رحاب الحق :

اش دعوة ليش كذا يا بنات حواااااااااااء بصراحة المنتدى تغير الأول لمن كنت أنزل موضوع أو أستفسر عن شغلة ما ألحق على الردود حتى بعض البنات يدخلون ما عندهم فكرة بس يحطون رد يرفعون الموضوع عشان غيرهم ممكن يفيد بس مع الأسف كل شي تغير وصار الأغلبية يردون بس اذا كانوا هم المستفيدين من الرد بس ما يحبون يفيدون غيرهم عموما مشكوووورة برمانة يالغالية ما قصرتي والله والحمد لله انك استفدتي منها انا استخدمتها الليلة عقب ما تحممت بصراحة جابت لي الضغط والعصبي وفي النهاية تركتها ورحت كملت بالسيشوار عقب ما ظليت ساعتين أعيد وأزيد حتى ايدي عورتني وابهامي احترق للأسف أكلت مقلب كعادتي لأني أكتشفت أن المكواة ما تصلح للشعورهم خشنة مع ان شعري متوسط الخشونة يعني مو خشن مرة مرة بس الشغلة متعبة جدا ويبي لج تاخذين خصل جدا صغيرة عشان تخترقها الحرارة طبعا الخصل اللي سويتها كان شكلها قبيح وكأن شعري محرووووووووووق ورحت كملت بالسيشوار طلع السيشوار شغله احلى بمليون مرة واسرع أنا شعري كله ما ياخذ مني 40 دقيقة بس عيبه أنه ينفش بسرعة وهذا طلع روحي ولا سويت به الا نصف شعري عقب ما خلصت قلت خليني ارجع للمكواة الخرافية وأعيد على قذلتي وعدت عليها وما حسيت بذاك الزود فرق وفي النهاية رفعت شعري بمساكة وحطيت عليه ايشارب ولا القهر حبيت أنقل لكم تجربتي يمكن أحد فيكم يستفيد وللأسف أنا ما أتوب كل ما أشوف شغلة في النت انبهر بالنتايج ولا أحط في بالي أن اللي يصلح لزيد ما يصلح لعمر وعلى قولة زوجي يا كثر ما ينقص عليج اي والله وهو صادق والله فشلة أودي الرجال البحرين وبعدين أقوله تراني انخميت:( كلامي هذا ما أعني به أحد ولا أحد من اللي مدحوا مكواة السيراميك يزعل هذا مجرد نقل لتجربتي وبس وسلامة الجميع

اش دعوة ليش كذا يا بنات حواااااااااااء بصراحة المنتدى تغير الأول لمن كنت أنزل موضوع أو أستفسر...