بسرعه
كمليييييييييييييييييييييييييييييييهاااااااااااااااااااااااااااااا

متأسفة ما كان قصدي وضع بيت الشعر هون بس غلطت وطلعت....

اعذروني.... :icon28: :icon33:

كنت اقصد وضعه في موضوع ثاني....سوري....

كشخة
الأمل الراحل
أهات الفرح

مشكورين على المتابعة


والفصل هذا لعيونكم
أم نواف : نهى ..يمه ..أبغى أقول لك موضوع ..بس ما اعرف كيف ابدأ فيه..
نهى : خير يا مامتي ..قلقتيني..
أم نواف: نهى يا بنتي ..أنت تعرفي إني أبغى أشوفك عروسة اليوم قبل بكرة..بس انك تكوني مرتاحة للي بتتزوجيه ..
نهى: أكيد ولا في وحدة تتزوج واحد ما تحبه أو ترضاه.
أم نواف وهي خايفة أكثر من أول من موقف بنتها : بس يا بنتي في بنات ما لها اختيار ..يكون أبوها هو اللي يقرر مصيرها .
نهى : ما اعتقد احد في هذا الزمن كذه يا مامتي ..الشي هذا كان زمان.
أم نواف : لا يا بنتي فيه ناس لسه بهذه العقلية..الله يهديهم.
نهى : دام انك قلت الله يهديهم أكيد تعرفي احد..صح؟!
أم نواف وهي تزفر بحسرة: صح يا بنتي .
نهى : زي مين ؟
أم نواف وهي تبعد وجهها عن جهة نهى :أبوك ..أبوك يا نهى.
نهى انصدمت من الكلام اللي قالته أمها ..غطت وجهها بكفها من صدمتها .
نهى : من هذا اللي بيزوجني له ؟ و ليش من غير ما يشاورني؟ ليش يا أبوي كذه ليش؟!
أسندت نفسها بيدها اليمين على الأرض ورخت رأسها ودموعها تحرق خدودها من قهرها وخيبة أملها في أبوها..
سالت أمها : مين هذا اللي بيتزوجني غصب عني ؟ وكيف يرضى؟
أم نواف : عادل ولد عمك ناصر.
نهى لما سمعت الاسم صرخت : لا ااا لا ااا ..حرام عليكم ..
وركضت لغرفتها وهي تبكي وقفلت على نفسها الباب..حاولت أمها إنها تخليها تفتح الباب أو تكلمها بس ما قدرت..
نهى رافضة تكلم أي احد..أو تقابل أي احد..جلست عند طرف سريرها ووجهها على السرير ..وصارت تبكي من قلبها..

في الظهر رجع أبو نواف للبيت للغدا ..تغدا هو و أم نواف لوحدهم..
أبو نواف: وين نهى .؟؟
أم نواف : الله يهديك ..بس موضوع الخطوبة ..حبست نفسها في غرفتها ما تبغى تكلم أحد ولا تشوف احد
أبو نواف :خلها من الدلع الزائد ..هي ما تعرف مصلحتها ..وبعدين أنت ما شفتي عادل أمس كيف كان يطالع فيها..
أم نواف : بس..
أبو نواف مقاطعا لكلامها: لا بس ولا شي ..أنا قلت تتزوج ولد ناصر يعني تتزوجه.
أم نواف حزت في نفسها على تعامل زوجها مع بنتها ..بعد الدلع والدلال ..انقلب عليها في الخطبة ، صار عليها مو لها..

