مشكورة على القصة

حلوه القصه ياريت تنشريها لاني بفضل لارايه من الكتب

شكرالكم حبيباتي على التشجيع

واعذروني اني جعلتكم تنتظرون الفصل الجديد

لكني عدت به

وإليكم ماحدث

في عصر يوم الثلاثاء اتصلت نهى على جمان وخبرتها السالفة كلها ..وجمان تفهمت موقف سارة وحاولت أنها تكلم مؤيد لكنه رفض يقابلها بعد اللي صار...تركته لحاله وراحت تذاكر لآخر يوم ..اللي هو بكرة..

في الجامعة الجو كان مكتم بين الشلة من اللي صار أمس...جمان ما قدرت تكلم أخوها من الأمس ولا سارة قدرت تطالع مؤيد ..لكن هو تم يطالعها بنظرة حزينة وأسى يمكن ترأف بحاله..

هادية حاولت تطلع الشلة من الجو اللي هم فيه وصارت تقول نكت وألغاز...الكل حاول يساعدها على التغيير ..
وقبل لا يتفرقوا بآخر يوم..
هادية : يا جماعة التي صار ممكن يصير لأي إنسان بالدنيا ولكل إنسان ظروفه ...احنا نعرف بعض من اربع سنين ومنا من يعرف بعضنا من قبل ...لا تخلو صداقتنا تتهدم مع أول عقبة بطريقنا ...ولا ما صارت صداقة فعلا ..
وبعدين لا تنسوا ان ورانا حفلتنا اللي انتظرناها من زمان وخططنا لها..وكل واحد فينا كان له لمسة خاصة فيها ..
لا تخربوا علينا فرحتنا..يللا يا مؤيد وجمان تصالحوا..وانت يا سارة معاهم..

جمان تمشي برقة ودلع الى أخوها مؤيد وهي خجلة من فعلتها البارحة: مؤيد أخوي أنا آسفة والله ماقصدت اني آذيك تدري بي لساني مو تحت شوري ...ماخذه من طبعك ..
جمان وعيونها تدمع : تكفى أخوي ما لي بهالدنيا غيرك..
مؤيد حن على أخته وضمها ...وباس راسها والكل ارتاح للمصالحة ..
إجا دور سارة ..اللي ما عرفت كيف راح تعتذر من مؤيد ...هي ضامنة جمان لان نهى وعدتها انها تقول لها عن السالفة كلها...بس مؤيد لا

وقفت جنب جمان وراسها خافضته وهي محرجة: مؤيد ...
بس مؤيد ما رد عليها وتم ساكت خايف من اللي بتقوله ...وينتظرها على احر من الجمر تقول اللي بخاطرها له حتى لو قالت له ما ابيك فارقني ..انقلع..المهم يعرف رايها فيه

سارة بغت تبكي لما مؤيد ما رد عليها ونادته مرة ثانية: عفوا يا مؤيد..
عامر نبه مؤيد ان البنت تنتظر تسمعه يرد عليها ..
مؤيد: آمريني يا..(كان يبي يقول لها يالغالية بس تراجع عنها)
سارة: أدري إنك زعلان مني ...بس صدقني الشي هذا مو بيدي انا لي أسباب وجمان تعرفها...بغيتك يا ولد الأجاويد تسامحني
مؤيد طالع في جمان ثم طالع في سارة : بس انا يا سارة ...ابيك تصارحيني ..ابغى اسمعها منك ..ما علي من السبب اللي تعرفه جمان...أنت بقلبك أحد.
سارة : لا يا مؤيد ما بقلبي أحد ...ولا بيكون أحدغير امي وابوي وابراهيم..أخوي.

مؤيد ارتاح جزئيا ..وقال في نفسه (ان شاء الله بغير وجهة نظرك فيني مع الأيام واتزوجك يا سوير).
مؤيد يقول لسارة : يا بنت العم ....انا ما ابي اعرف السبب...بس لاتشيلين في بالك هم ....احنا قبل كل شي أصحاب وأحباب وما بيننا زعل ان شاء الله.

