في حياتنا كثيرٌ من الشطحات
بعضها يفترش أرض واقعنا،
وبعضها يتمايل فوق أرجوحة الخيال..
وبين الواقع والخيال
تبقى هناك شطحات ظريفة
تدق أجراس المرح والضحك
كلما تذكرناها
أو رسمناها فوق لوح خيالنا المشاغب،
وبالتأكيد فلكل شطحة.. ردة فعل.!
وللفرفرشة دعونا نتبادل شطحات الخيال ( فقط )
وماذا نتوقع أن تكون ردة فعلنا إتجاهها لو حصلت لإحدانا؟
وبطريقة باسمة
تُدخل البهجة على قلوبنا.!
حبيباتي:
فكرة لعبتنا جداً ماتعة
تعتمد على الخيال
اشطحي بخيالكِ لآخر أمد
فلعبتنا للتسلية
وزرع البسمة على الشفاه..
فاطلقي العنان لخيالكِ الشاطح
واسردي لنا موقف
لو حصل مع واحدة منا
ماذا ترى ستكون ردة فعلها الشاطحة؟
وشطحة البداية ستكون معيّ..
وطالعة من الصباح
مثلاً: تجددين بطاقة الأحوال
وما خلصتِ إلا الظهر
والدنيا حر وتعبانة
والنفسية واصلة ( أتش ) من غثا المشوار
وأنتِ داخلة البيت
ما بتفكيرك إلا المكيف، وكوب عصير بارد، والنوم
وفجأة وبلا سابق إنذار
تحصلين قدامك
عند مدخل الصالة بالضبط
قطوة😽 نايمة<< متهاوشة مع بعلها (قط قوط ) وطاردها وحاطة حرتها بالنوم
ولا منهكة من فرفرة الشوارع<<< عاد البيوت أسرار مالنا دخل بهالسوالف هههههه
المهم ماخذة راحتها على الآخر
و كأن البيت بيت أبوها 🤣
وأنتِ بالأصل تخافين من القطاوة
وتصيبك أم الركب من شوفتها
وما فيه مكان تدخلين للصالة إلا من عندها..
وش راح تكون ردة فعلك الشاطحة؟
أنا عن نفسي
راح أرمي أي شيء على الجدار اللي جنبها
وأنتظر حضرتها لو 6 ساعات
لحد ما تحس على دمها وتروح عن الباب
وأدخل بكل شموخ
وأقول لها: كلك ذوق 😺لولو كاتي
والمرة الجاية نامي عند قطوة الجيران أوسع لك صدر
وتونتكم🍤 توصلكم لمكانكم هههههههههه
وأنتِ حبيبتي🌹
قولي لنا: وش تتوقعين راح تكون ردة فعلك؟
وبعدها دورك اشطحي من خيالك بموقف للعضوة اللي بعدك
وننتظر تقولنا وش تتوقع تكون ردة فعلها لو حصل لها الموقف.. وهكذا.!