شغالتي الفلبينية .. وش اسوي فيها علت قلبي؟!!// قديم

السلام عليكم ورحمة الله

يابنات ساعدوني الله يخليكم كيف اتعامل مع شغالتي حسبي الله ونعم الوكيل .. جتني قبل 3 شهور وكم يوم شغالة فلبينية مسلمة وكان معها جوال .. المهم قلت لها جوال في يدك مافي بس خليه معي وقت ما جيك اتصال او حبيتي تتصلين اعطيك اياه .. بالاول جاها اكتئاب وقالت تراني متزوجه مو زي ماقالوا لكم المكتب وابي الجوال علشان اكلم زوجي ومايزعل قلت لها كلميه بس الجوال بيبقى معي .. بدت بعدها لو انتقدها بأي شغله قالت ماتبيني وديني .. كلمتها بالطيب وبالعقل ولكن اذن من طين واذن من عجين .. قلت لها اذا في راسك موال ومو عاجبك الوضع فارقي للمكتب قبل ما تخلص الفترة لأنك منتي مسافره بعدها لو ايش قالت لا خلاص بجلس .. طبعا ً انا كنت بالاشهر الاخيره بالحمل ومحتاجتها الله لا يحوجنا لهم يارب فكنت احاول اسايسها .. المهم هجدت فترة لحد ما خلصت ال 3 شهور وفي آخر يوم طلعنا الإقامة وفي أول يوم نفاس سوت لي مناحه وابي اسافر وما أبغى اشتغل ولو أقولها ليش ماسويتي كذا او كذا انتفخت وأضربت وعطوني جوال وابي اسافر .. تهاوشت معها وقلت لها ليش ماقلتي قبل ما تخلص ال3 شهور .. بس تعرفونهم اذا قاموا يتمضمضون بالكلام يلوعون الكبد ..

ياقلبي حتى ولدي الصغير اللي عمره 5 سنوات ماقام يكلمها ولا يحاول يلعب معها كرهها مع انها من اول جافه معاه بس هو اللي يحاول يلعب معها يحسبها زي شغالة أمي..

اللي حارق قلبي استقدامها اللي بـ 10 آلاف وراتبها ألف وما أدري على ايش تبي تسافر حتى الطبخ وغرفتي ما تلمسهم وبيتي صغير ..

الحين اكتب لكم وهي بغرفتها مبرطمه وتشوفني اقوم وانا نفاس اشتغل ولا تتحرك حسبي الله عليها مع اني ما قصرت معها بالعطا.. بس جنس نذل ما ينفع فيهم معروف


وش اسوي لها .. ولا تقولون لي انقل كفالتها لأني ما أقدر من الجوازات إلا بعد سنة او اثنين

بنات ارآئكم اول مرة تجيني شغاله زي هذي وانا بأزمه وش اسوي خاصة اني خايفه ان المكتب يتنصل من الموضوع..