الله يهديكي يا سيمو!! انتي عطيتيها وجه من البدايه!!! ودلعتيها..!؟!؟
وشو شغاله بجوال! ! ! !
انا رأي سفريها بأقرب فرصه..بس لا تبينين انك شايله عليها او في او في شي... عشان ما تسوي شي فيكم او بعيالك...اسم الله عليهم..
ولا تخلينها تدري انها بتسافر الا يوم السفر او قبل السفر بيوم..عشان ما يمديها تاخذ شي لا سمح الله...مثل ما قالو البنات

اخت سيمو انا ماأزيد على كلام الاخوات كفو ووفو ماشاء الله
لاكن اكررواقول اقلعي هالشغاله بأسرع وقت هذي شر لازم تتخلصين منه وانا اايد كلام الاخت زكيه طرطشلي 100%
واذا خايفه انه زوجك ماراح يجيب غيرها لالالالاتطمني كل الرجاجيل كذا يقولك خلاص اذا راحة هذي ماراح اجيب غيرها لاكن بعد فتره يرضخون للامر الواقع حني عليه وخلك وراه هذا في حال انك ماتقدرين تستغنين عنها ولا على قولت زكيه مافيه ازين من راحة البال والله يكون في عونك
وابي اقولك على شي من واقع تجربه ابتعدي عن الشغاله الاندنوسيه والله جربتهم كذا مره جابولي الجنان وبعدين فوق انهم قليلات ادب حقودات واعرفلك وحده الان هي مريضه الله يشفيها بسبب شغاله كانت عندها حرقتلها فستان جديد وغالي قامت هالحرمه خصمت نص قيمته من راتب الشغاله المهم شالتها لها لين راحت لديرتها وسحرتها وهالحين اهلها يدورون فيها من شيخ لشيخ تركت بيتها وعيالها وعافت رجلها وحالتها تقطع القلب لاكن ماأقول الا الله يكفي شرهم

الله يجزى خير كل من دخلت وشاركت وعطتني حل , انا توني جايه من بيت اهلي ولما دخلت البيت رحت اشوف ردودكم لاني محتاره ومشكلتي تعقدت,
امس لما كنت ابي اروح بيت اهلي شفت غرفه الشغاله ولقيت تحت فراشها رساله. قمت اخذتها وهي شكلها عرفت المهم السالفه طويله قامت سرقت الرساله من شنطتي وقطعته ورمتها داخل زباله المطبخ. ولما سالتها وينها انكرت انها اخذتها وعصبت عليها وارتفع ظغطي منها وقلت يالله ابي افتشك وقالت يالله . ولما شافتني خلاص ملزمه افتشها قالت ايه تقصدين الرساله انا قطعتها ورميتها في الزباله وطارت للزباله وقامت تنبش تحت ولقتها بس ماتوقعت اخذها وهي مقطعه بس انا اخذتها وخليت شغاله اختي تترجم وقالت انها من شغالة اختي الثانيه وانها توصفلها مكان ساحر في اندنوسيا وانه ياخذ 500 ريال وكلام كثير.
المهم مو هذا المهم انا لما صحيت وجت الفكره,
قلت هي لو كان مو معاها شي كان خلتني افتشها واكيد بتكون مو معاها وينتهي الموضوع.
بس هي اعترفت على نفسها عشان مااعرف وش معاها او بالاصح وش مخبيه بملابسها اكيد انه اعظم.
وانا الحين جيت بيتي وخليتها عند اهلي وقلت لزوجي ودها المكتب وانا فتشت اغراضها بس مالقيت معاها شي مريب ماعدا البوم كله صورها وهي متسدخه وكم صوره كاشخه وصورها كلها مريبه.
ومع انها تقول عندها ولد مالقيت ولا صوره لولدها..؟؟؟ يعقل يا بنات 30 صوره كلها لها ولشغالات من شكلها .
عموما هي كانت تشتغل في الامارات قبل بالفجيره ودي اكلم اللي كانت عندهم واسالهم عنها...... وش رايكم؟؟
وزوجي قالي خليها ونجيب كاميرات مراقبه واذا شفنا من ها شي نقلعها.
طيب وعلى نياته................مايعرف حقد الاندونيسيات.
وانا مدري انا جد بحاجتها مقبله على شد ونزل وعيالي توام ويتعبون مره ولسى صغار اعمارهم سنه ونصف.
وانا عمليه وتعبانه ماقدر عليهم هم والبيت سوا.
وزوجي غير متعاون.
انا عارفه انه بيقراها ويزعل بس الحق مايزعل يابو ؟؟؟؟؟
يالله عطوني راي اخير لو قلتولي لا لا تفكرين تخلينها عندك ماراح يجيني غيرها وش رايكم ننقل كفالتها؟؟
والله انا راسي بينفجر من التفكير انا بس لي ساعات جايه بيتي بدونها فقدتها وتعبت مع عيالي.
ساعدوني الله يعافيكم ز
انا قلت لزوجي ارائكم قالي ايه كلكم حريم وتفكرون نفس التفكير بس حنا يالرجال نفكر بعقولنا؟
اللي تقدر تستشير زوجها تعطيني رايه
عشان اقوله هذا راي الرجال .
اسفه على الاطاله بس والله من حر ماوجس؟
انشالله ماتذوقون اللي ذقته ثاني شغاله ونفس الحظ.
الله يكفينا شرهم ويغنينا عنهم بالصحه والعافيه.

