ام رسيل نبي ملف اطفالنا 5 لان هذا كثرت صفحاته....

اهلين فيك فراشه هادئه معنا ......

ام رسيل حليب بروميل بالمره حلو واكيد راح يعجب رسيل فديتها تخيلي ما ناسب نفل غيره والدكتور يقول هو افضل حليب للاطفال ...حتى دكتوره نجلاء دايم تنصح فيه ..

الفراشه الهادئه

الله يحيك معانا
ما شاء الله كثروا الفراشات


ريح النفل

احس كثير 3 سنين خصوصا انها البكر

خلود الرياض
لا والله ما حملت بس بدأ الزن من اهلي واهل زوجي

وجالسه افكر اللحين احمل والا لا

احس توها رسيل صغنتوته فاقول بدري احمل

واحيانا اقول بحمل اللحين عشان رسيل ما حولها اطفال احسها بتكبر لحالها لان انا الوحيده من خواتي المتزوجه
واهل زوجي اغلبهم ساكنين خارج الرياض والي ساكن هنا امه واخوانه الي مو متزوجين والمتزوجين وعندهم اطفال خارج الرياض

احس بنتي وحيده

احس اني محتاره مررررررره شوي ابغى واشوي لا

وكله بمشيئة الله

ابشري بفتح ملف جديد السبت ان شاء الله استبشر باول الاسبوع


بالنسبة للحليب انا الي عندي من الارجنتين اغيره والا لا؟

السلام عليكم بنات..

ادري اني انقطعت من الخميس الين اليوم الثلاثاء..بس يعلم الله ان الظروف الصعبه هي اللي فرقتنا..

اسمعوا وش صارلي مع بنتي واعتبرووا..
---------------------------------------------------------------

يوم الجمعه كان يوم عادي وهادي جدا بدايه الامطار..بنتي صحت مزاجها زفت وقلقانه زي عوايدها موب شي جديد..شفت حرارتها ولقيتها 37 فاصله 2 وهو امر طبيعي جدا..
رضعتها مارضت حاولت اكلها بسكوت وحليب برضه مافي نتيجه..الين بعد الظهر ورجعت نامت
وانا نمت معاها
صحينا العصر..حاولت ارضعها مره ثانيه تبكي تبكي تبكي وانا وياها محاولات بس مافي فايده ماخليت لعبه ولا حركه ماسويتها اقنعها ترضع..ورجعت سويت بسكويت بالشاي قلت يمكن يعجبها بس مافي فايده
الحين صارلها 14 ساعه بدون اي شي ببطنها..المهم رجعت نامت..انا قلت مع البرد الطفل عادي ينام..
جت الساعه 11 بالليل وهي ماصحت؟؟؟؟؟؟ الحين لها اكثر من 24 ساعه بدون رضاعه ولا اكل ولاشي..
رحت مره ثانيه وقست حرارتها ((بالترمومتر حق الابط))وطلع لي 37 فاصله 5
طبيعي برضه حاولت اصحيها مالها خلق وعييت كلللللللش كلمت امي؟قالت مدام مافيها حراره ولا تعب اتركيها موب مشكله..









الساعه (( 12)) انا كنت اكوي وفجاه اسمع صوت انييين غريب؟واركض للغرفه والقى بنتي وجهها احمررر وعيونها تدمع وفمها ازرق

اول شي خطر ببالي كلام((ام شهد)) عن دموع العين انها حراره داخليه
واركض اجيب الترمومتر واقيس الحراره 37 فاصله 6 ؟؟؟؟؟؟؟؟؟؟؟؟؟؟؟؟؟
قلبي ماطاوعني واشيل البنت بالبطانيه واكلم زوجي ونطلع فيها بسرعه طوارئ
مستشفى رعايه الرياض..


ويقيسون حرارتها ولا هي 42 وشرطه قال الدكتور لازم ننزل الحراره الحين لانها بدت تتشنج
انا تروعت وبلحظه يفكون ملابسها ويعرونها ماغير الحفاظ بسسس
ومويه وثلج وتحميله ومسكينه هي بس تبكي وانا معهاااااا طبعا تقطع قلبي مررره
وزوجي فوق هذا واصله معه العصبيه حدود ويلومني يعتقد انني ماهتميت ولادريت بحرارتها مع اني قستها..
بس الدكتور لمن شاف الترمومتر قال هذا ماينفع خربان..

