شعرك يتساقط ؟؟ تعالي بسرعة و إن شاء الله ما تندمين ( تجربة شخصية )

السلام عليكم انا شعري يطيح و فحوصاتي سليمة ، حللت و هذا كلام الدكتورة ،، جربت ادهن شعري بزيت حبة البركة ، نعم هذا الزيت رهيب بشكل !!!! صار شعري يطيح شي بسيييييط يا دوب كم حبة ،اول مرة جربته قبل 8 شهور تقريبا و خف التساقط من اول استخدام ، و صرت ما ازيت شعري الا فيه ،، و بعدين قطعته و شعري عادي ما يتساقط ،، بس هالايام رجع يتساقط و تذكرت زيت حبة البركة اللي نفعني قبل شهور ،، و فعلا دهنت راسي فيه و خفت التساقط من اول استخدام ... طيب فيه انواع ، نوع لونه اصفر ، هذا ما اعرفه ، و نوع يجيك بني ، و هذا اللي اقصده ،، طيب البني كمان له نوعين ، نوع ريحته متوسطة القوة ، و نوع ريحته نفاثة ،، و اللي ريحته نفاثة اسمه الحبة الحبشية ، انا جربت الاثنين ، بس اللي انصحك فيه هو اللي ريحته متوسطة ، ما هو زيت الحبة الحبشية ، طيب ؟ يعني اشتري الزيت اللي لونه بني بس ريحته ما هي نفاثة ، و قولي للعطار انا مابي زيت الحبة الحبشية اللي ريحته نفاثة ابي زيت حبة البركة العادي و لونه يكون بني ،، و يا بنات الشرقية الخبر ، انا اخذته من مجمع الراشد (العطار اللي في القيصرية) ، اخذته بأربعين ريال ، و يا رب لك الحمد من اول استخدام نفعني ،، اتمنى اللي تستفيد تدعي لي بالتوفيق و تفريج الهموم ، بس ما ابي شي ثاني .. و بصراحة مدري اذا بناسب كل الشعور ، بس انا نفعني قلت اقول لكم .. بالتوفيق و ادعوا لي تكفون ..