شقحه وجدتها (سوالف لا تنتهي )

يا مرحبا ترحبيتن اسبق من الفار ياللي على دربهاا ثمنين بسه ..؟.

ياهلا وغلا بخوياتي بعالم حوااء واخص الواحه الكركريه ..؟...

المهم ماطولها تعرفون سوالف شقيح مختصره يالله لك الحمد هذا بفضل التطور العلمي المبني
على الاسس الصحيحه في تكونلوجيا الكلام ..؟.. اخس شقيح منيب سهله ..؟.


المهم ..؟.

المراد هاك اليوم .. يوم اني منطبحتن على بطيني (كرشتي الزنطزطه عقبال ماتكبر وصير فيها بزر)

المهم..؟

ورافعتن رجلياا فوق ولابستن برموداا عنابي ( صارقته من جدتي ) ولابستن دليغات شمه برتقااني
وصارقتن ثوب خزنه الاصفر ومدهنتن شعري بزيت زيتوون يمدحونه يقولون يخلي الشعر حرير

المراد من هالوصف تدخلون معي جوو

المهم
وتدخل علي جدتي بعكازهاا وانا كنت مندمجه مع مجلة سبيس تون توني شاريتهاا لوخيتي واللي يلعب فيهاا انا كنت احل التسالي ..؟.

المهم . يوم جدتي دخلت علي وتصقعني بأكبر ماعندها ....
دار هالحوير بيناا

جدتي ... شقحه جعلي اخلا منتس ..؟
انا .. تهبين اي والله اخلا منتس انا يهبم ..؟.
جدتي.. تدعين علي قص ضلعتس من منبته ..
انا .. ياويلي وش انا مسويتن انا لتس ..
جدتي .. لابستن سروالي الحمر وانا من اليوم ادوره ..
انا.. جده ترى انا معطيتس قبل امس معديتس اغلى ما املك عطري معطرتس منه ..
جدتي.. امحق من عطر المهم امشي معي قهويني بالحوش ..
انا.. اسبقيني وانا اجيتس ...؟


وراحت جدتي جلست بفرشتها بالحوش وامي عندها ومرت ابوي يسولفون ..؟ ثمين راحت امي ومرت
ابي لجارتنا عندهم عرس المراد

جيت انا عند جدتي ..؟.
وقمت اقهويهاا ..؟ عاد جدتي لا شربت الدله ماتشبع يهبي تخلص لها 9 دلال ولاتشبع ..؟.
المرااد .؟.

كان اقطع قصيد جدتي اللي صجة راسي به
قلت جده .. يوم اني اقهويج ذكرت لي بيت قصيد
لشاعر جانه حي راعيه الله يجزاه الجنه وان كان ميت الله يرحمه برحمته الواسعه..
جدتي ... اخلصي
انا .. يقول الشاعر .. خمسة عشر فنجال لجدتي صبيت .. لو انها جربه كد ملتهااا ..؟.
جدتي.. بالعصا ... اصقعتني لين قلت بس ..؟.

يوم انها خلصت قلت جده عن اذنك .... مسويه زعلانه انا وجهي ..؟...
اول مادخلت الا يدخلون اخواني وعيال عمي عند جدتي وجلسوا يسولفوون لهاا ..؟.

المراد جلست اتسمع لهم عند البراده ..؟. ابج يالربايع جدتي ماخلت كلمه ماسبتني فيهاا يااحول
المراد بنت الحلال قطعت رزقي بين العرب والناس ..؟...


ورحت اتحلطم عند خواتي من الضيم ..؟....

بس مامنهم رجااا ..؟.

المهم ..؟
في اليوم الثاني .. جت جدتي وتصييح على راسي شقحه قومي عاونيني ..؟.
رحت معها لغرفتها وقالت ..

جدتي .. شقيح جيبي الكرسي ..
رحت جبت الكرسي وجلست عليه بنت الحلال ..؟.
المهم وتفتح كبتها وانا اللي تصك فيني الدنيا قلت يؤؤؤؤؤ عزالله اللي جلست اسبوع معهاا ..
وانا اقول .. هااه جده وش تبين اجيب لتس
جدتي .. اركبي على الطاوله وجيبي لي الهناا ..
انا يوم ركبت وش الهناا ياجده ..
جدتي.. ابتس يا الرفه الماخووذ ...؟
انا .. ياحوول خلني افهم الهنا يجينا الماخووذ ..؟.
جدتي.. صج ما تفتهمين جيبي البليه اللي فووق ,...
وانا اللي ينغمي علي .... ياجده تكفين جيبيه انتي ...؟..

وبعد محاولات ومشاداة كلاميه حصلت اكشفت انا الهنا حاجه ملفووفه بكيس مايجي طول اصبع رجلي

عاد فهمت جدتي لاقلت شقيح جيبي الكرسي .... حطي رجلتس واهربي

المراد سيرت علينا مره من الايام وحديدتن من بنات عمي عاد جدتي صاحت عليها وقالت يامنيره
جيبي الكريسي

وانا اللي ابطها ضحك يوم اشوفهاا انجنت من جدتي ..؟.؟.؟


المهم ياكثر سوالفي مع جدتي وهذا اللي يحظرني هاللحين ..؟.

مع السلامه جدتي تبيني اطلع لها الهنااا وارجع لكم ..؟.

جاو جاو