السلام عليكم ورحمة الله وبركاته
يابنات انا كان شعري ينضرب فيه المثل
قبل حوالي خمس سنين هذا الكلام
كنت اعتني فيه اعتناء طبيعي
طبعا مااقصد الماسكات وحمام الزيت وغيره
كنت اجيب شامبو صانسيلك وشامبو جونسون
واخلي قليل من الصانسيلك وجونسون كمية اكثر
في راحة اليد وامزجهم
واغسل بهم شعري
طيب وكنت استخدم مشط خشبي لأن انواع المشط الثانيه يقولون انها
تطلع شحنات كهربائيه تقصف الشعر
ومافي مشكله لو استخدمتي البلاستيكي القديم او انواع ثانيه جيده
كنت احط عليه قطرات من تونيك فازلين
واجدل شعري قبل النوم يوميا
مااستخدم ربطات الا في نهاية الجديله
واسيبه واتركها
البلسم والحمام زيت شعري مايعرفهم
الخيار والجرجير وبالذات الخيار اذا اكلتي يوميا
قسم بالله راح تلاحظين نعومه وصحه وحيويه طبيعيه في شعرك
انا عودتني امي اكل الخيار والخس من صغري يوميا
والجرجير احيانا
وحالتك النفسيه لازم تكون جيده ودمك زين
بس اكلو الخضره
انا جربت اكل خضره وكبده واشرب حليب وعصير برتقال
ومويه
لما كان دمي 9
الحين ماشاء الله تبارك الرحمن 14
لاتخلون اجسامكم تفتقر هذي العناصر
قطرات التونك كنت اخليها فقط على الشعر بعيد عن الفروه
الان وبعد فتره
صرت اقطعه واشكله على هيئة قصات ولعبت فيه لعب
وصبغته حاولت ارجعه خليت فيه تونك واستخدمت الطريقه السابقه ولاحظت تحسن كبير
لكن
بالخلطات وبعض الزيوت الطبيعيه الخروع والجرجير واللوز وماادري ايش
وذكرت في موضوع ثاني اني خسرت شعري بسبب عناصر زيتيه طبيعيه
وصابتني اكزيما دهنيه في فروة الراس ادعو لي بالشفاء
مااقول الزيوت الطبيعيه غير مفيده
هي مفيده اذا كانت تناسبك
وحتى الخلطات لازم تتأكدين انها تناسبك
انا قلت لكم تحسن شعري
ماادري ليه قمت ولجأت للخلطات والزيوت وشوفو ايش النتيجه
بكحلها عميتها هههههه
بالنسبه لطريقتي هذي بنات العايله كذا شعورنا نعتمد على هالطريقه
وبقولكم عندي اختي الكبيره بس شعرها اللي غير
لاانها مجنونة صبغات تمشط شعرها بمشط صغير بلاستك
وتربطه وتسشوره كل يوم
ودايما تقول شعري خلقه ضعيف مو زيكم
قلنا لها صدقيني مو كذا شعرك
مافي مجال مو مقتنعه
حتى مع بنتها جلست تسوي لشعرها نفس الطريقه وبنتها شعرها ضعيف
خلت زيوت وماادري ايش وزيوت مكتوب عليها تنبت شعر جديد
لكن مافي فايده
وجاتهم القشره
بالتالي قالت اختي ابستمر وبجرب طريقتهم
تحسن بشكل مووووووووووطبيعي
شعرها قصير كان لعند نهاية وجها
والحين لنهاية ظهرها في ثلاث سنوات بكل صحه وكثافه وطول وحيويه
زوجها منجن عليه .. ثلاث سنين كثير بس تعبت عليه وماشفتو وش زينه
والجديله لها دوووور فعال
فحبيت اقولكم لاتجي وحده شعرها خفيف كثافته تجي صبعه من اصابعها
وتقول شعري خلقه كذا كل واحده شعرها الاصلي والصحي يكون متوسط الكثافه او كثيف
او عادي
انما خفيف هذا يدل على نقص وقلة عنايه
الحمام الزيت والبلسم حلوين لمناسبه
بس يوقعون الشعر
لو بقى اثر منه لاتخلينه على فروة راسك لأنه هو راح ينعم الشعر
مو الجذور علشان تتفادين تساقط الشعر
يعطيكم العافيه وادعو لي يرجع شعري
الاكل الصحي معناتة الحصول على شعر صحي
ومن انسب الطرق للمحافظة على الشعر وجمالة تجديلة
منعآ لتساقط الشعر وتقصفة
جزاك الله كل خير حبوبة