شكلمة جوز الهند

السلام عليكم و رحة الله و بركاتة
انا اول مرة اشارك بموضوع و يا رب يعجبكم
الشكلمة هى نوع من الحلو الراقية و السهلة فى المكونات و العمايل
يلا نتكل على الله و نبدا بسم الله
المقادير
1 علبة لبن مكثف نسلة (المحلى بالسكر )
1/3 كيلو جوز هند مبشور خشن
الطريقة
نضيف المكونات معا فى سلطانية غويطة و نقلب لحد اللبن ينسجم مع جوز الهند ثم نحضر صاج فرن و نضع به مسحة خفيفة من زيت الذرة لانه ملوش ريحة و بعد كده رشة دقيق خفيفة فوق الزيت علشان الشكلمة متلزقش بعد كدة بواسطة معلقتين اخد كمية من الشكلمة من السلطانية بين المعلقتين و احطها فى الصاج ثم اكرر العملية لحد ما تخلص كل السلطانية و بعدين اكون مسخنة الفرن و على نار هادية جدا تدخلى الشكلة و تسبيها لحد ما تاخد لون دهبى فاتح تقريبا 10 دقايق ل ربع ساعة بعدكدة تطلعيها من الفرن و تسبيها لحد لما تبرد و تقدميها باردة
و بالهنا و الشفا