شغالتي وأفعالها الغريبة...

بسم الله الرحمن الرحيم
السلام عليكم ياأخوات...

أدخل في الموضوع..عندي شغالة ما كملت الشهر لسة ,ولمن كان لها ثلاث ايام لقيتها ملصقة لبانه على باب الغرفة إللي تنام فيها,كلمتها عليها وشالتها وقلت في نفسي إمكن نسيتها,
وبعدها بأيام شفت وحدة عند مغسلة الصحون وكل مابغى أكلمها عليها تكون نايمة أو في الحمام ,وبذلك أنسى الموضوع,ودوبي لقيت لبانه لاصقة في باب حمامي وانقهرت وقلت لزوجي قالي نخرجها ولا كلميها ....
وهذي بعد التفاصيل عن يومها...
تنام من الساعة 12إلى 11وبعد الأحيان 12
وتغسل الحمامات يوم ويوم لا وتمسح الصالة يوميا والصالون كل ثلاث ايام...والكوي لمن أغسل
وماعندي غير طفلة وحدة وماعندي شغل كثير عليها بس جبتها علشان اناحامل وتعبانة مع الحمل....
ايش رأيكم فيها ,أخرجها ولا؟
علما انا محتاجتها هذه الفترة وكلمت أختي تدورلي على غيرها ومالقت إلين دحين...
إللي تعرف شغالات تقولي..ولها جزيل الشكر...