السلام عليكم ورحمة الله وبركاته
...........
صبحكم الله بالخير ...
هذي الله يسلمكم اختكم في الله
تجيها احياننا طنات على شوي وسوسه
وافكر في مشروع تأليف كتب للطبخ << لاتعليق بس
بس من تواضعي اقول خلاص ماابي اغطي عالكتب اللي في السوق واقطع رزقهم
واقوم احوس بالمطبخ واجمع كم بيضه على كم من هذا وذاك
وادخل بالفرن
ان حصلت شئ حلو قعدت القط فيه بالكاميرا لين تمتلي الكاميرا ولا ترضى تصور خلاص
وان طلع شئ فاشل
علطول اغسل المواعين واطلع ولا كأني كنت بالمطبخ
هع
المهم
مره سويت كباب بالسمك الله لايوريكم
حطيت عليها طماط وبقدونس وبالفرن ،، والله كأني ذابحه فرس النهر وحاطته عالغدا << ركزوا كان غدا هههه
طلعت مره ززفررره
<<<<< اهم شئ يومها زوجي انبسط وعزمني من المطعم بعد الغذا مباشره خخخخخ
ماقلت اختكم سنعه الله يحفظها :02:
ماعلينا اللي صار صار خلنا نبدأ صفحه جديده
هالمره سويت شوربه بيضا بالسمك او الروبيان
والحمد لله طلعت رهييييييبه
بس المشكله بعلي ماعزمني بعدها عالمطعم << شكله ماانبسط مثل هذيك المره خخخخخ
طريقتها مره سهله
فصين ثوم ،،، نقلبهم في ملعقتين زيت ،، بس يذبل مانحمرهم انتبهووا
ثم نحط قطع السمك او الروبيان << لو روبيان يفضل تطحنينه شووي بس
ثم نحط بطاطس مبشورة ونقلبهم كلهم ...
ونضيف عليهم 2 كاس ماء ،، وملح حسب الذوق ...
ثم نضع نصف كأس حليب ونتركهم يغلي قليلا ،،
والنقطه الاخيرة : نذوب ملعقه نشا في نصف كأس ماء ،، ونضيف النشاء مباشره قبل التقديم ...... وبالعافيه ..
........
والروبيان اسهل من الشوربه طريقته ...
اتبله بثوم وكزبره مطحونه وكمون مطحون + بابريكا ( فلفل احمر حار )
مع فلفل اخضر حار مطحوون حبه وحده وملح
واتبله فيهم ويستحسن اخليه في التتبيل ساعه او اكثر ويكون في الثلاجه
وقبل القلي اغطيه بدقيق ثم احطه في زيت حار لين يستوي
وبالعوافيه هع
.......
والحين الله يسلم جدتكم
هع
طريقة الدجاج الحامض بالفرن
يممممم لزززززيز اخر حاقه
اقطع الدجاجه اثمان
وانزع الجلد من عليها <<< تحزن هالمرحله هههههه
.....
واقطع حبتين بطاطس كبار واقطعهم مربعات
.....
وابشر برتقاله وليمونه ، ثم اعطر البرتقاله والليمونه
واضيف عليهم ملعقتين صلصة طماط
وابشر 3 فصوص ثوم
ونحط ربع ملعقه كمون + ملح + طرف ملعقه صغيره زنجبيل مطحون + شوي بابريكا
واحط صلصه صويا <<< ممكن الاستغناء عنها بس تعطيك طعم مجنون هع
ونقلبهم مع بعض الدجاج + البطاطس + الخلطه كلها
ونحطها بصينيه نغلفها بقصدير وندخلها الفرن
اخذت معي ساعه ...
والف هنا وتماضر هيييع
...
قدميها مع رز ابيض
او بالخبز
+ سلطه << ياكرهي لتقطيعها بس
وحطيت معها عصير الرشاقه والحيويه والسحري والجوي هع
عصير الشمندر
لاتحسبونه صلصه طماط هههههه
شكله غامق غامض هع
1 حبه شمندر
و1حبة تفاحه
1 حبه كيوي
وممكن فراوله
+ مويه وممكن سكر
وترررررررر في الخلاط لين تطحنين شكله هع
اذا ماودك يصير فيه خشخش ، يعني تبينه ناعم
اسلقي الشمندر قبل
بس مشوااااااااارررر هههههه
هذي كاستي دايم اشربه فيها
ترى دايم اصير معبيه الكاسه مره بس هالمره لزوم التصوير يقال اتكيت خخخخخخ
ايه نقصت على هالعصير في اسبوع 1ك
مدري منه او من قلة الاكل خخخخخ
بس جد يحسسك بالشبع وتلقين نفسك تنسين الاكل
لكني كنت ابلع وابلع وابلع في هالكاكاوات والحمد لله مازدت عليهم مع شرب هالعصير ...
يفضل شربه عالريق قبل الفطور وتاكلين بعده بساعتين
بس انا احب اخالف القوانين وشربته مع العشا مدري غدا
وبالعافيه حبايب
اللي تطبق موضوعي
لاتنسى ترسلي الرابط خخخخخ ابوكي يالثقه بهذلتي العالم
من جد قليل اروح على قسم الاطباق المجربه
دايم موجوده في قسم تأثيث المنزل ههههههههههاااي
وسلامتكم
سبحانك اللهم وبحمدك
اشهد ان لا اله الا انت
استغفرك واتوب اليك
لا اله الا الله ...