المهم بعد ساعتين الحمدلله صارت الحراره 38 مرتفعه بس خارج الخطر شوي,,اعطوها تحميله ثانيه..وطلعوني من الطوارئ..


رجعت لبيتي الساعه 3 وحاولت ارضعها ورضعت 60 ملم وكانت متلهفه مرره مسكينه مسيته جوووع
ونامت..غيرت ملابسها انا لان فيهم مويه من المطر ومن التبريد بالكمادات بالمستشفى

وبدلت ملابسي انا بعد ونمت جنبها..صحيت الساعه 5 على شي حاررر فوق راسي وافتح عيوني ولا بنتي تتنفس بوجهي
والله مازيد عليكم زي الدفايه..طبعا بما ان مقياسي زي الزفت صحيت زوجي وقلت يله
برجع الطوارئ وكان نعسان قال مقدر اسوق ابعد من المستوصف القريب
واوديها والحراره 39 فاصله 9
يالللللللله ارتفعت بساعتين؟؟؟سبحان الله..
قال الدكتور هذا فيروس بالجو حراره كل الاطفال اللي شفتهم اليوم كذا..
طمني شوي وعطاني تحاميل ادول للبنت قوتهم 125 ولفيتها وانا راجعه قلت لزوجي مابي اروح بيتي
بروح بيت اهلك اقرب للمستوصف في حاله جد شي..
واشتريت لها مقياس براون للحراره من الاذن لان الدكتور قاللي هذا احسن شي بالسوق..
اما مقياس المستشفيات المضبوط مرره يقول انه ب300 مدري 400 ويباع بشارع الضباب عند الادوات الصحيه..بس اني ناويه اشتري لي واحد اللي زي حق المستشفيات (خمس ثوان)..


ومازيد عليكم..الحراره استمرت 3 ايام كل 3 ساعات تحميله..ووديتها 4 مستشفيات و3 مستوصفات
البنت مااااااااااااترضع ذبحتني مررره ولا تاكل..
اخر شي عطوني مضاد حيوي يقول التهاب رئوي والتهاب اذن وسطى والتهاب بالحنجرة..
وكحه وبلغم..والمضاد مدته 10 ايام وهذاني ماشيه عليه..


الحمدلله على كل حال..
----------------
بنات ادعوا لولد خالتي جته حراره زي بنتي وتشنج والحين عالاجهزةبالمستشفى غيبوبه
وبيسوون له اشاعه مقطعيه بكرا
يشوفون هو متعطل مخه ولا لا.يعني ميت دماغيا ولا لا.؟؟الله يخليكم ادعوا له..
حرام هالبزران يكسرون القلب

بنات اسفه اني غبت عنكم 5 يايام بس بنتي كانت مريضه جدا جدا
ومراجعات واشاعات الحراره بغت تموتها والحمدلله على كل حال ومضربه عن الرضاع
وماخليت سيريلاك بالصيدليه ماجبته ولا جربته لها برضه ماتبي..ماشوف تورم يعني مافي دلائل تسنين
بس الحراره ذبحتني
واضطريت امشي على نصيحه ام شهد بالتحاميل والله كل 4 ساعات وكمادات لان التحميله لحالها ماتنزل الحراره ابدااااا
ولا انام ليل لوا انام نهار..
تكح ومع البلغم تختنق وتبكي وترجع مرات فحياتي مراقبتها وكمادات واذا نومتها نص ساعه او ساعه
عالغسيل علطول لان ملابسها كلها تتوصخ بالترجيع..


قررت استراتيجيه لاول مره بسويها بلبس بنتي لبس دافي ولا راح استخدم لادفايه ولا تكييف حار..بخلي كل شي طبيعي عشان لاتستنكر بنتي الاجواء وتمرض,,

الله يعين اكررررره شي عندي الكحه والبغلم ارحمها صغيرونه..
---------


الله يخليكم بنات تدعون لولد خالتي تشنج حراره وبغيبوبه وبيسون له اشاعه مقطعيه بكرا يحددون اذا كان ميت دماغيا او لاء؟؟الله يخليكم محتاج دعواتكم له ولامه..