شعر حرير ولامع

اخلطي سدر وحنة وموية سوا وغسلي شعرها فيه < جيبي قارورة موية صحة نظيفة وسويها ترا روعة جدا للبنات الصغار
منها ينعم شعرها لوجود السدر ومنها يلون شعرها بالحنة ويعطره بعد وش تبين ^ _ ^

والله زيت النارجيل حلو بس عيبه الريحه قويه

شكرا لردودكم حبايبي.. سمعت عن المايونيز ينعم الشعر جربتوه وكيف الريحه

بنت عمتي مرة قالت لي
تعرف وحدة كويتية ودايم تزورها
تقول شعر بناتها مرررة خشن ويشبه الافريقي
مرة كانت زايرتها بالكويت وتفاجأت بشعر بناتها ناااااعم ناااااعم
حلفتها شنو سوت لشعر بناتها قالت لها مااااايونييييز بس
أحط لهم مايونيز كل يومين مع القبعة واتركه كم ساعة
وتقول يعذب في الغسيل ما ينظف بسرعة
لكن شعر بناتها صار كأنه مفرود

البيض فيه بكتيريا والمايونيز أخصائيين يحذرون منه كله أحماض ترهق الشعر بعدين ومستغربين ليش منتشره باﻹنترنت والزبادي كذلك ابعدي عنه
الوزارة كل فترة توقف شامبوهات ملوثة بالبكتيريا فما بالك بالبيض اللي يسبب قشرة وحكه وأكزيما، ما يسوى عليها تتبهذل وهي صغيره
الحناء يقولون زينه لكيراتين الشعر حطي معها ملعقة صغيرة مره من زيوتك اللي جربتهم وحلوين مع بعض:
1- زيت السمسم يخلي الشعر مستشور ولمعه حلوه بس عيبه يخلي سمك الشعره رفيعه (مناسب للشعر السميك)
2- زيت الزيتون يرطب وينظف الفروة
3 - زيت الصبار (لا تاخذين مستورد يخلطونه بكحول ولا شي) لمعه وينعم مع الوقت ويقولون يكثف
أخيراً الزيوت لا تحطينها لحالها كذا ﻷنها تجفف مع الوقت وممكن تطيح الشعر لو شعرها دهني أحسن شي مع الحناء، أحسه قناع معالج ما شاء الله(مره بالشهر)، والشامبو غسلي به فروتها فقط ﻷنه غلط ينحط على اﻷطراف يجففه ويقصفه، اﻷطراف ينغسل به البلسم فقط (عن نفسي ما احط بلسم)، برسلك فيديو الحمد لله شعري تعافى من الجفاف بفضل الله بعد ما طبقتهم. نسيت اقول نوع شعري دهني عند الفروة وجاف جداً عند اﻷطراف.