بسمة خجل

اشتقنالك
كيفك
وانتي بخير وصحه وسلامه

خلود الرياض
ياعمري ان شاء الله انا مو منقطعه عنكم
مشكلتي خاصه وما احد يدري عنها حتى اهلي عشان كذا انا مشيه حياتي طبيعي اروح الدوام كل يوم

ام رسيل
لاتنسين تحتسبين الاجر في الهم اللي نزل بك
اسال الله ان يجعل كل ماجاك تكفير لذنوبك يارب..


اماني وينك؟؟؟؟؟؟؟؟؟؟

بنات وينكم ليه ماتشاركون مافيه الا انا وام رسيل وانوار وش دعوى؟؟؟؟؟؟؟
كلمه ولو جبر خاطر..............

بنات وينكم ليش القطاعه؟؟

الفراشه الماسيه الله يهون عليك وانا الله مع الصابرين ما بعد الضيق الا الفرج..

خلود
شكل البنات لسا معيدين

ريح النفل
طمنينا على نفل اي سالفة دكتور العظام

اهلين أمهات شخباركم؟؟ وشلون اطفالكم؟؟

انا هاليومين انشغلت مع حمودي صاده التهاب فالبلاعيم ونزلت البكتيريا للبطن وسببت له الم فالبطن واحين الحمدالله صار احسن بس الكحه مستمرة والخشم يسيل وانا بديت اعطيه الماي اللي منقوع فيه علك البان وانشاءالله يتحسن ودايمن لما ارجع من الشغل ينطرني مع مربيته عند الدريشه ويقول ماما ماما الظاهر انه ولهان علي,, بس ليحين ماحبى مادري شقصته الظاهر من المشايه واحين دايمن يحب يوقف يمسك الكنب ويوقف واحيانا امسكه من ايدينه ويمشي,,
اما انا مع الدوام اقعد من صبح واذا رجعت اقعد مع حمودي اعوضه بالحنان وعقب انام معاه مره وحده فليل...

انوار العمر
حبيبتي ولهت عليج وااايد,, شخبارج وشخبار غلا؟؟؟

ام رسيل
طمنيني عنج ان شاءالله ربي فرج همج؟؟ وشني اخر اخبار رسوله؟؟

خلود
شخبارج حبيبتي وشلون جمونه؟؟؟

اماني
شلونج وشخبار منوة وشخبار ولدج مع دراسته؟؟

ريح النفل
حبيبتي ترى حمودي نفس الشي احياناً يرفع ابهام ريله على جدام اذا عصب او اذا كان يبكي بس اذا وديتي نفل قوليلي شقال لج الدكتور؟؟

بسمة الم وبسمة خجل
شخباركم وشخبار كتاكيتكم؟؟؟