شعري ومعاناتي والنتايج الي توصلت لها <<<< تعالي والله راح تستفيدي

السلام عليكم ورحمه الله وبركاته

كيفكم ان شاء الله طيبين

وصباحكم يارب يكون مسك وعنبر


المهم


اقرأي الموضوع كامل بحذافيره الله يرضى عليك :27:


قصه حياتي <<<<< ادري بثقلها بس ايش اسوي والله ودي افيدكم زي ما افدتوني



اولا : طبيعه شعري

جعد بس ملمسه ناعم نوعا ما

وفيه تعطجات كثيره جدا جدا

كثير مره

مع اني وانا صغيره كنت ادعي انه يخف من كثر ماهو متعبني

والحين خف وتندمت




ثانياَ : نموه
ثقل جدا جدا جدا




******


قبل لا اتزوج كنت استخدم خلطه الحنا وهي

(( حنا + زبادي + ما يونيز + بيض + عسل + خميره فوريه +القطران نسميه الشوب + زيت زيتون او اي زيت متوفر + واعجنها بماء البصل والثوم بعد الغلي ))


والله ثم والله كان شعري روووعه فيه لمعه قويه من سواده والسبب كان الشوب طبعا

واعطى شعري نعومه غير طبيعيه

طبعا الطول انا ما كنت اهتم فيه اقص على طول شعري اول باول لين تحت اذني ما اطوله


لين يوم ما فكرت اطوله استمريت على خلطه الحنا يوميا لمده تقريبا 7 او 8 شهور احيانا افوت يوم ويوم

وصل شعري لحد تحت كتوفي مقارب لنصف ضهري
وكنت مره فرحانه فيه

ومسرع ما رغبت للقص ورجعت حليمه لعادتها القديمه للمشغل على طول

طبعا انخطبت وتزوجت وزوجي ما يحب الشعري القصير يحب الطويل

ماعاد قصيت شعري

المهم كان فتره اهمال لشعري هو فتره بدايه زواجي

كان الاستشوار

والعطور

واهملت شعري مره

وحملت وولدت بالسلامه وكمان كنت مهمله شعري

وبعد كم شهر توفى ابي الغالي الله يسكنه فسيح جناته يا ارحم الراحمين

بدات الاحض نتيجه الاهمال بطريقه غريبه جدا جدا

تقصفات في شعري بشكل غير طبيعي

باهت اللون

تساقط

نموه متوقف هذي الفتره كلها عند كتوفي اعلى شوي

حتى لما استشوره والله ما يستشور من كثر ماهو ناشف

وبعد ساعه ينتفش ولا كاني سويت شي

جربت جميع الزيوت

مافاد جربت الحنا خلطتي قبل الزواج مافاد

جربت زيوت الشعر للاخت حور الجنان الله يرزقها الجنه مافاد مرره

غرقت شعري بالقطران عشان يرجع زي زمان

ومافاد

يالله تعبت نفسيتي بشكل

ماعاد صرت اطلع مناسبات عشان ماعاد عرفت اتصرف في شعري

صرت استشوره على زيت كله عشان يرطب شوي

وما الاحض الا زياده في التقصفات وتقطع الشعر

رحت عند الدكتور وقال لي الزعل الكثير اثر على شعرك

اعطاني فيتامينات ناسيه اسمها والله

بس ما فادتني



نجي للمهم بعد الهدره الطويله هذي

نصحتني عمتي الله يرزقها الجنه ويحقق لها كل الي تتمناه

باربع زيوت هي تستخدمها (( طبعا شعر عمتي ماشاء الله تبارك الرحمان لا يوازيه شعر في النعومه والكثر والسواد والطول ))

وبدأت معركتي مع شعري بدواخلي اصرار كبير

المهم


والزيوت هي

زيت الخروع طبعا انا كنت استخدم من شركه وادي النحل




زيت النارجيل وكنت استخدم الي علبته خضراء








وزيت السمسم من المعصاره


وزيت الزيتون الوزير






من اول استعمال لاحضت بفرق كبير في شعري اعطاني الفرحه والتشجيع للاستمراااار


وتحسن شعري بعد فتره طويله تقريبا 8 شهور بنسبه 80% ولله الحمد


بعد ذالك نصحني الصيدلاني اني اضيف على الزيوت


زيت الثوم






واستمريت عليه بعد 8 الشهور 10 شهور مشاء الله طول شعري لين نصف ضهري

وقفت العنايه المشدده صرت اعتنيه بطريقه قليله جدااا

وقف نموه

ماعاد طال

رجعت استخدمت مع الزيوت

خلطه السدر ما ابغى الحنى لانه نفسي اصبغ شعري بعد ولادتي انا حامل دعواتكم ان ربي ييسر لي ولا دتي


بكمل في الصفحه الثانيه لا احد يرد