الله يحفظك أختي أنتي وأسرتك من كل سوء

أختي سفريها وتخلصي منها

وحده زي كذا ينخاف منها

السلام عليكم
اختي سيمو ... صدقيني منذ ان قرات مشكلتك وانا اشعر بدوار من هول الصدمه ....
اولا من اي كوكب حضرت هذه الشغاله (((الاتيكيت )))) هذه حشا والله ماهي خدامه !!!!!

صراحه لاول مرررره بحياتي على كثر ماجبت وجابوا اهلي وخواتي واخواني مثل هذه الخدامه حقتك ماشفت ولا سمعت !!!!! شيء عجيب والله شغاله بجوال ههههههههههههههههههههه ( شر البلية مايضحك والله ) يااختي كيف بالله تسكتين عليها منذ البدايه وكيف لك انك تتحمليها كل هذه المده ؟؟

لماذا يااختي الله يهديك بس .... ليه مارجعتوها منذ الشهر الاول والمكتب ملزم عليه غصب بتغيرها كونها لاتنفع اخلاقيا اذا ذكرتم له ذلك ...

هذه بصراحه ماهي خادمه هذه عابثه لاهيه والعياذ بالله ..

انا عندي خادمه هبله في شغلها وفي عملها اليومي تقهرني ماتفهم وعلى كذا فاقعه قلبي حيييييل ؟؟؟ كيف لاقدر الله تاتيني مثل هذه والله ثم والله لن تقعد معي ولا يوووووووم ...

اختي سيمو الله يوفقك ويحفظك من كل شر .. ساااااااارعي بتسفير هذه الشغاله وابعديها عن بيتك باسرع وقت
تجنبي شرّها بسرعه وفتشيها مضبوط ولاتتركين لها اي مجااال ...
والا اقولك حاااجه مهمه
بدلي حقيبتها بحقيبه جديده منك وفتشي مخابي الملابس والجيوب واطراف الثياب والاكمام ممكن ان تكون مخيطه شيء بثيابها
كما انه ايضا فتشيها داخليا في نفسها لايكون ماخذه شيء منك ...
ياحبيبتي والله اتعبي بعيالك وببيتك ولا انه تتعبي طول عمرك لاقدر الله بين المستشفيات والحزن لاقدر الله وبسم الله عليكم

لكن يااختي الصرااااحه امرك غريب وعجيب ماشاء الله كيف تحملتيها الى الان
وزوجك الله يهديه بس
قولي له والله ماراح ينفعك اذا صار لكم شيء ؟؟؟

تحملي كلامي قبل وقوع الشر لاقدر الله

الشغاله هذه نذله وحركاتها وسخه وانسانه منحطه بصراحه
اسرعي بتسفيرها احسن لك وافضل والله يعوضك بخيرا منها
استخيري الله يااختي واتركي عنك تعب الشغل وهمه
قسمي وقتك مابين شغلك ومابين اطفالك
مو لازم كل شيء تنجزينه يوميا
سوي لك جدول عمل يومي وصدقيني راح ترتاحي كثيييييير

بقولك شيء عن نفسي مره راحت شغالتي وشوفي كيف مشيت حياتي وانا حامل كمان ولا جبت الثانيه الا بعد ماولدت والسبب ابي ارتاح منهم ... اولا انا اسكن سكن عسكري كبير جدا دورين
وكم مره اجلس من غير شغاله والحمدلله والله اقوم بعملي بكل يسر وسهوله
رغم انه عندي اطفال وزوجي يبي خدمه خاصه
شوفي ايش كنت اسوي من نظام شغلي وانا كنت حامل ببنتي الاخيره ولاعندي خادمه

اقوم الصبح بعد مايروح زوجي العمل اوكي..... اقوم بنتي الكبيره والبسها وتروح للمدرسه
احاول لو ساعه فقط اعمل اي تنظيف سريع للبيت عامه
بعدين ارتاح الين تاتي بنتي واغديها وتنام
بقية عيالي اقومهم وافطرهم واشغل لهم فيديو فلم كرتون يستانسون عليه وقتها اطبخ غداء زوجي
او يكون في شيء عملته من الليل مثل الايدامات والمحاشي ..مجرد تسخين ويجي ويتغدى وينام
طبعا المطبخ تنظيفه باستمرار اول باول مااترك شيء وراءي والكنيس يوم بعد يوم ماعدا غرفة المعيشه يوميا والصاله والمطبخ
حتى باقي صحون الاكل انظفهم واذا تعبانه احطهم على جنب لوقت اخر ... ماطاحت الدنيا ...

