شكلج...غبي

حريم مجتمعات كل وحده تسولف وتضحك
غيرها هي حزينة وشاغل بالها ألف تساؤل
تنفجر وتبدأ تفضفض وكلهم يسمعونها


او ...


تمسك اللاب توب
وبأيد ترتجف ودموع تغسل ويهها
تبدأ تكتب مشكلتها


تعرفون كيف صعب ان الوحده تفتح قلبها وتتكلم عن اللي تحس فيه
توصف اللي تمر به سواءا كلاميا او تخط بايدها مشكلة حساسة تخصها وتخص بيتها سواءا زوجها أو اي حد من أهلها

اول كلمة تنطقها او تطبعها تجر في داخلها ألف انفعال وانفعال
موضوع من اربع سطور لكنها دخلت في ألف نوبة بكاء وهي تكتبه


وأخيرا يوم خلصت تريت ردهم



أبيكم تتخيلوا هالموقف بدقة عشان تفهمون انا بشو افكر

فلنفرض هي تتكلم عن زوجها اللي يخونها

اول رد:
الحمدلله انا ريلي فديته مايخصه


زوجها تزوج عليها

الرد:
ويييه يارب أتم الأولى ف عيون زوجي



بنات بالله عليكم ليش هالردود اللي بحثت عن مسمى مهذب يوصفها
لكن للأسف ماقدر اسميها إلا ردود غبية

اوكي ريلج مايخونج؟ شو نسويلج
مدام ماعندج حل للمشكلة ليش تتكلمين عن حياتج المثالية؟
جد والله شو الهدف من هالرد؟ شو تبين نرد عليج

شكلج غبي وانتي تذرين الملح على جراح غيرج
هذا الرد سواءا في المنتدى او في الحياة الواقعية مايبين انج سعيدة بالعكس يبين عمق الفراغ اللي داخلج اللي يحثج تتغذين ع جراحات الاخرين


والله بنات وايد اتسائل ليش وصلنا لهالمرحلة الغريبة اللي قمنا نشوف فيها هالنماذج الوقحة والساذجة

لو انا أبالغ دوري موضوع في الحياة الزوجية وأقري الردود وبتعرفين انا عن شو اتكلم


ماتزوجتي : بتلقين وحده وقحة تنقز ف ويهج وتقولج اول ماتخرجت من الاعدادية كان عندي ولدين ..


مايبتي عيال: بتيج وحده تقولج شدي حيلج يلا يلا


و النماذج كثييييرة


بش التساؤل اللي ف خاطري
متى تنتهي ها لظاهرة الغبية؟؟؟!!!!