ما الومكم لو ماصدقتوا
انا نفسي ماكنت اصدق ها الكلام
الشعر مع العناية والإهتمام يادوب يطول انتش في الشهر
لكن انتش في الاسبوع ؟؟؟ يعني 4 انتش في الشهر ؟؟ معقوله ؟؟
سمعت بها الطريقه من زمااااااااان لكن ماصدقت انها تجيب نتيجه لين ماشفت بنات اليوتيوب عاملينها
ومصورين النتائج
يمكن البعض سمع فيها فحبيت افيد الي مابعد سمع
ونجربها مع بعض بما انها بسيطه وسهله وماتحتاج تشترين لها شي
واذا مانفعت ماضرت
الطريقه كا التالي:
تجيبين اي زيت عندك
طبعا الاجناب اكثر شي يستخدمون زيت جوز الهند او زيت الزيتون
تدفينه شوي وتحطينه على فروة راسك وتعملين مساج جدا خفيف بيدك او بأي اداة
بعد ماتخلص المدة تقلبين راسك وشعرك للأمام با الشكل هذا
زي وضع الركوع عندنا بس تخلين شعرك ومفتوح
تبقين على ها الوضعيه لمدة 4 دقائق كاملة (وهذا هو السر في الطريقة)
وممكن تكونين جالسه مو لازم واقفه
بعدين ترفعين راسك شوي شوي مش بسرعه عشان ماتدوخين
هم حاطين تحذير انو الحامل والي عندها ارتفاع او انخفاض في ضغط الدم تكون حذره
اخر شي تخلين الزيت بشعرك ساعه الى ساعه ونص وتغسلينه
العمليه هذي تتكرر يوميا لمدة سبع ايام والنتيجه في اليوم السابع
طبعا النتائج كانت با الصور جدا صدمتني
مجموعه لايستهان بيها طال شعرها انتش
والبعض نص انتش
وكم وحده ماطال ولاشي
الطريقه حلوه ولو نخليها من روتينا اليومي حتى لو بدون زيت
وليت الي تجربها تخبرنا با النتائج