جمان اتصلت على نهى لما شافتها ما اتصلت عليها بعد ما رجعت من عزيمة الأمس على وعدها إنها تتصل وما اتصلت..
نهى شافت جوالها يدق..المتصل .." جمونتي"
نهى وهي تبكي : جمون الحقي علي يا جمون...(وتبكي)
جمان : بسم الله عليك يا نهى...ايش صار فيك...(جمان من بكى نهى صارت تبكي..لأنها تعرف إن نهى ما تبكي إلا لسبب قاسي)
نهى: جمون ..أبوي يبغى يزوجني غصب ..يا جمون..يبغى يزوجني عادل ولد عمي ناصر..جمون ..أبغى أموت ..أبغى انتحر.
جمان: صلي على النبي..يا نهى لو فقدتك ما بقى لي بالدنيا أحد..حاولي انك تأجلي الموضوع حتى يرجع نواف ويتفاهم مع أبوك..
نهى: حاسة إني ضعت ..يا جمون ..تعالي عندي محتاجة لك يا جمون..كوني جنبي ..لا تخليني لوحدي..
جمان : خلاص دحين أجيك.
جمان أخذت سيارة أخوها لان سيارتها في الورشة ..وراحت عند نهى.
وصلت جمان عند نهى وفتحت لها سانتيا الباب..
جمان : santya where is madam
سانتيا : she's in living room
جمان مشت لغرفة المعيشة سلمت على أم نواف ..وجلست معها شوي.
جمان : خالتي ليش اللي صار؟؟ما كان عمي كذه..حرام يا خالتي كذه
أم نواف : والله يا بنتي أنا مدري وش اللي صابه؟! قلبي معاها بنتي نهى
جمان : خالتي أبغى اطلع لها غرفتها
أم نواف : اطلعي يا بنتي يمكن ترتاح شوي وتهدى ..حبة عيني ما ذاقت الأكل من الصبح
جمان استأذنت من خالتها أم نواف وطلعت لنهى في غرفتها ..دقت الباب
جمان : نتنوتة ..حبيبتي أنا جمونة
نهى فتحت الباب وهي تبكي وأول ما دخلت جمان حضنتها ونهى صارت تبكي في حضن جمان..
دخلوا الغرفة وقفلوا الباب بالمفتاح وجلسوا يتكلموا ..نهى تبكي من قهرها وجمان تحاول تهدي عليها..
نهى : جموني ..أنت تدري إني أحب واحد..كان حلمي انه يحبني وإننا نكون لبعض ..
جمان : نهى طيب ليش ما تحاولي تصارحيه أو تلمحي له بشي ..يمكن يتغير الوضع شوي..
نهى: جمان أنا اللي أحبه مو نفس مستوانا ..أكيد ما رح يفكر فيي ..حتى لو فكر يمكن يتردد انه يخطبني لان أبوي بيرفضه..جمان أنا أحب سعود..أحبه ..أحبه ..أحبه...وصارت نهى تبكي
جمان تفاجأت من كلام نهى ..:نهى حبيبتي ..سعود يحبك ..صدقيني سعود يحبك..هو قال لمؤيد انه يسألني عنك إذا تحبي احد ولا لا.
كان خايف انك ما تفكري فيه أو ترفضيه لمستواه..
نهى صارت تطالع في جمان مو مصدقة الكلام اللي بتقوله..حبيبها سعود..هو كمان يحبها..مشاعرهم متبادلة وكل واحد كاتم على حبه في قلبه..ليش العذاب هذا كله..
نهى : جمان الله يخليك دبريني ..لازم يدري إني أحبه مثل ما هو يحبني ..يمكن يقدر يقنع أبوي ويغير رأيه.
جمان :أنا بحاول يا نهى..بس أنت لا تبيني أي شي لأهلك..إذا سألك أبوك قولي ..موافقة بس أجلي الملكة لما بعد الحفلة يكون نواف أخوك رجع ساعتها هو يتصرف.
نهى وقد اقتنعت شوي بكلام جمان وهدأت نفسها ..
باب الغرفة يدق..جمان راحت تشوف من؟؟..كانت سانتيا جايبة لهم غدا عشان يتغدوا البنات سوا ..
جمان حاولت تأكل نهى ولو لقمة تسند فيها حالها..أكلتهم بالغصب..
في العصر اتصل نواف على جوال نهى ..وكانت جمان معاها في الغرفة لسه ما راحت..
نواف : هلا بالحلوة ..نتنوتة..كيفك حبيتي
نهى سمعت صوت أخوها صارت تبكي..
نواف: نهى ايش صار فيك يا بت خوفتيني عليك قولي صار شي
نهى: نواف ..أبوي بيزوجني غصب عني ..بيزوجني عادل ..يا نواف..ما أبغاه ما أحبه..
نواف: اهدي يا نهى بلاقي لها حل إن شاء الله..
نهى : متى وأبوي بيملك علينا بعد الحفلة ..نواف ارجع ترى ما اقدر على أبوي
نواف: إن شاء الله كلها أسبوع برجع لك وأدبر الموضوع..
نهى: نواف ..جمان تقول لي أوافق على كلام أبوي ولا جيت أنت تتدبر الموضوع.
نواف: طيب حلو ..لا تقولي موافقة ولا ترفضي لان الموضوع مفروغ منه..بس حاولي تبيني انك راضية ..
نهى: نوااف أنا خايفة
نواف: لا تخافي حبيبتي أنا بحاول اكلم الوالد وأشوف وش يقول..حبيبتي نهى أنت أقوى من كذه..أعرفك قوية و عنيدة..ليش ضعفت فجأة..
نهى : نواف أنا ...أنا أحب واحد..وهو يحبني بس خايف من رفض أبوي له عشان فرق المستوى..
نواف : دام الحكاية فيها حب..لازم الوالد يغير رأيه..استني علي لما ارجع وأنا أشقلب لك رأسه ..بس لا تزعلي
نهى بشيء من الرجا والخوف:نوااف.
نواف: عيون أخوها ..فديتها لا تشيلي هم..يالله أخليك أنا دحين لأني بروح الفندق ارتاح شوي من لفة السوق حق فستانك.
نهى: أنت صدقت انك تجيب لي فستان من كل مدينة
نواف: ايش يعني ..عيوني لك يا نتنوتة..يللا اسمع صوتك على خير.
نهى :مع السلامة في حفظ الله حبيبي

جمان جلست مع نهى إلى المغرب وبعدين راحت.
نهى ظلت بقية يومها في غرفتها تفكر في كلام نواف وجمان..
جمان وعدت نهى إنها تشوف الموضوع من ناحية سعود..وترد لها خبر..
ايش قالت جمان لسعود، و ايش كان ردت فعله..هذا ما سنعرفه في الجزء الثالث..إلى الملتقى

الأحداث بتزيد سخونة أكثر وأكثر

يالله حبيبتي نحن في انتظار البقية

سلمت أناملكِ

تحياتي لكِ

وييييييييييييييييييييييينك بسرعة