شعري والأجزاء القصيرة

السلام عليكم يا حوائيات
موضوعي هذا بمثابة استشارة

أنا عمري كله شعري قصير يعني أبدا ما أطول شعري بس طبعا مو قصير لدرجة التشبه لا يعني يحف الكتف أو حوله أو أقصر شوي
ولين تزوجت ونفس الشي بين فترة وفترة أقصه إما لأنه متقصف أو اني أكون أجرمت في حقه بمستحضر واندمر واجزه كله جزة وحدة لين ربي من علي من قرابة 8 سنوات وما صرت أحط في شعري ولا مادة كيميائية بفضل الله
صح مو مرة عنايتي لكن برضه ماني مهملة شعري

المهم تركته وطال ما شاء الله الحين قريب نص ظهري بس طبعا مو غزير بس شكله ما شاء الله مقبول جدا وأنا راضية عنه ولله الحمد

المشكلة يا حبيبات لمن أستشور شعري ألاحظ في شعر كثير في الداخل بطول أقصر وطبعا لمن امسك شعري أحس بالفرق النصف العلوي أكثر كثافة من الجزء السفلي من شعري الجزء السفلي الطويل خفيف جدا

طبعا شكليا للناظر ما يبان لأني ألفه وأسرحه بطريقة كيرلي حلوة فما يبان الفرق بس أنا أشوفه مع الاستشوار أو لمن أستحم فرق كبير بين فوق والأطرف

والأطراف الخفيفة تعادل نصف شعري تقريبا

رحت أستشور في صالون قبل أسبوعتقريبا وسألت الكوافير قلت لها ليش كذا شعري من الداخل في أجزاء قصيرة
قالت بالعكس افرحي هذا دليل إن شعرك ما شاء الله ينمو:freak6:


ونصحتني أقص جزء بسيط بس من الأطراف


السؤال الآن بعد الشرح المطول اللي قلبت روسكم فيه:

هل أكتفي فقط بقص الأطراف؟
ولا أقص نص الشعر الخفيف هذا ويكون منها تغيير ومنها الحصول على شعر صحي أكثر .
هل في أمل ان القصير يطول ويوصل لطول الطويل ؟

طبعا أنا مترددة في القص لسببين:
1-زوجي حاب شعري كذا خاصة انه بصراحة أول مرة يوصل ما شاء الله لهذا الطول لأني كنت دائمة القص.
2- خايفة أنا أندم لأني إذا باقص باقص مالا يقل عن نصفه
يعني باوصله لكتفي تقريبا أو أقصر شوي علشان يتساوى مع الشعر القصير.


هاه حبيباتي أنتظر شوركم ورايكم
ولا تستسخفون الموضوع ترى والله لولا حيرتي ما نزلت الموضوع ولا سألت