شعبيات × شعبيات

شعبيات × شعبيات



السلام عليكم


احم احم

يا دهينه لاتنكتين
تطلق على الشخص المدلل كثير أو المايع

النتفه
هذا الوصف يطلق على الشخص القصير فيشبهونه بالنتفه

جمبازي
صفه تطلق على الشخص المكار الذي يتصف بالكذب واكل اموال الناس بالباطل
الصايع
صفه تطلق على الشخص سيئ السمعه المتلاعب وصاحب المشاكل

ربشه.... (مربوش)
ما يقعد في مكانه تلاقيه يحوم ولا يستقر الا اذا داخ راسه

مطعطع
عباره عن الشخص الي بنيه جسمه ضعيفه نتيجه مرض او شيخوخه او عيار

متدوده
مثال فلان متدوده اي ضاعه منه الحيله فلا يعرف كيف يتصرف

مسطل .
يعني مو صاحي يعني الفيوزات عنده ضاربه

يهيم
فلان يهيم في الشوارع يعني يمشي على غير هدي (يعني داج راسه)

ادنات الدون
على اقل شي

ماصخ.....
يعني الي ما يستحي .. قليل حيا ويتكلم كثير

ويع
تعبير عن شيئ قبيح او قذر

يقز
فلان يقز بعيونه يعني يصوب عيونه على شي معين

بس...(بنات بسوي مثل شرح اللغه(بكسر الباء وتسكين السين)
كلمه تقال لطرد القطط عن الاكل

خراط
يعني يكذب(بكاش)

فديتك .
شخص نفديه بالروح

دعوس
ممر ضيق بين البيوت
مصلحجي
...يعني كوميدي وكلامه جميل لمصلحه معينه

متسندر
يعني ما يعرف كيف يتصرف مدوخ

اشوووله
يعني ليش؟ لماذا ؟

حشري:
يعني شخص يجلس بالاماكن الضيقه ويزاحم الناس......(او وهو الدارج يتليقف بالاكلام)


تعرفين شنو البريسم ؟؟؟؟(عند اهل الدوحة)

هذا نوع من القماش بالقديم من أجود الأنواع وغلاها
ناعم الملمس نفس قماش الزبده إللي يستخدمونها الشباب هذي الأيام

وفي نوع اسمه يضحك مشهور بالسابق

يسمونه ( ثوب بو خوخه ) هههههههههه

يعني إذا واحد لابس ثوب بو خوخه يعني عنده مقابله مهمة جدا



وفي ثوب يسمونه ( اشلحات ) هذا رجالي والأكمام بالليد واسعة جدا
تشوفينه يلبسونه في وقت العرضه وهذي المناسبات
من الكلمات الحلوة القديمة كلمه

(( ابسنت )) يعني شخص غايب (مهب كلمت ابسنت حقتنا البدو اللي معناها..ابتس أنت)هااااه فهمتوهاااااا؟؟؟
وهي كلمه انجليزيه بس يستخدمونها شيابنا
من كثر اختلاطهم بالإنجليز في الأربعينيات والخمسينيات

وين كنافة اليوم ؟؟ الظاهر ابسنت اليوم هههههههههه



طُس ( ذهب__يعني-- ذلف )) ، كشته ( رحله ) ،
الوساده ( المخدة ) ،
دجه ( ضايع )
زبن ( لجأ ) الزقطه..ومقطار..( ألعاب قديمة) ، ، بادية ( أناء معدن شكل الكوب )
، خبن ( قصر الثوب ) ،
، الملاقيف والقيس ( لعبه يلعبونها البنات ) ،
عيا ( رفض )
،( عوايز او قش) اغراض )
، اقلط ( تفضل )
، ابخص (ادرى واعلم ) ،
، عينيه ( ساعديه ) ،
دسمال ( منديل ، الكلنكس ) ،(عند اهل الدوحة)
خرجه ( القماش )

هاه حبايب لنشالله اعجبتكم لان بعضها منقول واكثرها من عندي انشالله افدتكم
هههههههههههههههههههه
مع تحيات محبتكم في الله دلع .

:27::o:23::o:23:
هههههههههههه :30:
بنات اللي عنها تظيف لنا ومنكم نستفيد