شفت صورتها ..

السلام عليكم ورحمه الله
والله يابنات ماعرف شاقول
صار لي متزوجه من 8 شهور بس واخذته عن حب دام سنتين وزود
بقوللكم السالفه من البدايه وسامحوني اذا طولت
زوجي شريك في معرض للسيارات العصر يعني غير عن شغله الاساسي الصبح
الصبح يكون في دوامه والعصر في المعرض والحمدلله
ربعه كلهم متزوجين لكن كلهم للأسف راعيين بنات كل واحد عياله طوله ويكلم بنات على 20 21 سنه ياما قلت له ابتعد عنهم ماطاعني ويزعل علي
اسكت وادعي له بالهدايه
لين لاحظت من 3 شهور يمكن دايما تلفونه على السايلنت ماكان من قبل جذي بالعكس اذا رن قبل كان يقول لي ردي انتي عليه والحين تغير اشوف الشاشه ساعات تولع وتطفى يعني حد متصل يخبي التلفون ولا يرد
ولين نام اخذ تلفونه وافتش فيه بس لانه راعي معرض ارقام كثيره توصل له من ناس يبون يشترون سيارات
لين يوم الاربعاء انا خذت سيارته وطلعت فيها مادري شنو الي خلاني احووس فيها
ولقيت بوكه شفت صورتي استانست لكن وراها بالضبط صوره بنت !! ماعرفتها من هي
انصدمت وعلى طول رحت لبيت وواجهته اول شي ارتبك وبعدين تعرفون شقال؟
والله سالفه لو اقولها لياهل عمره 5 سنوات ضحك
يقول واحد جايب سيارته المعرض يعرضها للبيع وانا لقيت الصوره فيها وخليتهاعندي لين يرجع ويسال عنها
يعني بالله مايقدر هو يكلم راعي السياره ويقول له ياخوي صوره الاهل عندي؟
او اقلها يخليها في المعرض مايحطها في بوكه؟
قسم بالله احس روحي مب في الدنيا
انا من الاربعاء في بيتنا ولا حتى اتصل فيني
اخاف تطول المده ويتعلق بهالوصخه زود
وماقدر ارجع له
المشكه والله ماامدح في روحي ماتجيب شعره مني لا في جمال ولا في شي
ومافي احد يهتم بنفسه كثيري عشان اقول انا قصرت في حقه
فلس ماآخذ منه مابي اكلف عيه مع انه مقتدر
يعني مارهقه بالطلبات
تدورن من الاربعاء ودي اصيح الدمعه مب راضيه تطلع
مادري اصدقه والا شاسوي فيديوني يابنات ..
واعذروني على الاسلوب بس من حر مافيني