمهن
تطعمهن ( شكشوكة ) :11:
والله و ما حلفتوني أن الديك عواد يبسط على الشكشوكة وخصوصا اذا كان البصل فيها واجد

والله حاجه غربية :(
هذا الفطور
اما الغدا الظاهر انا عودناه على الكبسة
كل يوم بقشيه الله يصلحة تاخذ الي يبقى من الكبسة ( العيشه ) وتكبة للدجاج والله ويا كلون

عاد اذا جات فترة العصرية قامت بقشية الله يصلحة وخذت شماخ أخوها القديم وراحت يم الدجاج ولعبت معهم تصدقن ان الديك ينخرع ( يخاف ) من الله والاحمر والله كل عصر ونا اسمع ( واق واق واق واق ) الله يصلح بقشية ما تخليهن بحالهن لهفهف عليهم بالشماغ
أخيرا أبشركن أن الدجاجة صارت هاليومين زوجة حميمة للديك عواد
وابشركن اناه بيضت 3 بيضات بالرفاه والبنين
عاد اصبروا على كم يوم يما يفقص البيض وعلمكن وش راح يجي انشاء الله
( أخاف يكون حدا فراخها لونه مثل لون عمته الغراب الي طارت الله يستر عليه ههههههههههههههههههه
عسا ما ثقلنا عليكن بسويلفاتنا
وملتقانا يا فرخت الدجاجة