سارة فرحت من كلام مؤيد لانها ما تحب ان احد يكون في قلبه شي عليها..

الكل فرح لعودة الأمور لمجراها كما كانت..وتفرقوا على وعد من كل واحد فيهم انهم يتقابلوا يوم ظهور النتائج الساعة عشرة الصبح عند مدخل مطعم الجامعة..ورجع كل واحد فيهم لبيته.

رجعت نهى لبيتها وعلى طول لغرفتها ونامت ...مرتاحة لان ما وراها مذاكرة ..
سعود اللي رجع البيت بمشاعر متضاربة ...هل يتقدم لنهى ويخطبها بعد ظهور النتائج ولا ينساها لفرق المستوى.
جمان رجعت البيت مع أخوها وعملت له أحلى غدا لأحلى أخ على قولتها ..غداء صلح طبعا الفضل كله لامها بس هي كانت مشرفة على الطبخة ولا كان ما اكلوا شي..
أكرم وعامر راحوا يدوروا بالاسواق..ترفيه يعني شباب وفرحانين بنهاية الاختبارات
هادية اللي كانت اسم على غير مسمى من كثر رجتها ...دخلت غرفتها وشغلت المسجل وهاتك يا رقص ..شي مصري وشي غربي وشي خليجي..حضرتها تبغى تتدرب للحفلة ما عندها وقت..
سارة راحت مع أهلها عند أهل خطيبته اللي كانوا عازمينهم على الغدا..

...............................................................................................
في جهة أخرى من العالم وفي قارة أفريقيا(الله على الثقافة يا مس جغرافيا)..في تونس كان نواف يشتري هدايا لاهله ويلتقط الصور في كل مرة يخرج فيها من الفندق ...

اشترى لاخته فستان ثالث وارسله(يا كثر حبها للفساتين)..كان نواف يقول في نفسه..لكن والله ما يغلى عليك..كم نهى عندي..

..................................................................................................
عدنا لقارة آسيا مرة أخرى...
صار الغدا جاهز..ام نواف تنادي زوجها وبنتها عشان يتغدوا
نهى نزلت وهي لابسة فستان ناعم جدا وقصير لحد ركبتها لونه سماوي ومطبوعه عليه صورة أخوها داخل قلب كبير وحواليه قلوب صغار ...كانت نعسانة وما شبعت نوم..بس أجبرت روحها إنها تاكل عشان خاطر امها

جمال (ابو نواف) : يا ام نواف مثل ما قلت لكم ما نبغى نتاخر على الناس
ام نواف : أبشر يا ابو نواف ما يصير خاطرك الا طيب

نهى اللي شوي يطيح وجهها بالصحن من كثر النعاس تلتفت لامها : مامتي ايش ألبس اليوم في العزيمة؟؟
ام نواف : البسي اللي تبي تلبسينه بس تحشمي شوي هذه اول مرة نروح لهم..عطيهم فكرة حلوة عنك يمكن يخطبونك لولدهم..(وتضحك ام نواف)

نهى تضحك من غير نفس : مامتي ايش قالوا لك اطر عرسان ..بعدين نواف قال هو اللي بيزوجني وانا انتظره
مامتي ما قلت لي ايش البس؟؟

ام نواف : البسي التايير الجينز اللي اشتريتيه لحفلة عيد ميلادك العام الماضي..طلعيه وعطيه لسارينا خلها تكويه لك.
نهى وهي تقوم من على الغدا : حاضر ولا احد يصحيني ترى فيني نوم سنة.
نهى طلعت لغرفتها وهي تنادي سارينا ..اخذت التايير وعطته لسارينا تكويه ..
نهى : iron this please sareena,and put it in my room on the sofa..ok
سارينا : ok I will

