اهلا صبايا ونسوان ..
عدت إليكم من جديد ..
امس رحت الشقه ونضفتها وزعت الكراتين فكل كرتون في محلو لاني حاطه أوراق ع الكراتين كاتبه فيها يعني كراتين المطبخ ملصقه ورقه ( مطبخ . ملاعق وسكاكين ) زي كده
فوزعت الكراتين كل واحد في محلو وجبت شغاله غسلتلي كل الحمامات وانا مسكت غرفة النوم كنستها ومسحتها وجبت الليانه مع الشغاله وكنستها ونفضتها ومسحتها بخرقه مبلوله بمويه وكمفورت وبعدين فرشتها بالفرشه ولبست المخدات طبعا دي كل الاشيا مغسوله وحاطتها في كيس الضغط ..
خلصت غرفة النوم انتقلت الغرفتين التانيه رصيت الكراتين جوة الدولاب عشان تصير مساحات في الغرفه
طبعا مافتحت الكراتين لسه
رحت الصاله ًكنست الكنب
واليوم ان شا الله راح امسح الكنب بفيري ومويه عشان اتجرح لمن نقل العفش
وحمسك المطبخ وَ حجيب شغاله تساعدني طبعا ..


في كل الأحوال صار نقاش حاد بيني وبين زوجي وكلو اختلاف الرأي ..
طبعا انا من النوع الي اخلي زوجي يدخل حتا في شغل البيت ودا جداً غلط ...
المساله انو الرجال يعرفو انو الحرمه تتعب وتتشغل ورغم انو ربنا أعطاها طاقه سبحان الله التحمل إلَّا انو الرجال يستغلو دا الشي يعني في النهايه الحرمه تحس انها مكينه
فيابنات يا حلوات لا تغلطو غلطي أنكم لمن تكونو زعلانين تحطو حركم في الشغل ..
العمر قصير وشغل البيت مرح يخلص والصحه حتروح ..
يعني تكوني زعلانه اهدئي كفايه التعب النفسي مايحتاج نتعب جسمنا زياده واحنا نشيل بدري والرجال ما عليهم

كل رجال بحسب انو صح دائماً وأبدا
وحتى النسا بس لازم نشغل مخنا مو نسمع كلامهم عمياني
نشوف الحل الوسط لان العناد والأسلوب دا مره مرح يجيب اي اي نتيجه



واكيييد ليااا عوده ..

شووكرا لكل المتابعات واللهي بترفعو معنوياتي جدا ..
وأتمنى تستفيدو زي ما استفدت ..

زي ما استفدت منكم * سوري ع الأغلاط لاني ادخل من الجوال

باقولكم. كل عاشوراء وانتم بخير ياحلوين صيامه يشعرنا بنعم الله علينا ومن أهمها نعمة الاسلام ونعمة التوحيد ونعمه أن نكون من أهل السنة فنشكره سبحانه عليها ونصوم شكرا لله واقتداء بنبينا وحبيبنا محمد عليه الصلاة والسلام ونقول كما قال سيدنا موسي ان معي ربي سيهدين ������
الله يسلمك ويحفظك
طبعا عاشوراء بكرة واللي عنده جامعه ولا عمل لايشيل هم ربنا حيسهلها وسيشعر بسعادة بعد الصيام في هذا اليوم والخاص بالشكر

ماشاء الله تبارك الله

فعلا انتي رائعه لازم تتحدين نفسك وهواك
موضوعك جميل رح اتابعك إن شاء الله ونبدأ معاك
بجد حمستيني اقوم الحين اشتغل بس الوقت متأخر جدا وبكره حيكون صيام ويوم الجمعه إجازه وطلعات وهيك لكن نبدأ معك من يوم السبت الجاي
انا اليوم سويت حاجات بسيطه زي الكنس وتمسيح البلاط والترتيب الخارجي فقط وماخفي اعظم
عندي كثير حاجات مخزنتها من باب انو يمكن احتاجتها فعلا ناويه اتخلص منهم وأرتاح ..

الله يرزقنا النشاط والعمل ويبعد عنا الخمول والكسل
ويحلينا بعيون انفسنا اولا ومن ثم ازواجنا وأولادنا والناس
اهم شي انتي تعملي هذا كله لنفسك لبيتك ونظافته اللي تأثر على نفسيتك واللي معك فالبيت انتي لما ترضين عن انجازك ونظافة بيتك ترتاحين انتي اولا وتسعدين نفسك ومن حولك

مـووووووفـقــه وإلى الأمـام استمري

ماشاءالله علييكي اختي سكره موضوعك قمممممه في الرووووعـــــــــــــــــــــــــــه وراح اتابعك ان شاء الله وانا مثلك فيني كسل وخمول وسلوكي في حياتي ابدددد مو مريح ومهمله في بيتي وواولادي يمكن من بعد ماجتني الغده الله يشفيني منها وجميع المرضى واختي ريوف بعد كلامك اعجبني كثيييير ربي يساعدني وياكن ياااااارب منتظرين يومياتك بكل حماااااااااااااااس بارك الله في عمرك ....................