شعور الانسان لمن يفقد الأمل في شيئ ثم ترد إليه الحياة

بدي أحكيلكم قصتي السنة الماضية انخطبت وخطيبي كان يحب أكتر شي فيا شعري كان طويل وكيرلي يعني مبسوط عليه كتير ,لمن قرب موعد زواجي قبل بأسبوع صار الشيطان يلعب براسي :icon33:
المهم قلتها للكوفيرة نفسي يصير شعري ستريت ناعم مافيه ولا طعجة قالتي عندي إلك الحل قلتلها ايش؟؟
قالت : الاكستنسو
أنا أول مرة أسمع فيه ع أساس أنو المشغل كويس ومضمون قلت خلاص سويلي
حجزتلي في يوم تاني جيتها من صباح الله وأنا أحلم
سوتلي إياه وبعدين طلع يجنن ناااااااااااعم زي الفلبينيات ****** قعدت 3 اياااام بالزبط وبعدين الله لايوريكي ايش صار فيا وفرحي باقيلو أربعة أيام:44::06: طاح شعري ورب الكعبة قرعت من النص والأطراف اتقصف الشعرة قاعدة تتطيح من جذورها وصار ملمسه زي الزفت وينفش لمن استحما وغير كده شكله زي الخيوط: طول اليوم أبكي وأحضن أمي صارت تقولي ادعي الله وأقرأي البقرة وقولي اللهم أجرني في مصيبتي المهم لمن اجي يوم الفرح شعري كلو شعرتين وشعرة ركبولي توصيلة ومشي الحال بس زوجي زعل قصيتو بعد الفرح لمن أذني وغير كدة من النص أقرع وحتى من عند منابت الشعر ,أنا خبرتو من قبل موعد الزواج طلع انسان متفهم بعد الفرح حرمت على نفسي أي شي كيمايئي والحمد لله رجع دحين طبيعي وثقيل بس باقي يطول وخلاص
رااااح أقولكم ايش عملت بالتفصيل :
1- رحت دكتورة جلدية قالتلي يابنتي دي حارقالك الفروة :44:وشعرك محترق ولسه المحترق مع الوقت هينزل الله يعينك أنا اسمع من هنا وابكي والله ماكان شهر عسل كان شهر نكد والله أمّر من العزا
قالتلي أنا ماهنصب عليكي كفاية اللي نصبتو عليكي ماعليكي إلا بزيت اللوز الحلو واعطتني كمان بخاخ لتساقط الشعر bebe والله احط على شعري وادعيي ربي وبعدها صرت أعمل أسبوعيا حمامات زيت متنوعة (النارجين - المحلب- الحلبة -اللوز الحلو - السمسم- وأحط عليها فلفل أخضر ممتاز ) والله يابنات أن شعري دحين لكتفي وغزير والكيمائيات كلها خراب حتى الشكل ما تحسيه مو حلو زي الطبيعي
كنت أعمل ماسكات طبيعية
لبن زبادي -مايونيز -زبدة - أحط ملعقة من زيوتي -بيضة وأخليها على شعري 2 ساعة وبعدين أغسلو واحط زيت السبعة زيوت مسحة بسيطة واسرح وخلاص
بدي أنصحكم نصيحة لوجه الله ماتسمعي لمن كان خدي بالنصيحة انا ماسمعت كلام أمي وتعجلت ولاتعتبري تبعون الصوالين دولي والله موأي أحد يفهم وسلامتكم :icon35:أرجو من كل وحدة حبت الموضوع واستفادت تدعيلي من خالص قلبها ربي يوفقني