والحين أخبار الشيخة منوة حفظها الله ورعاها في حلها وترحالها .

لما سافرت لأهلي علشان أقوم بواجب العزاء كانت هذي أول مرة يشوفون منوة وطفوا فيها وحبوها بالحيل شوي ياكلونها .رغم أنها ماتعطي أحد وجه طول الوقت متعلقة فيني وماتبغى أحد يمسكها .وبس كاميرات الجوال شغالة تصوير فيها .
وجتها حرارة قوية هناك وخليت أخوها يوديها للمستوصف .وعطاها مضاد حيوي .وكان مزاجها متعكر مرة .والناس ماهمهم يبغون يشيلونها وبس .والاولاد صاروا يتصارعون بينهم كل وحد يقول منوة خطيبتي والله صارت مضاربات كثيرة بين أولاد أعمامها وأولادأ خوالها .
((مادري أنتم يصير معاكم زي كذا على بناتكم)؟؟؟!!!!!!!!!

وفي ليلة سفرنا راحت تغديت عند بيت أعمامها وحظيت الأميرة منوة بستقبال باهر ومهرجان حافل ومن يد ليد وألتقطت لها الكثير والكثير من الصور (حشى صارت الأميرة ديانا سبنسر)ولما بغيت أطلع منهم باليل واروح لبيت أهلي بالموت حتى طلعت أولاد وبنات كلهم متجمعين علية طبعا علشان منوة يبوسونها ويلعبونها ويودعونها وودعت لأميرة منوة بمثل ماستقبلت به من حفاوة وتكريم .ولما ركبت السيارة تنفست الصعداء أنا ومنوة أخيرا طلعنا وراسي بينفجر من الأصوات .وشوي دخلت بيت أهلي ولقيت كل الأطفال بالحوش أولاد أخواني وخواتي متجمعين وتعالوا شفوا المهرجان الترحيبي الحافل كل الأطفال تجمعوا حوالي وصاروا يصارخون (منوة منوة منوة ........)ولد أخوي بصف خامس ابتدائي يقول لكل الاولاد لاحد يقرب لمنوة ترها خطيبتي .ويقول لي ياعمة (قدري شعوري ترى أنا رجال أغار لاتخلين الاولاد يبوسونها )!!! وبعدين خلعت نفسي منهم خلع بالقوة زي مايسوون المشاهير لما يتجمع عليهم معجبينهم.ودخلت داخل وقاموا الحريم بعد وطاروا بمنوة وخلوني .وبعدين بعد ماهدائت العاصفة وجلست وحكيت لأختي كيف أني خلعت نفسي خلع من بيت أعمامها قالت لي ياحسرة على بنتي رغم أنها هي بعد جاية بعد أولاد بس ماصار لها حفاوة وحب عند الناس زي بنتك والله كانت تنام بجنبي ماحد يجيب خبرها !!!وجالسة أنا من اليوم وأشوف كيف الاطفال والكبار فرحانين وطافين ببنتك وأفكر ليش ماسووا مع بنتي نفس الشئ ؟؟

بسئل نفس السؤل لكم مرة ثانية((مادري أنتم يصير معاكم زي كذا على بناتكم)؟؟؟!!!!!!!!!
تعتقدون ليش الناس تطف ببنتي رغم أن دمها ثقيل وماتعطي أحد وجة ؟
وحدة سئلتها نفس السؤال وقالت لي علشانها جميلة .وجذابة

ومن أخبار منوة بعد أبشركم تركت الهاية وذالك بفضل الله ثم أخوها رقم 2 قال له ولد عمه ترى الهاية تخرب الاسنان (هو يدرس طب أسنان)وأخذ الهاية ورماها فوار حتى ماستشارني أنا صح تضايقت وقتها لأني عند ناس واروح للعزاء وأتركها عند الشغالة وهي مريضة بعد يعني مو وقته أني أفطمها من الهاية بس الحين أنا مستانسة وأدعي لولدي علشان هي خلاص تعودات أنها تنام بدون لهاية بس أكثر الاحيان تنام على صدري بس تنام أسحبه من فمها والحمدالله أحسن من الهاية وقرفها .

هي الحين ماتاكل نفسها مسدودة مررررة حتى السريلاك صارت ماتاكله والكوسها أطبخها لها وأهرسها وماتاكلها الحين بس ترضع من صدري وحليب وعصير برتقال .

وعندها كحة وصوتها مبحوح .

وهي تبكي طول الوقت تقول ماما وتقول ماما بكل الهجات (أما أم ماما يمه )أقول مابقى غير تقول ماميتوا .طول الوقت تبغاني أشيلها .صارت متعلقة فيني بالحيل حتى الشغالة ماتبغاها .

سلامتة بناتكم واولادكم جميعا

بنات جربوا الفروووك ترا والله ريح رسيل كثير

حنين
عودا حميدا
ومن جد صار الاشتراك بفلوس؟
انوار
العسل بعد السنه

اماني
عورني راسي وانا اقرأ المصائب الي جتك الله يعينك
بالنسبه لصديقتك الي معاها سرطان الله يرفع عنها ويشفيها
سمعت عن علاج فاد كثير مرضى بأذن الله وهو

كيلو عسل سدر
راس ثوم بلدي مطحون
3 م ك حبه البركه قصيمي مطحون

يخلطوا مع بعض
وتؤخذ ملعقه من الخليط على الريق مع كوب حليب بارد + قطعة حلتيته بجحم حبه العدس+ قطعة مره بحجم حبة الحمص

لمدة شهر
وان شاء الله تتشافى وتدعيلي

سلاااااااااااااااااام
شخباركم يا امهات وشخبار اطفالكم

انا لسه موكله حمادي بسكويت وحليب والحين جالس يلعب قلت ادخل اشوف اخباركم واخبار العيال


خلووود انتي نفسي كل يوم هواش مع زوجي :024: على اقل الاسباب نفسيتي في الارض خصوصا اني انتظر التوظيف ولا اجى:icon33: ادعولي اتوظف والله احس لو اتوظف نفسيتي راح تتحسن :icon36:
الله كرييييم
الفراشه الماسيه لا تخافي على رسيييل راح اطلعها فان جوخ
<<<<<<<<الاخت مدرسه رسم او بالاحرى مدرسه مع وقف الانتظار:42: :(

يالله اشوفكم على خير راح اروح اسبح الولد قبل لا يأذن

اشوفكم على خير

سلام خواتي اخباركم ...

وانا توني اكلت نفل سيرلاك وحطيتها في عرابيتها وقلت اشوف اخباركم ....:)

اهلين اماني والله ولك وحشه وش الاخبار الشينه بجد مصائب الله يكفنا شر ذي الدنيا :( ..
وصديقتك المريضه انا بعد سمعت مثل ما قالت ام رسيل تستمر عليه شهر طبعا مع القران وان شاء تشفى ..
زين والله بنتك تركت الهايه اما نفل مستحيل تنام بدونها:( تعودت عليها بس طول اليوم ابشرك ما تبغاها بس في النوم ...
ونفل الحين احسها مثل اماني مره مزاجها معكر ومالها نفس في شيء عكس قبل ...
اما سالفت اذا رحت مكان كيف الا طفال عليها يوه يوم رحت الى اهلي والله لو تشوفين كانهم ما شافو صغار ابدا بس نفولي نفولي طول اليوم وراها ما يخلونها تاكل ولاتشرب لازم يشوفونها كانها شيء غريب هههههههه

ام رسيل وشو الفروك والله احس نفل متضايقه لان اسنانه تبي تطلع ...
وكيف رسيل طلعت لها اسنان الحين والا لسه ..