احاول انام مع عيالي فترة الظهيره
وبعدين اقوم العصر معاهم اشتغل اي شيء اخدمهم باكل خفيف اكمل باقي شغلي اذا وجد .. بالعكس كنت مرتاحه واعمل اي شيء دون تدخل الشغاله بحياتي ...
ارتاح الين المغرب احاول اكوي ملابس على السريع وارتبهم وارتب غرفهم ..
الغسيل اغسل الملابس بعد ماينامو بالليل احسن وقت عندي واخذ راحتي جدا وبعدها انام .. بالنسبه لملابس زوجي الداخليه انا اغسلهم ام الثياب بره وملابسه العسكريه كلها عند الغسال ... واحيانا اذا ماقدر يوديهم اغسلهم وابقشهم ويوديهم عند الكواي بعدين ...والحمدلله الله يسرها معي ...
والله يااختي مشيت حياتي طبيعي وبراحه نفسيه جدا ...وكل شيء بوقته اعمله ...صحيح اني اتعب ولكن احس انه تعبي راحه
حتى عيالي هادئين معي ويراعوني ويلبسون اذا طلعنا...
يعني من هذا القبيل كان نظامي ويكفي اني مرتاحه جدا ...

واذا تبين مساعده من اي ناحيه انا حااااضره يااختي ...
ولكن عليك بجاه الله تسفرين شغالتك هذه بسررررعه عشان خاطر عيون عيالك الضعيفين
لاتنسين ...

وطمنئنينا على نفسك ويش صار معك يااختي ..
الله يوفقك ويسعدك يارب ويفرج لك همك ...

والله انقهر يوم اسمع عن وحده تعاني من الشغالات
الله يغنينا عنهم بصحتنا وعافيتنا يارب ياكريم آآآآآآمين يارب ..

تحياتي لك ...

الله يجزاكم خير يابنات ولضيق الوقت ماقدر ارد على التساؤلات.
وانا الحين ماسفرتها موجوده عندي وترقبني بعين الحقد.
وزوجي مو راضي نسفرها لنفس السبب اللي ذكرته.
وانا يابنات والله ما اتدلع من جد ماقدر على البيت لحالي لان عندي حاجه اعاني منها وماقدر على البيت والعيال لحالي.
اتعب بسرعه ؟؟ ونفسيتي تتعب مع تعبي و؟؟؟؟؟؟؟ الله اعلم بالحال.
بس هي الحين عندي بعد ماقلت لكم فتشتها واخذت كل اغراضها ماعدا الاشياء الضروريه .
وايش رايكم انا ما اخذت مسجلها واشرطتها؟؟ خليتها معها
وقبل لا اجيبها البيت مسكتها عند اهلي وهددتها اني لما اشوف عليها اي شي غلط ماراح تدري الا وهي بالمطار.
وقلت انتي عاد اذا رجعت بلدك ايش تستفيدين؟؟؟
تدرون وش ردت علي‍‍‍‍‍‍‍‍‍؟؟؟؟؟؟؟؟
قالت ليه مافيه فايده اني اروح لبيتي؟؟؟
ايش رايكم؟؟
عاد الحين هي عندي وزينه مره مع الاطفال هذا اللي صبرني شوي , يعني من قبل لاشوف عليها شي وهي زينه مع عيالي.
عاد اذا جد جديد بخبركم.
والله يجزاكم الجنه على تفاعلكم مع مشكلتي ويوفقكم ويبعد عني وعنكم عيال الحرام؟