والله يا أختي .....
بالنسبة لأجهزة المراقبه بصراحه حرام.....
(ولاتجسسو ) ....
وانتم مسلمين فكيف تسون كذا....
يعني معقول بيصير بيتكم مكتب مخابرات ما الله حدكم....
وأنتي تبين أحد يقولك خليها ورافضه نهائي الحل بأنك تتركينها .....
لكن نحن مستحيل نشير عليك ونقول خليها ...
غريب ....
الرساله الي ترجمت أكبر سبب تخليك تودينها وتسفرينها وبعد تفتشين كل ملابسها لأنها مو خبله .....
وعمرها ما راح تحط شيء مريب قدامك لأنها عارفه إنك بتفتشينها.....
مافيه إلا الحل ......الثاني المر والصعب.....
خليها .....
وحطي أنتي وزوجك أجهزة مراقبة.....
واقعدي كل يومك بس تحتاتين وش هي تسوي في عيالك.....
ومن تكلم وين راحت وين طلعت .....
واحرمي نفسك من الراحه النفسيه ....
وأولادك.....
تراهم أمانه عندك وماراح ينفعك بعدين الندم إذا هي سحرتهم أو سحرتك .....(بسم الله عليكم)...
هذا سحر مو لعب وكم من بيوت تهدمت بسببه وبعدين تعرفين هالي يسحرون......
كيف يسحرون يتعاملون مع جن ويسون هوايل بالمصحف أعوذ بالله.......
معليش كلامي يمكن قاسي شوي.....
بس من قهري ....
ولأني حاسه إنك مثل أختي .....
سحر ورجال وبلاوي وتلفونات ......
وتأمنينها على عيالك........
؟!!!!
وصدقيني زوجك بيجيب غيرها إذا شافك تعبتي بس هو يقولك كذا ما راح أجيب.....
وبصراحه جميع البنات اتفقن على تسفيرها مو لأن المراه ما تفهم قولي لزوجك......
بس لأننا بالعكس ندرس الموضوع من جميع جوانبه.....
مو من جهه وحده .....
وهو شايل هم بس تسفريها يعني مافكر (عفوا يعني ) إلا من جانب واحد فقط....
وماشال هم الأشياء العظيمه.....
المترتبه على وجودها .....
قولي هالكلام له ....
الله سبحانه عطانا عقل نفكر ونوزن الأمور .....
وياليتك تقرين قصه وحده في منتدى لك.....
سحرتها شغالتها .....
ومسكينه لها 15 سنه في حال مايعلم بها غير العالمين.....
بعدين فيه لي قريبه عندها 3 أطفال ماشاء الله فوق بعضهم ....
وموظفه وزوجها كان رافض الشغاله نهائي....
حتى يوم نزلت بين جديد كان بيتها كبيرررر بشكل.....
ومتعب جدا ومع ذالك رافض وربت أولادها ماشاء الله واستعانت بالله....
قبل كل شيء ...وما ظرها الحمد لله....
أنا مقهوره الحين يمكن اذا روقت اكتب برقه أكثر من كذا .....
لكن لاتنسين كل ماشفتيها ادعي بالدعاء.....


اللهم اكفنيها وأولادي وزوجي بما شئت .....
وعلميني وش يصير معك....

الله يجزاك الف خير ياملاك .
انا لحد الان ماجبتها البيت هي عند اهلي.
وزوجي مو مقتنع يقولي انتي يمكن ظالمتها.<تخيلي>

وانا بصراحه تعبانه مااقدر اتحمل البيت والاولاد والشغل سواء.
خاصه عيالي الله يصلحهم اشقياء مره ومتعبين لانهم توام.
عموما انا لحد الان ماقررت.
مو لاني مااقتنعت بكلامكم ,لاوالله مقتنعه ونص .
وكانكم حاسين باللي داخلي .
بس الله يعين وانا انشالله باخبركم وش صار معي.
ادعولي.