شغاله اهلي الاثيوبيه حرقت ولدي بالكوايه

الله يجزاكم خير يا مشرفات لاتنقلون الموضوع دمممي يغللللللي 
زي ما انتم تعرفون يا اخوات انا هالفترة جالسه في بيت اهلي على بال مايخلص بيتي  

بيت اهلي كبير مافيه احد الا امي واخوي يدرس 
و شغاله من الجنسيه الاثيوبيه

اللي صار انه امس المغرب كنت انا وولدي عمره سنتين نايمين بغرفتي وفجأه اسمع خبط على الباب امي قايله للخدامه تصحينا  صحيت انا وولدي والخدامه كانت تكوي بالصاله   .. 
طلعت ولدي عشان ينزل لامي وما امداني مسكرة الباب الا اسمع صراخ ولدي وفتحت الباب بسرعه لان صرخته غريبه وجاء ولدي عندي يركض  وعيونه مليانه دمووع ويقول فلانه طقتني  ويأشر عليها
وهي تضحك وتقول كذاب  وتكركر وتقول هو يبي ياخذ المريتو ومدري ايش وانا طنشتها وسألت ولدي قدامها وين طقتك وولدي ساكت مرعوب  ومتمسك فيني وهي تضحك رحت انا طنشتها وسكرت الباب وجلست استجوب ولدي ابي اعرف وش صار ومارضى يقولي شي رحت عليت صوتي ابيها تسمعني انه اذا سوت لك شي يا ماما علمني .. بس ماقدرررت احس ودي اذبحها 

طلعت عليها وقعدت اهاوشها  وقلت انتي عندك شي علميني لا اشوفك لامسه ولدي وهي تبربر وتقول كذذاب انا مايطقه !!!
عاد انا شااااااايله بقلبي لي كم يوم اشوفها الابنه ماتشتغل تخيلوا انها تدخل الصحون بزفرها للدواليب ماتغسلها ورضاعه ولدي ريحتها عفن ماتغسلها بالصابون حسبي الله عليهاماصدقت الاقي فرصه انفججحر  .....   وشوي الا امي الله يهديها جايه في وجهي وتوخرني عنها  ولاتبيني اقول لها شي !

ورمت التلفون بوجهي الا الاقي اختي على الخط تكلمني وتقول يامجنونه  لاتقولين لها شي وتقول انها قبل كم يوم كانت اختي وعيالها رايحين مع امي للعزا وماخذين هالخدامه التبنه معهم واختي مخليتها تمسك ولدها الصغير .... تقول انها طفششت منه وضربت راسه في الكرسي!!!!!!!

انا طلعت عيوني !!!! قعدت اهاوش اختي خيييييير ضاربه راس ولدك وساااكته ؟!!

تقول وش تبيني اسوي  ؟!  امي محتاجتها !

امي الحين معاديتني انا وماتكلمني بسببها ! 

طبعا كلمت زوجي يجي ياخذ عيالي يوديهم لاهله هالفترة :"(


حسبي الله ونعم الوكيل 


عاد هي الاسبوع اللي فات تقول لامي انا كملت سنتين خلاص ابي اروح  يا تزيدون راتبي او خلاص  واضطرت امي تزيدها 200 زياده  
والله ان امي مدلعتها اخر دلللع معطيتها لابتوب وواي فاي  24 ساعه متكيه على هالابتوب و تكلم اهلها متى ماتبي وموديتها قبل فترة تشوف جوالات تبي تشتري جالكسي اس فور حضرتها !!  
وهي شغلها اي كلام تنظف تنظيف سطحي ونفسها خايسه  هذي اول شغاله امي معطيتها الخيط والمخيط   

هي كانت طييبه وكنا واثقين فيها  والله اني اساعدها في الشغل ومعتبرتها زي اختي مدري وش خلاها تستلعن فجأه حسبي الله عليها الله يكفينا شرها 


اللي خلاني اكتب الموضوع انه قبل شوي زوجي يقول لي ان ولدي صحى عليهم الفجر يصيح صياح هستيري ويسب الخدامه :"( 

 والله مب مصدقه معقوله هاللي  ما تتسمى تخوننا كذا ؟؟؟؟؟؟!!!!