في بيت سعود ...
سعود وامه كانوا جالسين يتغدوا...سعود كان سرحان وهو ياكل..ما انتبه غير لما امه صارت تهز كتوفه
ام سعود: وين رحت يا حبيبي؟
سعود: انا جنبك يا اغلى ام بالدنيا
ام سعود: انت جنبي اكيد بس عقلك بعيد عني...قلي من اللي شاغل بالك
سعود: ابد يا ام سعود ما في شي شاغل بالي غير دراستي ووظيفتي..
ام سعود: الله يوفقك يا ولدي بس برضه مو هذا اللي شاغلك..انا امك وانت خبزة يدي ...قلي يا ولدي
سعود مسك يد امه وقبلها : امي في بالي وحدة بس مدري انا في بالها ولا لأ.
ام سعود: طيب اسال اخوها ولا اسئلها هي..عشان اخطبها لك.
سعود: اخوها مسافر بعمل ، وانا مقدر اسئلها اخاف احرجها ..
سعود صار يطالع صحنه وهو حزين : مدري يا امي يمكن هذه البنت مو من نصيبي..هذه بنت عائلة كبيرة وانا يادوب حالي ...وسكت
ام سعود ودمعتها تفر من عيونها : يا ولدي صل على النبي ...لا تعور لي قلبي..ان كانت لك بتاخذها وغصب عن اللي ما يرضى ...وبعدين ليش تستقل بحالك...انت احسن من كل الشباب ..انت تشتغل وتدرس وتصرف على ...امك.
سعود انتبه ان امه حاز في نفسها ان ولدها يشتغل عشان يصرف على البيت : أمي ...انت الخير والبركة وهذا اقل شي اسويه في حقك..الله يخليك انت يا امي ..لا تجيبي سيرة الموضوع هذا ثاني..

........................................................................................................
أذن العشاء ونهى كانت جاهزة هي وامها ..
نهى لبست التايير الجينز اللي قالت لها امها عليه..كان طوله حيران ولبست تحته بوت طويل ، البلوزة كان لونها أبض سكري فوقها جاكت من نفس الجينز الغامق عليه كريستالات صغيرة وربطت على رقبتها منديل اورقانزا وردي وشعرها ربطته بمشبك صغير لونه وردي مع جينز وتركت باقي شعرها مفتوح..طبعا ما نسيت شنطتها الصغيرونة من الجينز والحبل من الاورقانزا الوردي.

وهي خارجة من البيت دقت عليها جمان : هاي نتنوتة ما رحتوا
نهى : هاي جمونتي تونا خارجين نبغى نروح
جمان: نهى...ابقفل هالحين ، بس اذا رجعت دقي علي ابغى استشيرك بموضوع مهم جدا جدا
نهى : خير يا جمون اكيد فستان الحفلة صح
جمان : كيف عرفتي
نهى : هو في شي قدر يشغل بالك غير هالفستان.
ويضحكوا اثنينهم
نهى : اجل خلاص اول ما ارجع ادق عليك..باي حياتي

وصلوا عند بيت ابو عادل ودخلوا على الصالة ...شوي اللي يسمعوا صوت عادل مع اخته علياء
عادل : قلت لك ما ابغى اروح لهم ..ما ابغى اشوف احد..ما تفهمي انت..ما ابغى
علياء سكت خافت انه يتوتر اكثر وينسمع صوته وما درت ان الضيوف وصلوا وسمعوا اللي صار..

عادل كان نازل بالدرج في الوقت اللي كان ابوه يرحب بضيوفه على المجلس ..
عادل وقف مذهول من اللي شافه... معقول هي بذاتها...
الكل استغرب من تصرف عادل...ابوه ، علياء ، جمال وزوجته وبالأخص نهى ...لانه كان يطالع فيها بنظرات غريبة وفترة ماهي قصيرة ...

تبدلت ملامح وجهه من الغضب والانفعال الى شي من التعجب والاستنكار..

يا ترى ليش؟؟؟
وهل لنهى علاقة بالموضوع؟؟؟
هل يعرفوا بعض من قبل؟؟؟

تابعوا لتعرفوا التفاصيل وما جرى بعد ذلك...

آسرة القلوب ..

بودي المتابعة ....
لكن وقتي ضيق هذه الأيام .....

سأقرؤها متى تسنى لي ذلك ..
بإذن الله ...
استمري .. رعاك الله ..

استمري فالأحداث مثيرة جدا
لا تتأخري نحن في الانتظار