اماني
دايم انا اقول بنجتمع بس لا اجد اي تشجيع يالله شدي حيلك وجمعينا


رسيل من الخميس بالليل وهي معاها حراره تنزل شوي على الخافض والكمادات وترجع ترتقع وديتها ولثتها الي فوق متورمه مع ان يوم طلعوا اسنانها الي تحت ما ورمت اللثه

ولما وديتها يقول معاها التهاب بسييييييط وان التسنين ما له دخل بالحراره والاسهال وانه برئ برأة الذئب من دم يوسف
وانها كلها معتقدات خاطئه

وهذا مو اول دكتور يقول هالكلام انتوا ايش رايكم

سلام ياامهات ياحلوات كيف حالكم انتم والصغار ان شاء الله بخير
معليش اعذروني عالغيبه هذي الايام بس والله اني ماادري كيف يروح وقتي ماافضى ابد وفي نفس الوقت مااشتغل ابد احس اني خلاص طفشت مليت من وضعي بنتي وبيتي وزوجي الكل يبي حقه وانا خلااااااااااااااااص تعبت احس بالضعف ماادري ايش اسوي حتى البيت وانا ارتبه اتوقف عن الترتيب 10 مرات لان جمونه تستدعيني بالصياح
والله نفسيتي صايره دمااار كل مااشتغل وارتب مكان القى قدامي جبل اشغال اخلص ترتيب القى باقي غسيل اخلص غسيل القى كوي اخلص كوي القى ترتيب ثاني وهذي حياتي اليوميه وقبل شوي كنت اكلم خالتي واشكي لها قامت تعطيني محاضره تقول جيبي شغاله
المشكله في الشغاله شيئين
اولا زوجي نوعا ما رافض وجودها بس والله ماعلي منه بالطقاق اهم شي راحتي هو ممانع لانه يشوف ان مالها داعي ومافيه شي يستاهل تخيلوا !!!!!!!!!!!!!!
ثانيا احس انه فعلا وجودها ماله داعي مو انه مافيه شي يستاهل لا بالعكس بس احس ان احنا عائله صغيره وانا جالسه في البيت ماعندي دوام وماعندنا وجبات رئيسيه يعني لو زوجي مايبي غدا خلاص مافيه طبخ وحتى زوجي مايجلس بالبيت ابد جلسته نادره جدا يعني لاشاهي ولاقهوه ولاحتى عشاء لانه الله يهديه يتعشى يوميا برى يعني وش بتسوي الشغاله طول الوقت؟؟؟؟؟؟
وفي نفس الوقت مالي خلق تقابلني طول الوقت من الحين احس اني كارهتها صدق اني دلوعه

المهم وبعد جهد جهيد اقنعتني خالتي قالت ريحي نفسك و و و ومن هالكلام
وفعلا اقتنعت لدرجه اني اقول متى يجي بكره عشان( اشب) في زوجي واقنعه غصب لانه الحين نايم (ان كيدهن عظيم )
ولكن

ولـــكــــن



ولــــكـــــــــن


اول مافتحت الملف لقيت مشاركه اماني ومغامرات شغالتها وبعدها رد ام رسيل وجاني احباااااااط
وخوف وقلت يابنت الحلال ريحي راسك من الصجه لاني فعلا احس ان الشغالات تعب نفسي لايطاق
والحين انا محتاره وش رايكم دلوني عالحل لاني بجد تعبت واحترت ..والله يقدم اللي فيه الخير

وبعد ماخلصت من كتابه مشكلتي بقول لكم اخبار بنتي اليوم فيها حراره وعطيتها تمبرا لاني دايم اعطيها تحاميل وخفت الكل يسب التحاميل والحمدلله كل ماارتفعت اعطيها تمبرا وتنخفض ومعها كحه ياعمري دهنتها بفكس والله يشفيها
اتوقع انها اسنان وياليت تطلع مليت من الانتظار واحس اني متشوقه اشوف سنونها يوه ياحلوها تكفون
عطيتها حليب سيميلاك غين هو حلو بس يجيب الامساك نوعا ما
بالنسبه للدوا الشعبي بطلته لانها كل مااعطيها اياه تستفرغه قلت خل اوفر الجهد وتغسيل الملابس بعد الاستفراغ و بلاش دواء..
وبس خلصت هذر الحين
وانا منتظره حلولكم الكريمه شاكره لكم حسن تعاملكم وسعه صدوركم وشكرا...

انوار وش اخبارك وش صار عليك بالوظيفه بشري؟
انا انصحك بالتدريس وش تبين بالبنك والله انه بهذله وتعب ويكفي انه فترتين دوام وش لك والهم يااختي
؟؟

بس لايضيق صدرك ان كان ماحصل لك وظيفه الحين تراها خيره والله وخصوصا رمضان اقبل علينا الله يشرفه صيام وبيت وبنت ومسؤليه وماعندك شغاله والله تعب
وانا افكر ادور لي وظيفه بعد رمضان ان لقيت والا الله اقوى انا ماتحمست لان ماعندي شغاله واهلي
برى الرياض يعني الوضع متازم نوعا ما...

سلام
امهات

خلود الرياض

اولا كيفك وكيف بنتك

ثانيا انا عندي حل لك

بس بقولك من جد ما يبغالك شغاله بالبيت عشان كل الاسباب الي ذكرتيها بالاضافه الى انه بتقعد على قلبك
يعني انا من اول ما دخلت الشغاله على بيتي طلعت الحياه الرومنسيه من البيت
ما تقدرين حتى اتسولفين او اتسوين اي حركات لاانتي ولا زوجك ويختي تونا متزوجين والله احس انه لنا 37 سنه متزوجين


الحل هو
جيبي شغاله باليوم هذا الي كنت انا مسويته قبل ما اجيب بنتي والله رااااااااحه يعني انا اكره شي اسمه شغل بيت ومع الدوام صار شي اصعب واصعب كنت اجيب وحده مرتين بالاسبوع
اغسل باليوم الي قبله وهي تجي اتنظف كل البيت مطبخ مجلس كل شي
بعدين تكوي
وبالعزايم اجيبها
فيصير عندي التنظيف الخفيف بس غرفة نومي والصاله

اوفر واحسن
وممكن برمضان تجيبيها يوم ويوم

اخبار الانسه رسيل
حراره طول الليل تمبرا وكمالدات وترويش جسم مرتين ولا فيه فايده مانمت وما داومت اللحين فيه حراره بس اخف شوي الله يعينهم والله صغانين ويقطعون القلب