مبروك ياعروسه الليلة زفتك
في ليلة زفافك راح تسمعين هذه العبارة من الاهل والحبايب والكل يتمنى لك ويزف احلى عبارات التهاني ..انتهى العرس كالحلم الجميل وحانت لحظة توديع الاهل والصديقات تقترب امك او اختك منك هامسة : الحقيبة ركبناها بالسيارة
طيب ايش اخذتي معاك بحقيبة ليلة الزفاف ؟؟
سواء ستقضين ليلة العرس بفندق او بشقتك وسواء كانت الاقامة يوم او ثلاث ايام تعالي نرتب الحقيبة سوا ونشوف ايش راح تحتاجين بهذه الليلة
بالبداية يجب ترتيب الحقيبة قبل موعد الزفاف باسبوع على الاقل
ولتفادي نسيان اي من مستلزماتك ولسهولة الوصول اليها اتبعي مايلي
قسمي محتويات الحقيبة لأربع مجموعات : 1- مجموعة الملابس وملحقاتها ..2- مجموعة المكياج وملحقاته ..3- مجموعة العناية الشخصية وملحقاتها ..4- مجموعة وجبة السناك
والحين نشوف كل مجموعة مع الصور :
مجموعة الملابس وملحقاتها وتتضمن اهم شي :
قميص ليلة الدخلة + الحذاء
روب الحمام وملحقاته
فستان للصباحية
طقم ملابس لفترة العصر او الخروج مع العريس سواء للتمشية او زيارة الاهل او الرجوع للمنزل - ملابس داخلية مريحة 2 كيلوت + 2 سنتيان
ولا تنسين شرشف الصلاة
- مجموعة المكياج وملحقاته :
سشوار –مشط وفرشاة الشعر – مطاطات وشباصات – اطواق او ربطات ناعمة – عدد اثنين من الارواج واحد فاتح والآخر غامق – ظلال العين –اساس – بودرة الوجه – مرطب شفايف – مزيل المكياج – كريم جسم – عطر شعر – عطرك - كريمات ترطيب للوجه والجسم
- مجموعة العناية الشخصية وملحقاتها :
تشمل : شامبو للشعر وبلسم – شاور جل – غطاء لستحمام للرأس - ليفة – مزيل عرق - اعواد قطن – فرشاة ومعجون الاسنان – معطر للفم – غسول للمنطقة الحساسة وافضل نوع جايا – كريم مضاد حيوي فوسادين مهم بعد الدخلة كوقاية – مبرد اظافر – فوط صحية للعناية اليومية ( التي تلبس بين الدورتين )
4 – مجموعة السناك :
اغلب العرايس تشعر بالخجل من الاكل امام العريس او ان تطلب طعام اوشراب مهما تعودت عليه... والحل ؟؟ خذي معاك وجبات سناك خفيفة لانقاذ الموقف
افكارعملية :
بدال علب الشامبو والبلسم والكريمات ..خذي طقم كامل من العبوات الصغيرة الخاصة بالسفر
بدال ماتاخذي مجموعة من الارواج اكتفي بلون فاتح وآخر غامق وامزجيهم للحصول على درجات من الوان احمر الشفايف
بدال ماتضعي كل الاغراض مع بعض مكركبة بالشنطة حاولي تضعي كل مجموعة مع بعض وانا انصحك بشراء مجموعة حقائب السفر او اي مجموعة مشابهه
هذه صورة المجموعة اللي عندي ناقص واحدة ماحطيت فيها شي
هذه المجموعة اشتريتها بلون التايقر وفي منها الوان عديدة وبصراحة استفدت منها وقت السفر كثير المجموعة فيها خمس شنط مقاسات وشوفي كيف رتبت اغراضي بكل شنطة وبعض الاحيان اشيل الشنطة باللي فيها واحطها بالدولاب مريحة ماتتعبي وانتي تفرغي اغراضك من الشنطة كل شي مرتب بشنطة خاصة
الشنطة اللي مقاسها كبير ماصورتها ممكن تحطي فيها الاحذية ..الحجم اللي بعده خصصته للملابس
الشنطة اللي اصغر حطيت فيها السشوار ولوازم الميك اب
المقاس اللي بعده حطيت فيه مجموعة العناية الشخصية ولاحظي كل الشنط لها جيب بسحاب تحطي اشياء ثانية انا حطيت اعواد القطن وفوط صحية
اصغر مقاس انا حطيت فيه كمثال علبة عصير وعلك وحبوب للصداع ممكن تخليه للسناك كمان
وهنا كل المجموعة مرتبه داخل شنطة السفر اللي حجمها صغير ولاحظي كيف كفت الشنطة كل الاغراض
وهنا الشنطة مغلقة ولاحظي حجمها صغير
همسة في اذنيك :
اياك انتستقبلي العريس في الصباحية بنفس قميص النوم ..استيقظي قبله وقومي بعمل تسريحة ناعمة وارتدي فستان جميل للصباحية ينفع لاستقبال اهل العريس او اهلك
مثال لموديلات ناعمة للصباحية :
الهمسة الثانية : لاتتنازلين عن القميص الابيض الطويل في ليلة العرس ..القمصان القصيرة والملونة تستطيعين لبسها في اي وقت وامامكم العمر كله باذن الله .. فلماذاالاستعجال عزيزتي ؟ ولا تنسي كلما طال حياء العروس طال شهر العسل
وتمنياتي لجميع العرايس بالتوفيق والسداد وبداية حياة ملئها التفائل والايمان واتمنى يكون موضوعي عجبكم
إن شاء الله عرايسنا الحلوات يستفيدون من موضوعك