شكرا للعامريه ولهذا المنتدى الرائع

اخواتي من لا يشكر الناس مافيه خير وانا انسانه تو خلصت الاربعين لي يمكن 4 ايام والحمد لله والشكر اول شي نظفت بدري يعني قبل الشهر وانا زي الورده وماشاء الله تبارك الله نظيفه ميه ميه يعني لا مويات ولا هوا ولا اي شي وغير كذا المنطقه ضيقه جدا جدا ولله الحمد حتى ان زوجي مسكين ما يقدر يجي الا لازم باستخدام عصار الجل
وحبيت اقول لكم انا وش سويت بنفاسي هالمره عشان صرت كذا وللعلم هذا رابع طفل لي وحسيت انه اول مره اولد لان في ولادتي الي قبل خربت مررره بس الحمد لله عوضت بهالنفاس
واليكم الخطوات
اول شي انا استخدمت نظام العامريه بالتمام وحسيت ان الي نفعني بعد الله الحلبه بالعشرين يوم الاولى والرشاد بالعشرين الاخيره بس للامانه الرشاد يمكن استخدمته 12 يوم بس لانه سوا لي امساك وانتم بكرامه
وطبعا وهذي اول مره امتنعت عن الاكلات اللزجه الي هي الملوخيه والباميه
كنت امتنع عن الجوع تماما واكثر من التمر واكثر من القرفه بالزنجبيل كنت اخلص ثلاجه باليوم وهذا الي خلاني انظف زين من بدري وكنت اشرب الزنجبيل برضه مع النعناع روووعه من جد هالزتجبيل عجيب والله
بالنسبه للاكل كنت اكل البر وكنت احيان اخبص سندوتشات من برا بس كان وجبه باليوم ومو كل يوم
بس انا في شي اضفته وما استغني عنه وهو عاده عند العائله وهو البخور وهالبخور بدات فيه من ثالث يوم بالولاده والمفروض اكمله لاخر يوم بس انا سويته يمكن 25 يوم بس لان كنت اعاني شوي من الخياطه والحمد لله رحت للدكتورة وفكت الغرز وعطتني ملح اتنقع فيه والحمد لله صارت تمام
بس بجد يا بنات البخور روعه روعه حتى بعده تحسين انك ناشفه ونظيفه
والحين انا صح تعبت بالاربعين واهتميت تمام وابتعدت عن اهمال نفسي الي كان سبب البلاوي في الولاده السابقه لاني كان عندي اهم شي اني ما اسمن وان هالحلبه والحركات كلام فاضي وماله داعي بس ندمت اشد الندم زمان على هالكلام بس الله عوضني هالمره وتوبه يا قلبي توبه
والحين ابو الشباب على قولتكم طاير فيه ويقول والله كانك بنت بنوت
وهذا علمي وسلامتكم واي استفسار انا جاهزه