شقتي وما ادراك ما شقتي

هلا اختي
توكلي على الله وحطي لك هدف انو بيتك شقة صغيرة وﻻزم تكون مرتبة ونظيفة
دايم خلي عندك شرط ساعتين تنظيف عميق وساعة التنظيف المعتاد
القسم هنا روعة كل شي منزلينه البنات
شدي حيلك وعودي نفسك ترى كلها شهر وتصيرين سنعة وبيتك فلة شمعه منورة

تسلمين ياقلبي ان شاء الله ياعسل بتبع خطواتك

البيت سبع اركان ثلاث غرف وحمامين وصالة
خلاص يصير كل يوم من ايام الاسبوع واحد منهم
جدول رسمي امشي عليه السبت الحمام الاول
الاحد الثاني
الاثنين الصالة
وهكذا
طبعاً اليوم اللي يكون له يصير ترتيب كل شي يرجع في مكانه وتمسيح العبار وكنس ومسح السيراميك
وسوي شغلة ثانية معاه مثلاً السبت الحمام + غسيل الملابس
الاحد الصالة + كوي
الاثنين عرفة النوم + تغيير المفارش

وامشي عالجدول اسبوعين بتشوفين نفسك سعيدة ونظيفة وكل شي نظيف ويفتح النفس

اذا صار يوم بالجدول والمكان المحدد نظيف يصير خلاص يوم راحة لك

والشغل اليومي الطبخ وغسيل المواعين


افضل المنظفات للحمام
تايد وكلوركس واخر شي ديتول

للارضيات ديتول او مطهر كلوركس مع ماء

للفرن بخاخ موبي للتنظيف العميق ورشاش ٤٠٩ للتنظيف اليومي
لطاولات المطبخ بخاخ ديتول للمطابخ
يوميا رشي وامسحي بعد الطبخ

لمغسلة المطبخ فيري واسفنج مواعين وبعدها رشيه كلوركس

للملابس الملونة تايد والبيضاء اريال

دعواتك :)

الله يسعدك ياعسل ويوفقك مشكورة على المعلومات

حبيبتي شقتك صغيرة بساعتين يمديك تسوينها

انصحك اولا جيبي كيسين كبيرة واحد للزبالة وواحد للاغراض ادخلي غرفتك اي شئ للزبالة حطيه في كيس زبالة
اي شئ للمطبخ او اي غرفة ثانية حطيها بالكيس الثاني رتبي الغرفة ترتيب سريع مسحي الغبار فكي الشباك وقفلي الغرفة وراك وروحي للغرفة الثانية والثالثة نفس الطريقة خلصتي حطي كيس الزبالة بالزبالة ورتبي اﻻغراض اللي في الكيس الثاني

امسكي المكنسة وكنسي البيت كامل ارتاحي شوي تحسين الحين البيت باقي عليه شوي وتخلصين حطي السة فيها مويا ومنظف داك بالصنوبر وامسحي اﻻرضية كلها
اتجهي للحمامات حطي في علبة صغيرة مويا دافية والعمﻻق وديتول للتنظيف اليومي اما اﻻسبوعي فمنظف جف اﻻبيض كانه سحر بخي ومسحي يصير يلمع
اتجهي للمطبخ غسلي المواعين ومسحي الطاوﻻت ببخاخ كلوركس يجنن و مسحي الفرن وحطي عليها قصير وغسلي ارضية المطبخ ولعي بخورك اليوم خﻻص يكفي تعبتي اليوم اللي بعده مثﻻ السبت اطبخي الغداء ونظفي الثﻻجة والفريز اﻻحد نظفي المكان اللي تستخدمنه يومي اﻻثنين مثﻻ نظفي دواليب المﻻبس الثﻻثاء نظفي البيت اللي دايم تستخدمنه اﻻربعاء نظفي المكيفات والشباك الخميس تنظيف البيت كاامل الجمعة غسيل وكوي المﻻبس السبت تنظيف البيت اللي دايم تستخدمنه اﻻحد تنظيف دواليب المطبخ وخكذا طبعا المطبخ شهري وغرفة النوم كل اسبوعين