اهلين هلا..

خلود..والله انك صادقه بجاكادي الله ياخذهم خلاقين وععععععععع وش ذا اللبس؟؟تشكيلها لصيف كانت احلى يوم اشتري لبنتي لبس زواج عمتها كان ارقى من كذا؟؟

وانا اليوم على اني بروح غرناطه بس رفضها زوجي ورحت مع امي للعثيم مول قريب مننا قلت لامي بدور لي كم طقم ربيعي لبنتي برمضان زيارات الاهل كثير وانا افتشل ببنتي ماعندي لها شي شيك
كله قطن عادي زي البجامات او لبس البيت..

المهم اشتريت لها من سيرجنت ميجرز طقمين واحد بنطلون بني وبلوزة ورديه لونها حلو والثاني اخضر وبلوزة وركبت عليه بلوفر عشبي فاتح يعني 3 قطع والشراب والقبعه بس باقي الله يعزكم الجزمة وهذا بخليه للعيد ان شاء الله

ودخلت كيكوس وايكس الوانهم تجيب البلاء فاااااااااااقعه عاد انا ماحب هالالوان ؟؟
دخلت زارا وطلعت منه بطقمين واحد جينز مطرز بوردي وبلوزة قطن مطرزة بوردي برضه
والثاني بنطلون جيشي ناعم ربيعي وبلوزته زيتيه البنطلون كان اخر حبه عندهم ولو انه مقاس بنتي بالضبط((انا احب اخذ اكبر شوي بالبنطلون عشان ذاا انشالت ماتطلع رجليها))

ودخلت محل موب ماركه مدري وش اسمه بس انه قريب من وومن سيكرت
واخذت منه فستان جينز رمادي ومعه بلوزة ورديه مخططه برمادي...

والحمدلللللللله طيحت هم..
باقي لبنتي جزمة وودي اروح محلات الخياطه اجيب لها كلفه اخيطها ربطه اعرف بنتي موب مخليه القبعه بتفشلني ابي اذا رفضت البسها الربطه نغطي الفلافل حقتنا ههههههههه




ام رسيل..قريب على محل من المحلات اليوم يفتحون من 8 الى 2 صباحا؟؟عاد والله مدري كل المحلات ولا لاء
بس حاولي اذا طلعتي من دوامك تروحين مالك الا كذا..
شوفي صحارى بلازا فوق كله اطفال .. او خريص برضه كل الاطفال فوق..
العثيم الاطفال تحت جنب الجزم..والله يوفقك
والله اليوم افكر فيك اقول الله يعينك عالدوران والبحث بس انتي استفيدي من خبراتنا:) ..

بسمة الم..خليها على ربك كلنا فلسنا بهالسوق ولا طلعنا الا بكم قطعه

بنات انا قبل شوي اتصفح موقع امريكي e-bay مكن قد سمعتوا فيه هذا بالعاميه زي الحراج
بس بذمتى اني دخت عليه والله لو اعرف له لادخل فيه
تصوروا تو اشوف عرض ل 62 قطعه ملابس اطفال من9-12شهر من مراكات قاب وجمبوري وكارتير جديده تصفيه المجموع ب66دولار والشحن ب12
66+12=78دولار
يعني لو الغيتوا الكسور بيصير السعر النهائي ب293 ريال اقل من 300
وارجع اقولكم 62 قطعه مابين بنطلون وفستان وبلوزة وبربتوز؟؟؟؟
والله يابلاش:(
---------------------------


ام رسيل محتاجه مساعدتك في بالموقع تسجيل وطالبين معلومات عن بطاقة الصراف الفيزا كارد
المهم الطلبين بالانجليزي بس ماعرفت ادبرهم؟؟ضيعت
الطلب الاول هو: credit of debit card number
والثاني هو:card i dentification number


الطلب الاول حسيته انهم يبغون الرقم الطويل حق البطاقه ودخلته
بس اللي عجز فيني الطلب الثاني مافهمت ابدااااااا وش قصته؟؟

سلام صبايا
اخيرررررررررا نزلت السوق

رحت خريص بلازا
بعد الدوام


اول شي مريت زارا وشريت بلوز وبنطلون عشبي لرسيل الظاهر نفس الي اشتريتهم انوار
البلوزه مكتوب عليها بالانجليزي والاحرف فيها لمعه الوان


بعدين انطلقت على كيابي اخذت بلوزتين قطن كم طويل
وهيلا هوب 3ابيض
وقبعه وردي

واخذت من exit
بلوزتين وحده وردي وحده اخضر فاتح

لاحظوا كله بلايز يبغالي عليهم بنطلونات

وصادقين مافي شي واو للعيد
الله يعين على التدوير


انوار
صراحه انا ما عمري شريت عن طريق النت
بس والله والله ما ادرك خايبه بسألك وما اخلي احد اللين القى الجواب المفيد

انوار
سألت عن الي طلبتيه
credit of debit card number
هذ زي ما قلتي رقم البطاقه

card i dentification number
هذا رقم اثبات شخصيه بطاقه احوال او جواز سفر

جربي وشوفي اذا وصلت الملابس وطلعت حلوه
قوليلنا انسوي مثلك

واذا ما ضبط الموضوع وطلعت السالفه نصب بنصب
معناه جت الطقه براسك وحنا ما جانا شي خخخخخخخخ

اعطينا الموقع نتفرج

ام رسيل الطلب الثاني موكذا
يبغون تعريف نفس البطاقه فهمتي؟؟
مكتوب
the third digit number under signature
المشكله ان بطاقاتنا مافيها هالكلام حتى حاطين رسم توضيحي وحطيت اني من السعوديه

لا ماعندهم نصب دروي النصب عندنا الموقع مراقب من زارة التجارة وحماية المستهلك انتي لو تشوفين التسجيل وشلون معقد كان قلتي بس انا بالامان..

الموقع ادخل عىل قوقل
واكتبي e-bay
اول لنك يطلع لك هو لنك امريكا هو الزين..لنك استراليا ماعجبني كللللللللش خايس