اخت سيمو انا سألت زوجي حتى اقول لك رأي الرجال قال: اولا هو لايؤمن بلسحر لان هذالم يعد متواجد والبيت الذي يقرأفيه القران
لايقع فيه السحر ثانيا ان كنت تثقين بزوجك لاتخافي من شيء ولكن حجميها وهدديها ان ظهر منها اي مكرور ستبلغين عنها البوليس
ولن ترحميها وحين تخرجين من المنزل اقفلي الباب عليها ولا مانع من وضع اجهزه تنصت ولا اظن ان هذا حرام وراقيبيها شهر ثم اتخذي القرار ممكن ان تكون اخذت دفتر العائله حتى تتعبك لانك كشفتيها وممكن ان تكون شغاله اختك كذبت عليك بقراءة الرساله اعرضيها على شخص ثاني . وماذا فعلت اختك بلشغاله تبعها؟ ويفضل ان تشغليها دائما واجعلي امور طفليك لك ولها امور البيت
ولا تتركي اطفالك عندها الا بعد المراقبه
والله الموفق

أختي سيمو الله يعينك كيف إنتي صابره على الشغاله هذه أنصحك تسفرينها على طوووووول وما أنصحك تجيبين وحده غيرها لأنني و الحمد لله ضد الشغالات اللي تكون معك 24 ساعه ...يعني ما تخذين راحتك في بيتك .... طيب أبقولك قصة و الله العظيم سمعتها بأذني ...
المهم رحت لشيخ يقرأ القران ... وهناك لقيت العجب العجاب ... المهم لقيت حرمه عند الباب تنصح الحريم وتقوووول لا أحد يجيب شغاله وكانت عيونها حمراء - يعني حزينه - و الله حزنتني ...المهم تقول جبنا شغاله من إندونيسيا على أساس إنها مسلمه بس ماطلعت مسلمه وماهي لا نصرانيه ولا مسيحيه طلعت يهوديه وقتلت بسحرها ( أعتقد قالت عمتي وأخويه وشخص آخر ) المهم ذكرت ثلاثة أشخاص وأشرت الحرمه على الغرفه اللي فيها الشيخ وقالت والحين تحاول تذبح أختي وكان الشيخ يحاور حريم فيهم( .......) الله الله الله يشفيهم
قولوا آميــــــــــــــــــــن
يأخت سيمو أنصحك لجيتي تسفرينها لاتعلمينها بموعد السفر ... فقط قبلها بساعه عشان مايمديها تسوي شي وفتشي في أغراضها كويس ..يعني في ملابسها قطعة قطعة وأطراف الثياب والاكمام والجيوب والبناطيل الجنز إقلبيها يمكن تلقين جيوب خفيه و الشنطه غيريها وكريماتها إرميها وجبيلها غيرها( ترى والحمد لله ماعندي خبره بس من القصص اللي نسمعها ) ... والله يستر عليك وعلى عيالك لأنهم ينخاف منهم بصراحه وحده عندنا ماقصرت مع شغالتها يوم بتسفرها يعني فتشتها تفتيش ماحصل.... تعرفين يوم راحة معها المطار وفي غرفة التفتيش طلع الجهاز صوت يوم حطوه على راسها وقالت لها الموظفة فكي شعرك ورفضت ..وبعد مافكوه لها لقووو..............
إنها حاطه خاتم ذهب في بكلة شعرها وخايطه عليه ....وتقول الحرمه يوم شفته صعقت وقلت لها ليه كذا ( مع العلم إن الحرمه إشترت للشغاله ذهب )
قالت الشغاله ماما هذا ذكريات عشان إنته كويس
المهم أنا عرفه إني طولت عليك بس أبنصحك تسوين مثلي

أنا إذا كنت تعبانه أو حامل أو نفاس أجيب شغاله تشتغل من الصباح للظهر فقط و تروح وأحياناً أخليها تجيني يوم بعد يوم و الحمد لله

:26: :26: