أهلين أم جمانه .والله كنت بقولك طلعي أطباق من كتاب النخبه أنا من أهدته لي أختي وأنا ماأستغني عنه وماأحتار على طوال أطلع منه .والحمدالله أن عزيمتك صارت تمام .

وأختي بالنسبه للمسيار عليك يشرفني ذالك ولكن أنا عندي طبع وكل جماعتي يعرفون هذا الطبع عندي أنا اللي ماتسير علي ماأسير عليها أبدا أبدا حتى لو أختي والله العظيم .أختي الكبيرة رغم أنها غالية عندي جدا جدا بس طبعها غير عن طبعي مرة ماتحب تطلع كثير بس تحب الناس تجيها ورغم ذالك أن ماجيها كثير علشان هي ماتجيني كثير .وعندي قصص كثيرة تدل على طبعي هذا طبعي هذا فيني من أول ماصرت حرمه ولي علاقات أجتماعية .لما تسكن جارة جديدة نروح نتعرف عليها أذا ردت الزيارة كان بها أذا ماردت شطبت عليها من القائمة ومادخل بيتها مهما كان .

أحدى بنات عمي كان عندها عزيمه يوم الأربعاء اللي راح ومارحت لها لأنها هي كذا مرة تصير عندي مناسبه وأعزمها وماتجي وماتعتذر بعد ويوم عزمتني قلت لها أنا أصلا أنتظرك تعزميني على نار علشان ماأجي وأردهالك قامت تعتذر وتقول والله كل مرة تعزميني يكون عندي ظروف مااقدار أجي ولا أنتي تعرفين معزتك عندي .قلت لها خلاص وأنا بعد عندي ظروف قلت لها بس لو كنتي أتصلتي أعتذرتي كان سامحتك بس تطنشيني كذا لا!!وفعلا مارحت لها وأرتحت أني أخيرا رديتها لها .وكنت بكتب لكن عن هالموضوع بس أنشغلت .والحين سؤالي للجميع .

هل تحضرين عزيمه لمن لم تحظر عزيمه لكي ولم تعتذر ؟؟!

هل تهدين أي تقدمين هديه لمن لم تهديكي في مناسباتك ؟؟

أنا عن نفسي كنت ذابحه حالي قبل أولد منوة بس أهدي ربعي وجماعتي من أغلى أنواع الهديا ويوم ولدت منوة ماشفت هديا من أغلب الناس اللي كنت ذابحه نفسي علشانهم وبعدها تقننت الشغله عندي وترتبت صرت أهدي بس اللي أهدوني واللي ماهدوني خلاص طناش في كل مناسباتهم .تصدقون عاد جيراني رغم أني يوم ولدت منوة بس لي سنه ساكنه ومع ذالك ماقصروا معاي خدموني كثير وكل يوم يرسلون لي فطور وغداء وعصريه وعشاء وأهدواني طقوم ذهب لمنوة قلت سبحان الله الحين الناس اللي طول عمري أخدمهم ماشوف منهم شئ والناس اللي توهم ماشفوا مني شئ خدموني كذا وأهدوني .!!!!!!!!!!!

دموع الحنين..اهلين اختي..والله ترا انقطاع سنه كثير والواحده تسهى وتنسى..معليش وش سميتي ولدك عالبركة وتقريبا هو بعمر اطفالنا انا بنتي عمرها مبين بشريط التوقيع سنه وشهرين الا شوي
لاني ولدت ب21-12-1427
وانتي متى ولادتك..
وكيف وضع طفلك
وكيف التسنين
وهل يمشي او لاء..؟؟؟
علشان نتعرف عليك اكثر..
وانتي كيف وضعك تشتغلين او تدرسين او بالبيت..
وحياك الله معنا بس لاتنقطعين..
=====================================


888888888
88888
888


هلا إختي أنوار
أنا كانت ولادتي في 30/12/2005
ياعيني على ولدي معاصر 3سنين ههههههه
الحمد الله بخير وسنن بس متأخر
لسى الأخ مامشى

وأنا في البيت مالقيت لي وظيفه هئ هئ هئ

=================================================

في
هلا فيك ياعمري
شفتي كيف التواصل رائع

كيف حال ابنك وايش سميتيه
ومتى بتخطبيله وحده من بناتنا
ترا كذا العاده عندنا لازم تخطبين من بنات الملف وممنوع تطلعين بره مفهووووووووووم


888888888888
8888888
8888


وفيك عزيزتي
أكيد بيكون التواصل رائع
وسميته عبدالله
وتمام ماعليه رجال بس عنيد وراسه يابس الله يهديه
وماله إلا كلمته <<<<<<<مشي رايه على البيت كله منتهز نقطة الظعف عندنا
وخلاص بدورله وحده من بناتكم بس ماندري من بيختار
هههههههههههههههههههههههههههههه
===================================================
بنات أخباركم وأخبار نونواتكم مشو ولا توهم

اهلين بنات كيفكم..

خلود كل يوم عن يوم اكتشف ان زوجك يطابق زوجي..انا زوجي نفس الطبع مايسمح بسهوله اني اروح ازور حد ولو اني احب الناس امكاناتي على قدي بس احب الضحك والوناسه صديقاتي مايزوروني يقولون بيتك شقه ونحس اننا بنضيق عليك خلونا ببيوت بعض وصرت زي ام منوة ماروح لهم افتشل فيهم اروح لوا يجوني حتى عزمتهم ببيت امي عشان اكبر ولا جوو ولا عبروني
البعض اعتذر والبعض ولا طنااااش لاعتذار ولا مكالمة ولا شي
انا من النوع اللي ماحب التلفون قطعيني الحب بقلبي100%للوحده بس ماكلم ماعرف اتلبك
طبعي خجول واستحي..بس ياليت نتقابل بمكان عام زي مركز الامير سلمان
خصوصا يقولون فيه بازار بس لاتحطون بالويك اند لان زوجي يطلع للبر:( مايوديني
بس وسط الاسبوع ناخذ قهوه وحلى ونروح ومنها نغير جو وبناتنا ينبسطون
--------------------------------

ام نفل عسى ماشر
ام شهد بدت تتغلى علينا
ام رسيل كيف الاحوال

احلى مساء لاحلى امهات - يارب تكونوا بخير-- ام نفل وشهد عسى المانع خير- الفراشه كيف حمودي - ام رسيل وينك - امونه عامل الناس كما تحب ان يعاملوك --انا عاملهم بالمثل بس مااقاطعهم اذا فيه مناسبه ابارك مو بالضروره اهدي لانهم ما اهدوا بس القطيعه لا حتى اختك لا تقاطعيها لانها ماتجي ابدي بالمعروف واخذي الحسنات والاجر وحطي لها العذر يمكن تعودت والطبع يغلب التطبع وماعاد تقدر تغير هالعاده--

اماني
بالنسبه للزيارات لا مااعامل الناس بالمثل وخصوصا الاقارب لان فيها صله رحم طبعا ماازورهم كثير زي غيرهم ولا اقطع الزياره نهائي لا اكون وسط ان جا مناسبه باركت وان جا عزيمه حضرت
لاني والله حاسه بمعاناه بعض الحريم يااما عندها ظروف او زوجها مايوافق ترى فيه حريم كثار زوجها مايخليها تطلع بس ماتقول للناس انه شديد في هالنقطه لانها تخاف على البريستيج حقها خخخخخخخخخ
بنات ترى جد بعض الحريم رجالهم قويين عشان كذا اعذروهم انا صديقتي لما ولدت جتني في بيتي بعد الاربعين وجابت لي هديه لبنتي وولدت بعدي بثلاث شهور ومارحت لها يقول موب ضروري كلمتيها كفايه
شفتي كيف ؟؟؟ بس اشوى هي عارفه طبعه وعذرتني

اما الهدايا على حسب بس غالبا اللي يعطيني اعطيه واللي يقطعها اقطعها الا في حالات خاصه جدا مثل ولاده بعد سنوات كثيره من التاخر وما الى ذلك........