شعرك نااعم وخفيف ويتساقط ؟؟ تعالي اعلمك وش تسوين ...

بنات انا عن تجربه بقولكم اللي صار معي ..
شعري ناعم وخفيف بمعنى ان الشعره خفيفه وفاتحه ..
من خمس سنين يوم عمري 15 سنه بدا يطيح وكان وقتها كثيف
يعني مافيه فرغات او خف ..
المهم مثل اي وحده شعرها يتساقط صرت اجرب كل انواع الزيوت
والاحظ النعومه تزيد وماعاد تثبت بكله بشعري واللمعه تزيد
لكن بدال مايدهن شعري بأخر اليوم صار من بعد الاستحمام بساعتين يزيت ؟؟!!
لأنه هو دهني وناعم ومع الزيوت يصير انعم ومدهن اكثر ..
المهم الزيوت اللي استعملها ..
جوز هند و خروع وجرجير ولوز ودابر املا والنخاع وعافيه مع الحلبه .
واللوز و و و ..........الخ ..
كلها تعطي نتيجه بسيطه يخف التساقط بس يرجع يقوى ؟!
الشي الوحيد اللي بصراحه فادني بصوره عجيبه ..
عافيه مع الحلبه ..
شي عجيب مايوصف من بعد اسبوعين بدا ينبت بفروه راسي
شعر صغير كثيير مره ..
لكن هي اسبوعين بس داومت عليه يوم ايه ويوم لا ..
وبعدا مليت من الريحه ..
بعدها قعدت ابربس من زيت لزيت ..
رحت لدكاتره منهم من قال عندك فقر دم واللي قال نقص زنك ..
المهم ..
جا يوم مشؤؤم وقريت عن زيت هيما تاج ..
استخدمته وياليتي ما استخدمته ..
لمده اسبوعين كل شي تمام خف التساقط ولمعه وصحه بشعري ..
بس يوم تركته سبحان الله كانه ينتقم منك يقوم يطيح كل شعرك ..
والله بدون مبالغه انه يحت الشعر بعد ما تخلينه هذا عن
تجربتي ..
ممكن لنوعيه شعري دور ..
لانه خفيف وناعم وبسرعه يتشرب الزيت ؟؟!!
مدري المهم بعدها اعلنت حاله الاستنفار القصوى ..
وسويت حرب على كل انواع الزيوت باعتبارها سبب اساسي بتساقط الشعر ..
الزيوت تنفع للي شعورهم خشنه وثقيله وجافه ..
اما الناعمه الخفيفه والدهنيه ..
مره بالاسبوع هذا اقصى حد ويكون لمده ساعه بس ..
انا حاليا اداوم على رفيفوجين وريجين ومع شامبو طبي للعلاج نفسه وبحط زيت مره بالاسبوع
وبعد حنه مره بالاسبوع لانها تفيد كثير اللي شعورهم خفيفه تعطي الشعره ثقل هذا غير انها تعقم فروه الراس ..
نتيجه تجاربي اللي شعرها مثل نوعيه شعري تبعد عن الزيوت لانها سبب اساسي في تساقط الشعر ..
هذي تجربتي ارجوانكم تستفيدون منها ..

وياويل كل وحده تقراها وما تدعي لي ..
1- اعرس ..
2- شعري يطول ويزين .
3- ربي يوفقني بدراستي وانجح واتخرج .
4- ربي يرضا علي ويوفقني ..

خخخخخخ
حشا لسته مقاضي ذي مب دعوات ..