شلون قدرت اغير حياتي الزوجيه التعيسه الى حياه ثانيه سعيده ما لها صله بالاولى .......

مساء الخير على احلى بنات حواء
طبعا انه بكتب قصتي لكن القصد مو عرض القصه كثر ما القصد هو الاستفاده والاتعاظ على اكل شي ا في قصتي
طبعا اول شي بقولكم عن حالي مع زوجي قبل الزواج ( الخطوبه )

كان زوجي رجل رومااانسي بمعنى الكلمه , يحبني , يتلهف علي في كل وقت , يكلمني في التلفون ساعات وساعات , يموووووت فيني وكل شي ولا زعلي اذا زعلت هو يزعل وماينام الا وهو مراضيني وانه واعترف اني كنت حاده الطباع معاه ومزاجيه وعصبيه على اتفه الاشياء واتدلع على شي وولا شي ....... باختصار كان زوجي زوج مثااااااالي وانه كنت مثاليه لكن التصرفات الغبيه الي اسويها في بعض الساعات تخرب الي اسويه له ايام .......


نيي لبعد الزواج طبعا زوجي كاااااااان متلهف على العرس ومافي شي ما سواه لي كلشي في خاطري والحمدلله رب العالمين لكن انتو تعرفون الانسان لما يطغى ويتكبر على النعمه يعني انه كله مو عاجبني العجب وكله اقارن حياتي بحياه صديقاتي مع ان يمكن الي ازواجهم يسوونه لهم مو مثل الي يسويه زوجي لكن طبع النسوان وما ادراك ما هالطبع ...........
المهم اول شهرين كان زوجي يتحملني ويتحمل طبعي الحاد ومزاجي المتقلب وصوتي المرتفع عليه ( عاد مو تاخذون عني فكره تراني هالمزاج والاعصاب ما يطلعون الا اذا كنت معصبه اما الاوقات العاديه حلييييييييوه ورومانسيه وخوش مره لكن الله لا يراويكم الويه الثاني الحمدلله والشكر )
ما اطول عليكم ....... الحاله تأزمت وتأزمت وتأزمت الى ان وصلنا الى درجه ان انا وزوجي في الاسبوع يمكن نتهاوش 3 مرات او اكثر وطبعا كل واحد يعاند وما يراضي الثاني والسالفه تتعقد وتوصل الى كل واحد يطول لسانه على الثاني وكل واحد ينبش في الماضي وانا اتذكر مساوئه وهو يتذكر مساوئي واخر شي نرضى بس حتى لما نرجع مع بعض زينيين الحب القبلي والمشاعر قلت بشكل كبير وما انكر ان هالمشاكل وايد اثرت علي حبه لي صار يحب يقعد مع ربعه وااااااايد و يفضلهم علي وصرت زعلت ولا رضيت عادي عنده بالطقاق وطبعا الرومانسيه اختفت وانمحت وصار طبعه كل صامت ما يتكلم ولا شي تجنبا للاعصاب والمشاكل وكنت اتحسر على الطلعه ولا يطلعني مو بخل منه بس صاده فتور وملل من أي شي يتعلق فيني حتى الطلعه معاي صارت ممله بالنسبه له وانه طبعا بغبائي الشديد ماكنت اعرف ان هذا حصاد زرعي بل كنت ازيد عليه بالعتاب واللوم والتذمر منه والتشكي............
طبعا انه وزوجي حالتنا الدينيه في هالايام كانت عاديه جدا يعني نأدي الصلوات اللازمه علينا , مع الاسف كنا نسمع اغاني وكان هالشي عادي عندنا , كنات انا وااااااايد ما اصون لساني يعني اغتاب واتكلم من ورا الناس على كيف كيفي يعني طبع الحريم ,,غير الذنوب الي الواحد يجمعها من الاشياء الصغيره والهفوات الي ما يحطها على باله ولا يحط الله ولا ملك اليمين وملك الشمال على باله ...

المهم يا حبيباتي وصلنا انه وزوجي لحاله ان خلاص ما نقدر نستمر مع بعض والحياه بيننا شي مستحيل وكل هذا الكلام لو اقولكم خلال شكثر ماراح تصدقون كل هالكلام خلال 10 شهور الناس يوصلون لها بعد سنوات واحنا في اول شهور لنا .... اتفقنا على الانفصال والطلاق هذا احسن حل لحالتنا قبل ما نرتبط بعيال لاننا كنا مأجلين هالموضوع لاسباب .....

خلنا الى هني بكتب الباقي وبكمله بس صبرووو شوي يدي عورتني