كل عام وانتو بالف خير
النهاردة هاكلمكم عن تجربتي مع شفايفي
بعد ماكلمتكم عن تجربتي مع الشعر اللي تحت الجلد
وده الرابط
طريقتي الروعة اللي نستني يعني ايه شعر تحت الجلد
ودلوقتي هاقولكم مواصفات شفايفي:
كانت مشققة جدا وناشفة ودايما كان فيها جلد ناشف
اقعد اتسلي واشده بسناني(وطبعا ده اكبر غلط)
وكنت فقدت فيها الامل وبالاخص انتو عارفين جو الرياض جااااااااف جدا
والله يعين
بس ولله الحمد لقيت حل ممتاز باذن الله،بس الاول لازم شوية تنبيهات:
-اشربي مية كتير وعشان متنسيش حطي جنبك ازازة مية وانتي قاعدة ع الكمبيوتر
وافضلي اشربي منها طول الوقت ولما تخلص امليها تاني وهكذا
(طبعا ده مفيد لبشرتك وشعرك وشفايفك وكل جسمك ده غير انه بيقلل من تاثير اشعة
الكمبيوتر عليكي)
-لازم تاخدي فيتامينات عشان جزء كبير من تشقق وجفاف الجلد عموما والشفايف خصوصا
هو نقص الفيتامينات،وهاتشوفي اصلا شعرك وبشرتك هايتظبطوا كمان ازاي
-ياريت لو تشربي كل يوم كباية عصير فرش وياريت برتقال
وحتي لو المراعي او نادك لو مقدرتيش تعمليه في البيت
-ممنوع نهائي انك تحاولي تشيلي الجلد الناشف بايدك او باسنانك لان ده بيبوظ اي
وسيلة لترطيب الشفايف وبيؤخر شفائها وعن تجربة
نيجي بقي للوصفات
-مرتين في الاسبوع هاتعملي الوصفة دي:
(نص معلقة عسل+نص معلقة بيكربونات الصوديوم(بتلاقيها في اي محل مع الفانيلا والبيكنج بودر)
+نص معلقة زيت زيتون)
قلبيهم مع بعض لحد مايبقي زي المعجون كدا
افرديه علي شفايفك لمدة 5 دقايق
وبعدين هاتي فوطة وبليها مية دافية وشيلي المعجون ده من علي شفايفك
ورطبيها بزيت زيتون
النظام اليومي بقي:
بليل قبل النوم هاتي علبة فازلين صغيرة وحطي عليها كمية صغييييييييييييرة جدا
من مسحوق دم الغزال(بودرة لونها احمر من عند العطار تستخدم مع الحنة عشان تدي
لون احمر)
وقلبيهم باي حاجة بحث يكون لون الفازلين فوشي فاتح مش اكتر من كدا
وقلبيها كويس اووووووووي عشان يختلط كويس
وقبل النوم ادهني شفايفك منها بكمية محترمة
الصبح بقي:
اول ماتصحي هاتي شوية زيت زيتون وادهنيهم علي شفايفك
وبفرشة اسنان صغيرة بتاع الاطفال تكون ناعمة
وتكوني مخصصاها لشفايفك بس
افركي شفايفك المدهونة زيت بالفرشة
وشوفي بقي شفايفك هاتبقي ناعمة ازاي ولونها وردي رائع
وكانها منفوخة اغسلي وشك عادي جدا وحطي نوع مرطب شفايف انتي بتحبيه
واتمتعي بشفايف ناعمة وورديه
ملاحظات:
-ياريت دايما تستخدمي انواع روج وجلوسات كويسة لانها بتعمل فرق رهيب
-قبل ماتحطي اي روج او جلوس
حطي طبقة من مرطب الشفايف او زبدة الكاكاو وانا بستخدم لابيلو كويسة اوي
وكمان هاتخلي شكل الروج او الجلوس احلي كتير ولامع ومغري
-خلي دايما فرشة شفايفك في شنطتك لما تكوني في عزيمة او حفلة
وفي وسط الوقت ادخلي الحمام وافركي شفايفك علي خفيف وارجعي حطي
مرطب الشفايف والجلوس
وشفايفك هاتفضل دايما مغرية وناعمة وطرية وان شاء الله تنسي اي مشاكل منها
اخر حاجة عايزة اقولها:ان الشفايف جزء رقيق من الجلد ومفيش عليه لاشعر ولا غدد عرقية
يعني معرض دايما للعوامل الخارجية بدون حماية وعشان كدا بيجف بسرعة
جدا ومحتاج دايما عناية وترطيب مستمر
يعني انتي لازم تعملي الروتين ده علي طول زي مابتغسلي وشك كدا
لانك لو وقفتي هاترجع شفايفك تتعب تاني
وانا متاكدة باذن الله انك لما تجربي مش هاتسيبيه ابدا من جمال النتايج
ومعلش طولت عليكم حبايبي بس انا عارفة انها مشكلة بتقابل كتير اوي مننا وانا اولكم
وياريت اللي تجرب تيجي تقول رايها
وسلام
بس الان دائما بدهنهم بكريم والحمد لله الان افضلـ
يسلموووووو اختي