صباح الخير
شخباركم؟؟ وشخبار اطفالكم؟؟؟

اما اخباري حمودي الحمدالله صار احسن وراح العنقز بس باقي اثر بسيط وان شاء الله يروح قبل العيد وهالايام صاير حنان مادري شفيه اظن لانه يسنن ودايمن فيه اسهال كرمكم الله..
ونسيت ماقتلكم باركولي لان اليوم استلمت اوراق الوظيفه وعينوني باحثه قانونيه فالوزاره تصدقون اليوم الصبح وانا طالعه عورني قلبي اني باترك حمودي وباروح بس الحمدالله اهو احين كبر شوي بس تصدقون اول مارجعت من الدوام وجافني الا يقولي امه امه ولمني حسيته ولهان علي مع اني مكلمته اكثر من مره من هناك....
وبعد رحت امس صبغت شعري وقطعته على طوله وصااار واااايد حلو قبل زحمة العيد لان خفت اروح فالزحمه وتخربه لي..
اماني
حمدالله على سلامة ابنج وقرة عينج..

خلود
سلامة بنوتج حبيبتي يمكن تسنن..

انوار العمر
وحشتيييييييييييييني من زمان مالاقيتج عالمسنجر :(

ريح النفل
جفتي ايتجمعون من ورانه واحنه مب معاهم اشرايج انطب عليهم...

ساناو
شخبارج حبيبتي؟؟
وشلون حمودي ماحبى ليحين؟؟ وشخبار الاسنان؟؟؟

ام رسيل
حمودي هالاسبوع صادته كحه شينه واحين الحمدالله خفت لان عطيته دوا الكحه 3 ايام وبالاضافه اني نقعت له علك البان واعطيه اياه مع كل رضعه يعني احط حليب على منقوع علك البان والحمدالله بفضل الله خفت الكحه جربي سوي هالطريقه حق رسوله...

ريح النفل
نحن هنا

الفراشه
الحمد الله رسيل ما فيها كحه انا الي في كحه ذاااااااااااااااابحتني الحمد الله دائما وابدا

خميره فوريه
طبعا ما نسيناك بس فين هالغيبه

اهليييييييييييييييين حبيباتي..وحشتوني مووووووووووووووووووووت جميعا
بس الشكوى لله الين يتصلح الجهاز مالي الا جهاز اختي اذا زرتهم زي اليوم يعني..


ابشرررررررركم اني خلصت من بنتي اوووه اخيرا كملت لها كل شي اشتريت لها جزمة وجوارب من بمبكن باتش نفس لون ملابسها,,
وانا اشتريت لي شنطه نحاسيه وصندل من فيث faith
بكذا ودعت زحمه السوق والقررررررررف
باقي الحلاو حق العيد؟؟

وش رايكم جالكسي ولا ماكنتوش؟؟؟؟تصويت ههههه
---------------

ام نفل واحشتني سوالف نص الليل
ام محمد والله واحشتني اكثر بالغاليه انتي وحمودي الحبوب ومبرووووووووووووك الوظيفه الله يزيدك من نعيمه وتستاهلين كل خير بس هاااااااه مو تنشغلين عننا مانرضى ابداااااا

ام رسيل..سلامتك يالغاليه الله يعينك عليها جربتي العسل وحبة البركه؟؟يمدحونه..

ام جمانه..وينك غايبه طمنينا عليك؟؟وش مسويه واحوالك؟؟

اماني..وين الغيبات؟؟والله انا شعوري مثلك فرحانه ان بنتي معي هالسنه بالعيد الله يحفظهم لنا امين يارب..

ام فتحي كيفك وكيف اولادك انشالله بخير؟؟كيف الجو عندكم؟؟بتجين تعيدين عند اهلك لوا يصعب عليك؟؟
--------------------------------------------



قبل الزحمه كل عام وانتوا بخيييييييييييييييييييييييييير
بقولها لكم كل مره اخاف المنتدي بعد يتعطل بالعيد مايندرى:(


الله يحفظكم جميعا وبامان الله..

السلام عليكم ورحمه الله وبركاته

اخباركم اخواتي العزيزات؟
اخبار كتاكيتكم؟
معليش انا والله لاهيه هاليومين مع تعب بنتي

واشكر كل وحده سالت عني وعن جمونه
والحين هي الحمدلله احسن بكثير تخيلوا حراره لمده 3 ايام والله تعبت معها مررررره لانوم ولاراحه لكن الحمدلله على كل حال

الفراشه مبرووووووووووك الوظيفه والله يوفقك ويرزقك من اوسع ابوابه
بس مافهمت يعني ايش تشتغلين بالضبط؟ شكل وظيفتك صعبه مره وهذا اللي حسيت به من اسمها (باحثه قانونيه) يعني محاميه؟


الفراشه ام رسيل
نصيــــــحـــــه
ترى مافيه احسن من اللبان المر للكحه اساليني انا مجربته لي ولبنتي ممتااااااز
خذي لك كم كسره صغيره ونقعيها في مويه حاره واذا صارت دافيه غمضي عيونك واشربيها كلها وبالعافيه على قلبك ان شاء الله... بس لاتنسين اهم شي غمضي عيونك ...

مع السلامه تعبت من الكتابه اكمل لكم عقب باااااااااي...

كل عام وانتو بخير

اهلين حبيباتي,,, شخباركم جميعا وشخبار بطوطاتكم الحلوييييييين؟؟؟؟

اخباري انا بخير الحمدالله يبيلي وقت عشان اتاقلم مع الشغل لان اول وظيفه استلمها بس دايمن احس بوله لحمودي حبيبي ولامرة تركته مدة طويلة وخصوصن ان وظيفتي اتطلب اني اتاخر ساعه او ساعتين :(
اما حمودي فدايمن يمسكني عشان يبي يوقف وصاير مايبي يقعد كله يبي يمسك اي شي ويوقف وماشاءالله طلعت له اسنان فوق اما تحت بس 3 اسنان الرابع مايندرى عنه متى؟؟؟
وتدرون اول يوم رحت الشغل اتصلت الا تقول مربيته انه دايمن يروح بالمشايه عند الباب ويقول ماما واول مارجعت جافني وقام يصرخ ماما ماما حسيته ان صج ولهان علي...

ام رسيل
ماعليج شر يالغاليه واجر وعافية انشاءالله...

انوار
الحمدالله ارتحتي يوم خلصتي من اغراض غلا حمودي بقى له بس جزمه اما الباقي خلصنه منه,,
ياحظكم عندكم faith احنه ماعندنه اياه فالبحرين :(
اميييييييييين الله يسمع منج يارب والله يبارك فيج ويله الفال لج اتوظفين قريب,, ولتخافين انا ماستغنى عنكم ابد انتو الخير والبركه...

خلود
الحمدالله ان جمونه تعافت هاليهال دايمن فيهم كحه ؟؟!!
اميييييين والله يبارك فيج حبيبتي,,
اما وظيفتي انا لان عندي بكالوريس فالقانون يعني كل الشئون القانونية اتكون جهتنه..

اماني
ريح النفل
بسمة الم
ساناو
شخبااااااااااااركم؟؟؟ وينكم؟؟؟